Книга пророка Иезекииля, глава 17

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 17
17:1	И бысть слово Господне ко мнѣ глаголя:
17:2 См.: 🔗Иез. 20:49	сыне человѣчь, повѣждь повѣсть и рцы притчу на домъ Израилевъ,
17:3 См.: 🔗Дан. 7:4 🔗Ос. 8:1 🔗Иез. 31:3	и речеши: сiя глаголетъ Адонаи Господь: орелъ великiй, великокрилый, долгiй протяженiемъ, исполнь ногтей, иже имать повелѣнiе внити въ Ливанъ, и взя избран­ныя кедра,
17:4	и верхи мягкости острога, и при­­несе я въ землю Хананейску, во градѣ огражден­нѣмъ положи я:
17:5	и взя от­ сѣмене земнаго и даде е на поли плоднѣ, [да утвердитъ коренiе] надъ водами многими, видѣно учини е:
17:6	и прозябе и бысть въ виноградъ немощенъ и малъ величе­с­т­вомъ, еже являтися лозiю его на немъ, и коренiе его подъ нимъ бяше: и бысть въ виноградъ, и сотвори розги, и простре от­расли своя.
17:7	И бысть орелъ другій великъ, великокрилный, многъ ногтьми, и се, виноградъ сей оплетаяся объ немъ: и коренiе его къ нему, и лозiе свое испусти ему, еже напаяти себе со грудiемъ сада сво­его.
17:8	На поли добрѣ, на водѣ мнозѣ питает­ся той, еже сотворити прозябенiя и при­­носити плодъ, еже быти въ виноградъ великъ.
17:9	Сего ради рцы: сiя глаголетъ Адонаи Господь: еда исправит­ся? не коренiе ли мягкоты его и плодъ изгнiетъ? и изсхнутъ вся лѣторасли его, и не мышцею ли великою, ни людьми многими еже исторгнути его изъ коренiя его?
17:10 См.: 🔗Иез. 27:26	И се, тыетъ: еда успѣетъ? не абiе ли, егда коснет­ся ему вѣтръ знойный, посхнетъ сухотою? со грудiемъ прозябенiя сво­его изсхнетъ.
17:11	И бысть слово Господне ко мнѣ глаголя:
17:12 См.: 🔗4Цар. 24:10 🔗2Пар. 36:10	сыне человѣчь, рцы ко дому прогнѣвляющему мя: не вѣсте ли, что суть сiя? рцы имъ: се, грядетъ царь Вавилонскъ на Иерусалимъ, и возметъ царя его и князя его, и от­ведетъ я къ себѣ въ Вавилонъ:
17:13 См.: 🔗Иер. 34:19	и пойметъ от­ племене царска, и завѣщаетъ съ нимъ завѣтъ, и введетъ его въ клятвѣ, и старѣйшины земли возметъ,
17:14	еже быти въ цар­ст­во немощно, еже весьма не воз­носитися, [но] хранити завѣтъ его и стояти въ немъ:
17:15 См.: 🔗4Цар. 24:20 🔗Ис. 30:2	и от­вержет­ся от­ него посылая послы своя во Египетъ дати ему кони и люди многи: еда исправитъ? спасет­ся ли творяй сопротивная? и преступаяй завѣтъ спасет­ся ли?
17:16 См.: 🔗4Цар. 24:17 🔗Иер. 34:3	Живу азъ, глаголетъ Адонаи Господь, аще не на мѣстѣ, идѣже царь воцаривый его, иже похули клятву мою и иже преступи завѣтъ мой, съ нимъ средѣ Вавилона скончает­ся.
17:17 См.: 🔗4Цар. 25:1 🔗Ис. 29:3 🔗Иез. 4:2	И не въ силѣ велицѣй, ниже въ народѣ мнозѣ сотворитъ съ нимъ фараонъ брань во острозѣ и въ согражденiи стрѣльницъ, еже изъяти душы многи.
17:18 См.: 🔗1Езд. 10:19	И похули клятву, еже преступити завѣтъ, и се, даде руку свою и вся сiя сотвори ему: не спасет­ся.
17:19 См.: 🔗Иез. 9:10	Сего ради рцы: сiя глаголетъ Адонаи Господь: живу азъ, аще не клятву мою, юже похули, и завѣтъ мой, егоже преступи, дамъ на главу его:
17:20 См.: 🔗Иез. 12:13 🔗Иез. 32:3	и простру мрежу мою нань, и ятъ будетъ во одержанiи ея: и при­­веду его въ Вавилонъ и разсуждуся съ нимъ тамо о неправдѣ его, еюже неправдова ко мнѣ:
17:21 См.: 🔗Иез. 12:14	и вси избѣгшiи его и вси избран­нiи со всѣми ополченiи его мечемъ падутъ, и вся остав­шая ихъ разсѣю по всему вѣтру, и увѣсте, яко азъ Господь глаголахъ.
17:22 См.: 🔗Иез. 31:3	Сего ради сiя глаголетъ Адонаи Господь: и воз­му азъ от­ избран­ныхъ кедра высокаго от­ верха и дамъ от­ главы от­раслей его, сердца ихъ остружу и насажду азъ на горѣ высоцѣ:
17:23 См.: 🔗Дан. 4:9	и повѣшу и въ горѣ высоцѣ Израилевѣ и насажду и, и прораститъ от­расль и сотворитъ плодъ и будетъ въ кедръ великъ: и почіетъ подъ нимъ всякъ звѣрь, и подъ сѣнiю его почіетъ всяка птица, и лозiе его паки устроят­ся:
17:24 См.: 🔗Иез. 36:36 🔗Иез. 37:14	и увѣсть всяко древо полевое, яко азъ Господь смиряяй древо высокое и воз­носяй древо смирен­ное, и изсушаяй древо зеленое и проращаяй древо сухо­е: азъ Господь глаголахъ и сотворю.