Второзаконие, глава 24

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 24
24:1 См.: 🔗Мф. 5:31 🔗Мф. 19:7 🔗Мк. 10:4 🔗Лк. 16:18 🔗1Кор. 7:10	Аще же кто пойметъ жену и поживетъ съ нею, и будетъ аще не обрящетъ благодати предъ нимъ, яко обрѣте въ ней срамное дѣло, да напишетъ ей книгу от­пущенiя и вдастъ въ руцѣ ея, и да от­пуститъ ю изъ дому сво­его,
24:2	и от­шедши будетъ [жена] мужу иному:
24:3	и аще воз­ненавидитъ ю мужъ вторый, и напишетъ ей книгу от­пущенiя и дастъ ей въ руцѣ ея, и от­пуститъ ю изъ дому сво­его, или умретъ мужъ ея вторый, иже бѣ ю поялъ себѣ въ жену:
24:4 См.: 🔗Иер. 3:1	не воз­можетъ мужъ первый, от­пустивый ю, воз­вративъ пояти ю себѣ въ жену, по оскверненiи ея, яко гнусно есть предъ Господемъ Богомъ тво­имъ: и да не осквернавите земли, юже Господь Богъ вашъ даетъ вамъ въ наслѣдiе.
24:5 См.: 🔗Втор. 20:7	Аще же кто пойметъ жену вновѣ, да не идетъ на брань, и да не наложит­ся ему ни каяже вещь: неповиненъ будетъ въ дому сво­емъ лѣто едино, да веселитъ жену свою, юже поялъ есть.
24:6	Да не возмеши въ залогъ жерновныхъ каменей, яко душу сей даетъ въ залогъ.
24:7 См.: 🔗Исх. 21:16 🔗1Тим. 1:10 🔗1Кор. 5:13	Аще же ятъ будетъ человѣкъ крадый душу от­ братiи сво­ея сыновъ Израилевыхъ, и насилiемъ продаетъ ю, да умретъ тать той, и измите злое от­ васъ самихъ.
24:8 См.: 🔗Лев. 13:8 🔗Лев. 14:3	Внемли себѣ въ язвѣ проказы, и храни зѣло творити по всему закону, егоже воз­вѣстятъ вамъ жерцы левити: якоже заповѣдахъ вамъ, да храните творити:
24:9 См.: 🔗Чис. 12:10	помяни, елика сотвори Господь Богъ твой Марiамѣ на пути, исходящымъ вамъ изъ Египта.
24:10	Аще же долгъ есть на ближнемъ тво­емъ, долгъ каковый либо, да не внидеши въ домъ его взяти залогъ его:
24:11	внѣ станеши, и человѣкъ той, на немже есть долгъ твой, изнесетъ залогъ вонъ.
24:12 См.: 🔗Ам. 2:8	Аще же человѣкъ убогъ есть, да не преноще­ст­вуетъ залогъ его у тебе:
24:13 См.: 🔗Исх. 22:26 🔗Иез. 33:15	от­данiемъ да от­даси ризу его до захожденiя солнца, и да почіетъ въ ризѣ сво­ей, и благословитъ тя, и будетъ тебѣ милость предъ Господемъ Богомъ тво­имъ.
24:14 См.: 🔗Лев. 19:13 🔗Тов. 4:14 🔗Сир. 34:22	Да не лишиши мзды убогаго и требу­ю­щаго от­ братiи тво­ея, или от­ при­­шлецъ иже во градѣхъ тво­ихъ:
24:15	въ той же день да от­даси мзду ему, да не зайдетъ солнце ему, яко убогъ есть, и въ томъ имать надежду, и да не возопiетъ на тя къ Господеви, и будетъ тебѣ грѣхъ.
24:16 См.: 🔗4Цар. 14:6 🔗2Пар. 25:4 🔗Иез. 18:20	Да не умрутъ отцы за сыны, и сынове да не умрутъ за отцы: кійждо за свой грѣхъ да умретъ.
24:17 См.: 🔗Исх. 22:21 🔗Лев. 19:33 🔗Пс. 81:3	Не уклониши суда при­­шелцу и сиру и вдовѣ, и да не вземлеши въ залогъ ризы вдовичи,
24:18	и помянеши, яко рабъ [и ты] былъ еси въ земли Египетстѣй, и свободи тя Господь Богъ твой от­туду: сего ради азъ тебѣ заповѣдаю творити сiе слово.
24:19 См.: 🔗Лев. 23:22	Аще же пожнеши ниву твою на селѣ тво­емъ, и забудеши снопъ на нивѣ тво­ей, да не воз­вратишися взяти его: при­­шелцу и убогу, и сиру и вдовѣ да будетъ, да благословитъ тя Господь Богъ твой во всѣхъ дѣлѣхъ руку твоею.
24:20	Аще же масличiе собираеши, да не воз­вратишися останковъ собрати яже за тобою: при­­шелцу и сиру и вдовѣ да будутъ: и воспомянеши, яко рабъ былъ еси въ земли Египетстѣй: сего ради азъ тебѣ заповѣдаю творити слово сiе.
24:21	Аще же обираеши виноградъ твой, да не собираеши останковъ яже за тобою: при­­шелцу и сиру и вдовѣ да будутъ:
24:22	и помянеши, яко рабъ былъ еси въ земли Египетстѣй: сего ради азъ тебѣ заповѣдаю творити сiе слово.