Книга Иова, глава 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1	Отвѣщавъ же иовъ, рече:
16:2 См.: 🔗Иов. 21:34	слышахъ сицевая многа, утѣшителiе золъ вси.
16:3	Что бо? еда чинъ есть во словесѣхъ вѣтра? или кую ти пакость сотворитъ, яко от­вѣщаеши?
16:4	И азъ якоже вы воз­глаголю: аще бы душа ваша подлежала вмѣсто мо­ея, тогда наскочилъ быхъ на вы словесы, покиваю же на вы главою мо­ею.
16:5	Буди же крѣпость во устѣхъ мо­ихъ, движенiя же устенъ не пощажу.
16:6	Аще бо воз­глаголю, не воз­болю ли язвою? аще же и умолчу, чимъ менше уязвенъ буду?
16:7 См.: 🔗Иов. 10:17	Нынѣ же пре­утруждена мя сотвори, буя, согнив­ша, и ятъ мя.
16:8	Въ послуше­с­т­во быхъ, и воста во мнѣ лжа моя, противно лицу мо­ему от­вѣща.
16:9	Гнѣвенъ бывъ низложи мя, воз­скрежета зубы на мя, стрѣлы разбойниковъ его нападоша на мя.
16:10	Остротою очесъ наскака, мечемъ порази мя въ колѣна: вкупѣ же потекоша на мя:
16:11	предаде бо мя Господь въ руки неправедныхъ, нечестивымъ же поверже мя.
16:12 См.: 🔗Пс. 101:14 🔗Втор. 32:23	Мир­ст­ву­ю­ща разсыпа мя, взявъ мя за власы оборва, постави мя аки при­­мѣту.
16:13	Обыдоша мя копiями бодуще во истесы моя, не щадяще: излiяша на землю желчь мою,
16:14	низложиша мя трупъ на трупъ, текоша ко мнѣ могущiи,
16:15	вретище сошиша на кожу мою, и мощь моя на земли угасе.
16:16 См.: 🔗Иов. 17:7 🔗Пс. 6:7	Чрево мое сгорѣ от­ плача, на вѣждахъ же мо­ихъ стѣнь смертная,
16:17 См.: 🔗1Тим. 2:8	неправедно же ни едино бѣ въ руку моею: молитва же моя чиста.
16:18	Земле, да не покрыеши надъ кровiю плоти мо­ея, ниже да будетъ мѣсто воплю мо­ему.
16:19	И нынѣ се, на небесѣхъ послухъ мой, свидѣтель же ми во вышнихъ.
16:20	Да прiидетъ моя мольба ко Господу, предъ нимже да каплетъ око мое.
16:21	Буди же обличенiе мужу предъ Господемъ, и сыну человѣческому ко ближнему его.
16:22 См.: 🔗Нав. 23:14 🔗Иов. 7:21 🔗Иов. 10:21	Лѣта же изочтеная прiидоша, и путемъ, имже не воз­вращуся, пойду.