Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 См.: 🔗Лк. 2:6 | [Зач. 3.] Иисусу же рождшуся въ Виѳлеемѣ Иудейстѣмъ во дни Ирода царя, се, волсви от востокъ прiидоша во Иерусалимъ, глаголюще: |
2:2 См.: 🔗Чис. 24:17 🔗Ис. 60:3 | гдѣ есть рождейся Царь Иудейскiй? Видѣхомъ бо звѣзду Его на востоцѣ и прiидохомъ поклонитися Ему. |
2:3 | Слышавъ же Иродъ царь смутися, и весь Иерусалимъ съ нимъ. |
2:4 | И собравъ вся первосвященники и книжники людскія, вопрошаше от нихъ: гдѣ Христосъ раждается? |
2:5 | Они же рекоша ему: въ Виѳлеемѣ Иудейстѣмъ, тако бо писано есть пророкомъ: |
2:6 | и ты, Виѳлееме, земле Иудова, ни чимже менши еси во владыкахъ Иудовыхъ: изъ тебе бо изыдетъ Вождь, Иже упасетъ люди Моя Израиля. |
2:7 | Тогда Иродъ тай призва волхвы, и испытоваше от нихъ время явльшiяся звѣзды, |
2:8 | и пославъ ихъ въ Виѳлеемъ, рече: шедше испытайте извѣстно о Отрочати: егда же обрящете, возвѣстите ми, яко да и азъ шедъ поклонюся Ему. |
2:9 | Они же послушавше царя, идоша. И се, звѣзда, юже видѣша на востоцѣ, идяше предъ ними, дондеже пришедши ста верху, идѣже бѣ Отроча. |
2:10 | Видѣвше же звѣзду, возрадовашася радостiю велiею зѣло, |
2:11 См.: 🔗Ис. 60:6 | и пришедше въ храмину, видѣша Отроча съ Маріею Матерiю Его, и падше поклонишася Ему: и отверзше сокровища своя, принесоша Ему дары, злато и ливанъ и смирну. |
2:12 | И вѣсть прiемше во снѣ не возвратитися ко Ироду, инымъ путемъ отидоша во страну свою. |
2:13 | [Зач. 4.] Отшедшымъ же имъ, се, Ангелъ Господень во снѣ явися Иосифу, глаголя: воставъ поими Отроча и Матерь Его, и бѣжи во Египетъ, и буди тамо, дондеже реку ти: хощетъ бо Иродъ искати Отрочате, да погубитъ Е. |
2:14 | Онъ же воставъ, поятъ Отроча и Матерь Его нощiю, и отъиде во Египетъ, |
2:15 См.: 🔗Ос. 11:1 | и бѣ тамо до умертвiя Иродова: да сбудется реченное от Господа пророкомъ, глаголющимъ: от Египта воззвахъ Сына Моего. |
2:16 | Тогда Иродъ видѣвъ, яко поруганъ бысть от волхвовъ, разгнѣвася зѣло и пославъ изби вся дѣти сущыя въ Виѳлеемѣ и во всѣхъ предѣлѣхъ его, от двою лѣту и нижайше, по времени, еже извѣстно испыта от волхвовъ. |
2:17 | Тогда сбыстся реченное Иереміемъ пророкомъ, глаголющимъ: |
2:18 См.: 🔗Иер. 31:15 | гласъ въ Рамѣ слышанъ бысть, плачь и рыданiе и вопль многъ: Рахиль плачущися чадъ своихъ, и не хотяше утѣшитися, яко не суть. |
2:19 | Умершу же Ироду, се, Ангелъ Господень во снѣ явися Иосифу во Египтѣ, |
2:20 | глаголя: воставъ поими Отроча и Матерь Его и иди въ землю Израилеву, изомроша бо ищущiи души Отрочате. |
2:21 | Онъ же воставъ, поятъ Отроча и Матерь Его и прiиде въ землю Израилеву. |
2:22 | Слышавъ же, яко Архелай царствуетъ во Иудеи вмѣсто Ирода отца своего, убояся тамо ити: вѣсть же прiемь во снѣ, отъиде въ предѣлы Галилейскiя. |
2:23 См.: 🔗Суд. 13:5 🔗Ис. 11:1 | И пришедъ вселися во градѣ нарицаемѣмъ Назаретъ: яко да сбудется реченное пророки, яко Назорей наречется. |