Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 5 | |
5:1 См.: 🔗3Цар. 7:51 | И внесе соломонъ святая давида отца своего, сребро и злато и вся сосуды, и даде въ сокровище дому Господня. |
5:2 См.: 🔗3Цар. 8:1 | Тогда собра соломонъ вся старѣйшины Израилевы и вся началники колѣнъ, вожды отечествъ сыновъ Израилевыхъ во Иерусалимъ, да вознесутъ кивотъ завѣта Господня от града давидова, иже есть Сiонъ. |
5:3 См.: 🔗3Цар. 8:2 | И собрашася ко царю вси мужiе Израилевы въ праздникъ, сей есть месяцъ седмый. |
5:4 См.: 🔗Чис. 4:15 🔗1Пар. 15:2 | И прiидоша вси старѣйшины Израилевы, и взяша вси левити кивотъ |
5:5 | и внесоша его и скинiю свидѣнiя и вся сосуды святыя, иже въ скинiи, и внесоша его священницы и левити. |
5:6 См.: 🔗3Цар. 8:5 | Царь же соломонъ и весь сонмъ сыновъ Израилевыхъ, и боящiися и собранiи предъ кивотомъ, жряху телцы и овцы безчисленны и несочисляемы от множества. |
5:7 См.: 🔗3Цар. 8:6 | И внесоша священницы кивотъ завѣта Господня на мѣсто его, еже есть молитвенникъ храма, во святая святыхъ, подъ крилѣ херувимовъ. |
5:8 | И бяху херувими распростерше крила своя надъ мѣстомъ кивота, и покрываху херувими надъ кивотомъ и надъ носилами его свыше. |
5:9 См.: 🔗3Цар. 8:8 | И длиннѣе бяху носила, и видяхуся главы носилъ от святыхъ въ лице молитвенника, и не видяхуся внѣ, и быша тамо даже до настоящаго дне. |
5:10 | Ничтоже бѣ въ кивотѣ, токмо двѣ скрижали, ихже положи Моисей въ Хоривѣ, егда законъ даде Господь сыномъ Израилевымъ, исходящымъ имъ изъ земли Египетскiя. |
5:11 См.: 🔗3Цар. 8:10 | И бысть исходящымъ священникомъ от святыхъ, вси бо священницы, иже ту обрѣтошася, освящени быша и не бяху расположени въ дневную чреду, |
5:12 См.: 🔗1Пар. 25:1 | левити же и пѣвцы вси съ сынми Асафовыми, со Еманомъ, Идиѳумомъ, и съ сынми ихъ и съ братiями ихъ, облечени въ ризы льняны, въ кимвалѣхъ и псалтири и гуслехъ [возглашаху] стояще предъ олтаремъ, и съ ними жерцевъ сто двадесять трубяще трубами: |
5:13 | и бысть единъ гласъ въ трубленiи и въ псалмопѣнiи и въ возглашенiи гласомъ единымъ еже хвалити и исповѣдатися Господеви. И егда воздвигоша гласъ въ трубахъ и кимвалѣхъ и органѣхъ пѣсней, и глаголаху: исповѣдайтеся Господеви, яко благъ, яко въ вѣкъ милость его: и домъ исполнися облака славы Господни, |
5:14 См.: 🔗Исх. 40:35 🔗3Цар. 8:11 | и не могоша священницы стати служити от лица облака, наполни бо слава Господня домъ Божiй. |