Откровение Иоанна Богослова (Апокалипсис), глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗Отк. 21:15	И дана ми бысть трость подобна жезлу, глаголя: востани и измѣри церковь Божiю и олтарь, и кланя­ю­щыяся въ ней:
11:2 См.: 🔗Отк. 13:5	а дворъ сущiй внутрь {внѣ} церкве изнеси {исключи} внѣуду, ниже измѣри его, зане данъ бысть языкомъ: и градъ святый поперутъ четыредесять и два месяцы.
11:3	И дамъ обѣма свидѣтелема Мо­има, и прорицати будутъ дній тысящу двѣстѣ и шестьдесятъ, оболчена во вретище.
11:4 См.: 🔗Зах. 4:3	Сіи суть двѣ маслицы и два свѣщника предъ Богомъ земли стояща.
11:5 См.: 🔗Ис. 11:4 🔗Иер. 5:14 🔗Ос. 6:5 🔗2Фес. 2:8	И иже имъ неправду сотворитъ, огнь исходитъ изъ устъ ихъ и поястъ враги ихъ: и иже восхощетъ обидѣти ихъ, сему подобаетъ убiену быти.
11:6 См.: 🔗Исх. 7:19 🔗3Цар. 17:1	И сіи имутъ область затворити небо, да не снидетъ дождь [на землю] во дни прорицанiя ихъ, и область имутъ на водахъ, обращати я въ кровь и поразити землю всякою язвою, елижды аще восхощутъ.
11:7 См.: 🔗Отк. 17:8	И егда скончаютъ свидѣтел­ст­во свое, звѣрь, иже исходитъ от­ бездны, сотворитъ съ ними брань и побѣдитъ ихъ и убiетъ я,
11:8	и трупы ихъ оставитъ на стогнахъ града великаго, иже нарицает­ся духовнѣ Cодомъ и Египетъ, идѣже и Господь нашъ распятъ бысть.
11:9	И зрѣти имутъ от­ людій и племенъ, и от­ языкъ и колѣнъ, тѣлеса ихъ дни три и полъ, и трупы ихъ не оставятъ положити во гробѣхъ.
11:10	И живущiи на земли воз­радуют­ся и воз­веселят­ся о нихъ, и дары послютъ другъ ко другу, яко оба сiя пророка мучиста живущыя на земли.
11:11	И по трiехъ днехъ и полъ, духъ животенъ внидетъ въ ня от­ Бога, и станутъ [оба] на ногахъ сво­ихъ: и страхъ велiй нападетъ на зрящихъ ихъ.
11:12	И услышатъ гласъ велiй съ небесе, глаголющь имъ: взыдита сѣмо. И взыдоста на небо на облацѣхъ, и видѣша я врази ихъ.
11:13	И въ часъ той трусъ бысть велiй, и десятая часть града паде, и погибе трусомъ именъ человѣческихъ седмь тысящъ: и прочiи при­­страшни быша и даша славу Богу небесному.
11:14 См.: 🔗Отк. 8:13 🔗Отк. 9:12	Горе второе отъиде: се, горе третiе грядетъ скоро.
11:15 См.: 🔗Отк. 10:7	И седмый Ангелъ воструби, и быша гласи велицы на небесѣхъ, глаголюще: бысть цар­ст­во мiра Господа на­шего и Христа Его, и воцарит­ся во вѣки вѣковъ.
11:16 См.: 🔗Отк. 4:4	И двадесять и четыри старцы, предъ Богомъ сѣдящiи на престолѣхъ сво­ихъ, падоша на лица своя и поклонишася Богу,
11:17	глаголюще: хвалимъ Тя, Господи Боже Вседержителю, Иже сый и бѣ и грядый, яко прiялъ еси силу Твою великую и воцарил­ся еси:
11:18	и языцы прогнѣвашася: и прiиде гнѣвъ Твой, и время мертвымъ судъ прiяти, и дати мзду рабомъ Тво­имъ пророкомъ и святымъ и боящымся имене Тво­его, малымъ и великимъ, и растлити посмраждшыя {растлив­шыя} землю.
11:19	И от­верзеся храмъ Божiй на небеси, и явися кивотъ завѣта Его въ храмѣ Его: и быша блистанiя и гласи, и громи и трусъ, и градъ великъ.