Книга Иисуса Навина, глава 21

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 21
21:1	И прiидоша старѣйшины отече­ст­въ сыновъ Левіиныхъ къ Елеазару жерцу и ко иисусу сыну навину и къ старѣйшинамъ отече­ст­въ от­ племенъ сыновъ Израилевыхъ,
21:2 См.: 🔗Чис. 35:2	и рѣша къ нимъ въ Силомѣ въ земли Ханаани, глаголюще: заповѣда Господь рукою Моисеовою дати намъ грады еже обитати, и окрестная ихъ предградiя скотомъ нашымъ.
21:3 См.: 🔗1Пар. 6:64	И даша сынове Израилевы левитомъ от­ участiй сво­ихъ по повелѣнiю Господню грады сiя и окрестная предградiя ихъ.
21:4 См.: 🔗2Пар. 31:15	И изыде жребiй сонму Кааѳову, и бысть сыномъ Ааронимъ жерцемъ левитомъ от­ племене Иудина и от­ племене Симеоня и от­ племене Венiаминя по жребиемъ грады три­на­де­сять:
21:5	и сыномъ Кааѳовымъ остав­шымся от­ [срод­ст­ва] племене Ефремова и от­ племене данова и от­ полуплемене Манассіина по жребiю грады десять:
21:6	и сыномъ Гирсонимъ от­ племене Иссахарова и от­ племене Асирова, и от­ племене Нефѳалимля и от­ полуплемене Манассіина [еже] въ Васанѣ, по жребiю грады три­на­де­сять:
21:7	и сыномъ Мераринымъ по сонмомъ ихъ, от­ племене Рувимля и от­ племене гадова и от­ племене Завулоня, по жребiю грады два­на­де­сять.
21:8	И даша сынове Израилевы левитомъ грады сiя и окрестная ихъ, якоже заповѣда Господь Моисею, по жребiю.
21:9	И даде племя сыновъ Иудиныхъ и племя сыновъ Симеоновыхъ и племя сыновъ Венiаминовыхъ грады сiя: и нарекоша по имени.
21:10 См.: 🔗1Пар. 6:54	И быша сыномъ Аароновымъ от­ сонма Кааѳова сыновъ Левіиныхъ, яко симъ бысть жребiй первый.
21:11 См.: 🔗Нав. 14:13 🔗Нав. 15:13	И даде имъ карiаѳарвокъ, митрополь сыновъ енаковыхъ [сей есть Хевронъ въ горѣ Иудинѣ], и окрестная ихъ.
21:12 См.: 🔗1Пар. 6:56	И села града [сего] и веси его даде иисусъ халеву сыну Иефон­ніину во обдержанiе его.
21:13 См.: 🔗Нав. 10:29	И сыномъ Аарона жерца даде градъ убѣжище убив­шему Хевронъ и от­лучен­ная яже къ нему:
21:14	и левну и от­лучен­ная яже къ ней: и Иеѳеръ и от­лучен­ная яже къ нему: и есѳемо и от­лучен­ная яже къ нему:
21:15	и олонъ и от­лучен­ная яже къ нему: и давиръ и от­лучен­ная яже къ нему:
21:16 См.: 🔗Нав. 15:10 🔗1Цар. 6:9	и Аинъ и от­лучен­ная ему: и Иетта и от­лучен­ная ему: и веѳсамисъ и от­лучен­ная ему: грады девять от­ дву племенъ сихъ.
21:17 См.: 🔗2Цар. 2:12 🔗Иер. 28:1	И от­ племене Венiаминя гаваонъ и от­лучен­ная ему: и гавее и окрестная его:
21:18 См.: 🔗3Цар. 2:26 🔗Ис. 10:30 🔗Иер. 1:1	и Анаѳоѳъ и окрестная его: и алмонъ и окрестная его: грады четыри.
21:19	Вси грады сыновъ Аароновыхъ жерцевъ, грады три­на­де­сять и окрестная ихъ.
21:20 См.: 🔗1Пар. 6:61	И сонмомъ сыновъ Кааѳовыхъ левитомъ, оставльшымся от­ сыновъ Кааѳовыхъ, и бысть градъ предѣловъ ихъ от­ племене Ефремова.
21:21 См.: 🔗Нав. 20:7	И даша имъ градъ убѣжище убив­шему Cихемъ и окрестная его въ горѣ Ефремли: и газеръ и окрестная его:
21:22	и кавсаимъ и окрестная его: и веѳоронъ и окрестная его: грады четыри.
21:23	И от­ племене данова Елѳеко и окрестная его: и гавеѳонъ и окрестная его:
21:24	и Елонъ и окрестная его: и геѳреммонъ и окрестная его: грады четыри.
21:25 См.: 🔗Суд. 1:27	И от­ полуплемене Манассіина Ѳаанахъ и окрестная его: и веѳсамъ и окрестная его: града два.
21:26	Вси грады десять и окрестная ихъ сонмомъ сыновъ Кааѳовыхъ оставльшымся.
21:27 См.: 🔗1Пар. 6:62 🔗Нав. 20:8	И сыномъ Гирсонимъ сродникомъ Левитскимъ, от­ полуплемене Манассіина, грады от­лучен­ныя убив­шымъ, Голанъ въ Васанитидѣ и окрестная его: и веесѳера и окрестная его: града два.
21:28	И от­ племене Иссахарова кисiонъ и окрестная его: и Девраѳъ и окрестная его:
21:29	и иермоѳъ и окрестная его: и источникъ писменъ и окрестная его: грады четыри.
21:30 См.: 🔗1Пар. 6:74	И от­ племене Асирова Масаалъ и окрестная его: и Авдонъ и окрестная его:
21:31	и Ѳелкаѳъ и окрестная его: и роовъ и окрестная его: грады четыри.
21:32 См.: 🔗Нав. 20:7	И от­ племене Нефѳалимова градъ опредѣлен­ный убив­шему Кедесъ въ Галилеи и окрестная его: и Емаѳдоръ и окрестная его: и Но­еммонъ и от­лучен­ная его: грады три.
21:33	Вси грады Гирсоновы по сонмомъ ихъ, грады три­на­де­сять и от­лучен­ная ихъ.
21:34 См.: 🔗1Пар. 6:63	И сонму сыновъ Мерариныхъ левитомъ прочымъ, от­ племене сыновъ Завулонихъ, Иекнаамъ и окрестная его: и карѳа и окрестная его:
21:35	и дамна и окрестная его: и Наалолъ и окрестная его: грады четыри.
21:36	И объ ону страну Иордана ко иерихону от­ племене Рувимова даде градъ убѣжище убив­шему Восоръ въ пустыни Мисоръ и окрестная его: и Иазиръ и окрестная его:
21:37	и гедсонъ и окрестная его: и Масфа и окрестная его: грады четыри.
21:38 См.: 🔗Нав. 20:8	И от­ племене гадова градъ убѣжища убив­шему рамоѳъ въ Галаадѣ и окрестная его: и Манаимъ и окрестная его:
21:39 См.: 🔗Иер. 49:3	и есевонъ и окрестная его: и Иазиръ и окрестная его: грады четыри.
21:40	Вси грады сыномъ Мераринымъ по сонмомъ ихъ, оставльшихся от­ племене Левіина, и быша предѣлы ихъ грады два­на­де­сять.
21:41 См.: 🔗Чис. 35:7	Вси грады левитстiи посредѣ обдержанiя сыновъ Израилевыхъ четыредесять и осмь градовъ и окрестная ихъ, окрестъ градовъ сихъ:
21:42 См.: 🔗Чис. 35:5	градъ и окрестная окрестъ града: тако всѣмъ градомъ симъ.
21:43	И соверши иисусъ раздѣливый землю въ предѣлѣхъ ея:
21:44	и даша сынове Израилевы часть иисусу повелѣнiемъ Господнимъ: даша ему градъ, егоже проси: Ѳамнасахаръ даша ему на горѣ Ефремовѣ.
21:45	И созда иисусъ градъ, егоже проси, и вселися въ немъ.
21:46	И взя иисусъ ножы камен­ныя, имиже обрѣзова сыны Израилевы, родив­шыяся на пути въ пустыни, яко не обрѣзашася въ пустыни, и положи я во Ѳамнасахарѣ.
21:47 См.: 🔗Быт. 12:7 🔗Быт. 13:17	И даде Господь Израилю всю землю, юже клят­ся дати отцемъ ихъ: и наслѣдиша ю и вселишася въ ней.
21:48 См.: 🔗Нав. 22:4	И упокои Господь ихъ окрестъ, якоже клят­ся отцемъ ихъ: не воста никтоже противу имъ от­ всѣхъ враговъ ихъ: и вся враги ихъ предаде имъ Господь въ руки ихъ.
21:49 См.: 🔗1Цар. 3:19 🔗Ис. 34:16 🔗Мк. 7:30	Не оскудѣ слово [ни едино] от­ всѣхъ глаголъ благихъ, яже рече Господь сыномъ Израилевымъ: вся собышася.