Книга пророка Малахии, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1	Пророче­с­т­во словесе Господня на Израиля рукою ангела его: положите убо на сердцахъ вашихъ.
1:2 См.: 🔗Рим. 9:13	Возлюбихъ вы, глаголетъ Господь. И рѣсте: о чемъ воз­любилъ еси ны? Не братъ ли бѣ Исавъ Иакову? глаголетъ Господь: и воз­любихъ Иакова, Исава же воз­ненавидѣхъ,
1:3 См.: 🔗Ис. 13:22 🔗Иер. 9:11 🔗Иез. 35:9	и учинихъ предѣлы его во изчезновенiе и достоянiе его въ нырища пустын­на.
1:4 См.: 🔗Ис. 9:10 🔗Иер. 45:4 🔗1Мак. 5:3	Зане аще речетъ: Идумеа разорися, и обратимся и воз­созиждемъ опустѣв­шая ея: сице глаголетъ Господь Вседержитель: тіи созиждутъ, и азъ разорю, и нарекут­ся имъ предѣлѣ беззаконiя, и людiе, на няже ополчися Господь до вѣка.
1:5	И очеса ваша увидятъ, и вы речете: воз­величися Господь превыше предѣлъ Израилевыхъ.
1:6 См.: 🔗Исх. 20:12 🔗Мф. 15:4	Сынъ славитъ отца, и рабъ господина сво­его убо­ит­ся: и аще Отецъ есмь азъ, то гдѣ слава моя? и аще Господь есмь азъ, то гдѣ есть страхъ мой? глаголетъ Господь Вседержитель. Вы священ­ницы презирающiи имя мое. И рѣсте: о чесомъ презрѣхомъ имя твое?
1:7 См.: 🔗Ис. 58:2	Приносяще ко олтареви мо­ему хлѣбы скверны. И рѣсте: о чесомъ осквернихомъ я? Внегда глаголати вамъ: трапеза Господня осквернена есть: и воз­ложен­ная брашна уничижили есте.
1:8 См.: 🔗Исх. 12:5 🔗Исх. 29:38 🔗Лев. 22:20 🔗Втор. 15:21	Зане аще при­­ведете слѣпо на жертву, не зло ли? и аще при­­ведете хромо или недужно, то не зло ли? при­­веди е князю тво­ему, еда прiиметъ е? еда прiиметъ лице твое? глаголетъ Господь Вседержитель.
1:9 См.: 🔗2Пар. 19:7	И нынѣ умилостивите лице Бога ва­шего и помолитеся ему, [да помилуетъ вы]. Въ рукахъ вашихъ быша сiя, аще прiиму от­ васъ лица ваша? глаголетъ Господь Вседержитель.
1:10 См.: 🔗Ис. 1:11 🔗Иер. 6:20 🔗Ам. 5:21	Зане и въ васъ затворят­ся двери, и не воз­гнѣтите огня олтареви мо­ему туне: нѣсть воля моя въ васъ, глаголетъ Господь Вседержитель, и жертвы не прiиму от­ рукъ вашихъ.
1:11 См.: 🔗Пс. 112:3	Зане от­ востокъ солнца и до западъ имя мое прославися во языцѣхъ, и на всяцѣмъ мѣстѣ ѳимiамъ при­­носит­ся имени мо­ему и жертва чиста: зане велiе имя мое во языцѣхъ, глаголетъ Господь Вседержитель.
1:12	Вы же скверните е глаголюще: трапеза Господня осквернена есть, и воз­лагаемая брашна его уничтожена быша.
1:13	И рѣсте: сiя от­ злостраданiя суть. И от­дунухъ я, глаголетъ Господь Вседержитель. И внесосте хищенiя и хромая и недужная, и при­­ведете я на жертву, еда прiиму ихъ от­ рукъ вашихъ? глаголетъ Господь Вседержитель.
1:14 См.: 🔗Пс. 46:3	И проклятъ, иже бѣ силенъ, и бѣ ему въ стадѣ его мужескъ полъ, и обѣтъ его на немъ, и жретъ растлѣн­ное Господеви: зане Царь велiй азъ есмь, глаголетъ Господь Вседержитель, и имя мое свѣтло во языцѣхъ.