Книга пророка Иеремии, глава 28

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 28
28:1 См.: 🔗Нав. 21:17	И бысть въ четвертое лѣто, цар­ст­ву­ю­щу седекіи царю Иудину, въ пятый месяцъ, рече ми Ананiа сынъ азоровъ лживый пророкъ гаваонитскiй въ дому Господни, предъ очима жерцевъ и всѣхъ людій, глаголя:
28:2 См.: 🔗Иер. 27:12	тако рече Господь Вседержитель Богъ Израилевъ: сокрушихъ яремъ царя Вавилонска:
28:3 См.: 🔗Иер. 27:16	еще два лѣта дній, воз­вращу азъ на мѣсто сiе вся сосуды дому Господня, яже взя навуходоносоръ царь Вавилонскiй от­ мѣста сего и пренесе я до Вавилона,
28:4	и Иехонію сына Иоакимова царя Иудина, и все преселенiе Иудино в­шедшее въ Вавилонъ воз­вращу въ мѣсто сiе, глаголетъ Господь, яко сокрушу яремъ царя Вавилонска.
28:5	И рече иереміа пророкъ ко Ананiи лжепророку предъ очима жерцевъ и предъ очима всѣхъ людій стоящихъ въ дому Господни,
28:6	и рече иереміа: по­истин­нѣ тако да сотворитъ Господь, да утвердитъ Господь слово твое, еже ты прорицаеши, еже воз­вратити сосуды дому Господня и вся преселен­ныя изъ Вавилона на мѣсто сiе:
28:7	обаче слышите слово сiе, еже азъ глаголю во ушы ваши и во ушы всѣхъ людій:
28:8	пророцы, быв­шiи прежде мене и прежде васъ от­ вѣка, прорекоша на многи земли и на цар­ст­ва велика о рати и о погубленiи и о гладѣ:
28:9 См.: 🔗Втор. 18:22	пророкъ прорекій миръ, при­­шедшу слову познаютъ пророка, егоже посла имъ Господь въ вѣрѣ.
28:10	И взя Ананiа предъ очима всѣхъ людій клады от­ выи иереміины и сокруши я.
28:11	И рече Ананiа предъ очима всѣхъ людій глаголя: сице рече Господь: тако сокрушу яремъ навуходоносора царя Вавилонска еще два лѣта дній со выи всѣхъ языковъ. И отъиде иереміа на путь свой.
28:12	И бысть слово Господне ко иереміи, по сокрушенiи Ананiинѣ кладъ со выи его, глаголя:
28:13	иди и рцы ко Ананiи глаголя: тако рече Господь: клады древяныя сокрушилъ еси и сотвориши вмѣсто тѣхъ клады желѣзны,
28:14 См.: 🔗Иер. 27:6	яко тако рече Господь: яремъ желѣзенъ воз­ложихъ на выи всѣхъ языковъ, служити навуходоносору царю Вавилонску, и послужатъ ему: ктому и звѣри земныя дахъ ему.
28:15	И рече иереміа пророкъ ко Ананiи: слыши, Ананiе: не посла тебе Господь, ты же сотворилъ еси людій сихъ уповати на неправду.
28:16 См.: 🔗Втор. 13:5	Того ради сице рече Господь: се, азъ от­пущу тя от­ лица земли, въ семъ лѣтѣ умреши, яко на Господа [Бога] глаголалъ еси.
28:17	И умре Ананiа лжепророкъ въ семъ лѣтѣ месяца седмаго.