Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 145 | |
145:1 | Аллилуiа, Аггеа и захарiи. |
145:2 См.: 🔗Пс. 102:1 | Хвали, душе моя, Господа: |
145:3 | восхвалю Господа въ животѣ моемъ, пою Богу моему, дондеже есмь. |
145:4 См.: 🔗Пс. 117:9 | Не надѣйтеся на князи, на сыны человѣческiя, въ нихже нѣсть спасенiя. |
145:5 См.: 🔗Быт. 3:19 🔗Еккл. 12:7 | Изыдетъ духъ его, и возвратится въ землю свою: въ той день погибнутъ вся помышленiя его. |
145:6 См.: 🔗Пс. 33:9 | Блаженъ, емуже Богъ Иаковль помощникъ его, упованiе его на Господа Бога своего, |
145:7 | сотворшаго небо и землю, море, и вся, яже въ нихъ: хранящаго истину въ вѣкъ, |
145:8 См.: 🔗Пс. 11:6 🔗Пс. 103:27 | творящаго судъ обидимымъ, дающаго пищу алчущымъ. Господь рѣшитъ окованныя: |
145:9 См.: 🔗Лк. 18:35 | Господь умудряетъ слѣпцы: Господь возводитъ низверженныя: Господь любитъ праведники. |
145:10 См.: 🔗Пс. 67:6 | Господь хранитъ пришелцы, сира и вдову прiиметъ, и путь грѣшныхъ погубитъ. |
145:11 См.: 🔗Исх. 15:18 | Воцарится Господь во вѣкъ, Богъ твой, Сiоне, въ родъ и родъ. |