Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 3 | |
3:1 См.: 🔗Руф. 1:9 | Рече же ей Ноемминь свекровь ея: дщи [моя], не поищу ли тебѣ покоя, да благо ти будетъ? |
3:2 См.: 🔗Руф. 2:8 | и нынѣ воозъ не ужикъ ли намъ, идѣже со отроковицами его была еси? се, той вѣетъ на гумнѣ ячмень сея нощи: |
3:3 | ты же измыйся, и помасти лице твое, и облецыся въ ризы твоя [свѣтлыя], и изыди на гумно: не явися мужу, дондеже скончаетъ ясти и пити: |
3:4 | и будетъ внегда уснути ему, и познаеши мѣсто, гдѣ ляжетъ, тамо да внидеши, и открыеши у ногъ его, и ляжеши: и той повѣсть тебѣ, яже имаши творити. |
3:5 См.: 🔗Исх. 19:8 🔗Тов. 5:1 | И рече руѳь къ ней: вся елика речеши мнѣ, сотворю. |
3:6 | И иде на гумно, и сотвори по всему, елика заповѣда ей свекровь ея. |
3:7 | И яде воозъ и пи, и возблажа сердце его, и иде спати со страны стога: она же прiиде втай, и откры яже у ногъ его, и ляже. |
3:8 | И бысть въ полунощи, ужасеся мужъ и возмятеся, и се, жена лежитъ у ногъ его: |
3:9 См.: 🔗Иез. 16:8 🔗Втор. 25:5 | и рече [ей воозъ]: кто еси ты? Она же рече: азъ есмь руѳь раба твоя, да возложиши крило твое на рабу твою, яко ужикъ ты еси. |
3:10 См.: 🔗Суд. 17:2 🔗Руф. 2:20 | И рече воозъ: благословена ты Господемъ Богомъ, дщи, яко разблажила еси милость твою послѣднюю паче первыя, еже не ити тебѣ вслѣдъ юнотъ, аще убогъ, аще богатъ: |
3:11 | и нынѣ, дщи, не бойся: вся елика речеши, сотворю тебѣ: вѣсть бо все племя людій моихъ, яко жена силы ты еси: |
3:12 | и нынѣ поистиннѣ ужикъ есмь азъ: но еще есть ужикъ ближшiй мене: |
3:13 | прележи сiю нощь, и будетъ заутра аще прiиметъ тя, то благо: да пойметъ: аще ли не восхощетъ пояти тебе, то поиму тя азъ, живъ Господь: прележи до заутрiя. |
3:14 См.: 🔗2Кор. 8:21 | И лежа у ногъ его до заутрiя: она же воста, прежде неже познати мужу подруга своего. И рече воозъ: да не увѣстся, яко приходила жена на гумно. |
3:15 | И рече ей: принеси покрывало еже на тебѣ, и держи е. Она же держа е, и намѣри ей шесть мѣръ ячменя, и задѣ ей: и иде во градъ. |
3:16 | И прiиде руѳь ко свекрови своей. Она же рече ей: что есть, дщи? И повѣда ей вся, елика сотвори ей мужъ. |
3:17 | И рече ей: шесть мѣръ сихъ ячменя даде ми, глагола бо ко мнѣ: да не идеши тща ко свекрови своей. |
3:18 См.: 🔗2Кор. 1:17 | Она же рече: сѣди, дщи, дондеже увѣси, како падетъ слово: не умолчитъ бо мужъ, дондеже совершится слово днесь. |