Книга Бытия, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1 См.: 🔗Быт. 5:32	Сiя же [суть] бытiя сыновъ Ноевыхъ, Сима, Хама, Иафеѳа. И родишася имъ сынове по потопѣ.
10:2 См.: 🔗1Пар. 1:5	Сынове Иафеѳовы: Гамеръ и Магогъ, и Мадай и Иованъ, и Елиса и Ѳовелъ, и Мосохъ и Ѳирасъ.
10:3	Сынове же Гамеровы: Асханасъ и Рифаѳъ и Ѳоргама.
10:4 См.: 🔗Чис. 24:24 🔗Ис. 23:1	Сынове же Иовани: Елиса и Ѳарсисъ, Китійстiи и Родійстiи.
10:5	От сихъ раздѣлишася острови языковъ [всѣхъ] въ земли ихъ: кійждо по языку въ племенѣхъ сво­ихъ и въ народѣхъ сво­ихъ.
10:6	Сынове же Хамовы: Хусъ и Месраинъ, Фудъ и Ханаанъ.
10:7	Сынове Хусовы: Сава и Евила, и Саваѳа и Регма, и Саваѳака. Сынове же Регмановы: Сава и Даданъ.
10:8 См.: 🔗1Пар. 1:10 🔗Иер. 16:16	Хусъ же роди Неврода: сей начатъ быти исполинъ на земли:
10:9	сей бѣ исполинъ ловецъ предъ Господемъ Богомъ: сего ради рекутъ: яко Невродъ исполинъ ловецъ предъ Господемъ.
10:10 См.: 🔗Ам. 6:2	И бысть начало цар­ст­ва его Вавилонъ и Орехъ, и Архадъ и Халан­ни на земли Сен­нааръ.
10:11	От земли тоя изыде Ассуръ: и созда Ниневію, и Роовоѳъ градъ, и Халахъ.
10:12	И Дасемъ между Ниневіею и между Халахомъ: сей есть градъ великiй.
10:13	Месраинъ же роди Лудiима и Нефѳалима, и Енеметiима и Лавiима,
10:14 См.: 🔗Втор. 2:23	и Патросонiима и Хасмонiима, от­нюдуже изыде Филистiимъ, и Гафѳорiима.
10:15	Ханаанъ же роди Сидона первенца [сво­его] и Хеттеа,
10:16	и Иевусеа и Аморреа, и Гергесеа
10:17	и Евеа, и Арукеа и Асен­неа,
10:18	и Арадiа и Самареа, и Амаѳію. И посемъ разсѣяшася племена Хананейская:
10:19	и быша предѣлы Хананейстiи от­ Сидона даже прiити до Герара и Газы, идуще даже до Cодома и Гоморры, до Адамы и Севоима, даже до Даса.
10:20	Сіи сынове Хамовы въ племенѣхъ сво­ихъ, по языкомъ сво­имъ, въ странахъ сво­ихъ и въ народѣхъ сво­ихъ.
10:21	И Симу родися и тому, отцу всѣхъ сыновъ Еверовыхъ, брату Иафеѳа старѣйшаго {въ греческомъ переводѣ Иафеѳъ показанъ братъ Симу старѣйшiй.}.
10:22 См.: 🔗1Пар. 1:17	Сынове Симовы: Еламъ и Ассуръ, и Арфаксадъ и Лудъ, и Арамъ и Каинанъ.
10:23	И сынове Арамли: Осъ и Улъ, и Гатеръ и Мосохъ.
10:24	И Арфаксадъ роди Каинана, Каинанъ же роди Салу, Сала же роди Евера.
10:25 См.: 🔗1Пар. 1:19 🔗Быт. 11:8	И родистася Еверу два сына: имя единому Фалекъ: во дни бо его раздѣлися земля: и имя брату его Иектанъ.
10:26	Иектанъ же роди Елмодада и Салефа, и Сармоѳа и Иараха,
10:27	и Одорра и Евила и Декла,
10:28	и Евала и Авимаила и Совева,
10:29	и Уфира и Евила и Иовава: вси сіи сынове Иектановы.
10:30 См.: 🔗Чис. 23:7	И бысть селенiе ихъ от­ Маси даже прiити до Сафира, горы восточныя.
10:31	Сіи сынове Симовы, въ племенѣхъ сво­ихъ, по языкомъ ихъ, въ странахъ ихъ и въ народѣхъ ихъ.
10:32	Сiя племена сыновъ Ноевыхъ по родомъ ихъ, по языкомъ ихъ: от­ сихъ разсѣяшася острови языковъ на земли по потопѣ.