Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 7 | |
7:1 | –Сыне, чти Господа, и укрѣпишися: кромѣ же его не бойся иного. |
7:2 | Сыне, храни моя словеса, моя же заповѣди скрый у себе.– |
7:3 См.: 🔗Лев. 18:5 | Храни моя заповѣди, и поживеши, словеса же моя яко зѣницы очiю: |
7:4 См.: 🔗Втор. 6:8 | обложи же ими твоя персты, напиши же я на скрижали сердца твоего. |
7:5 См.: 🔗Прем. 8:2 | Нарцы премудрость сестру тебѣ быти, разумъ же знаемь сотвори тебѣ, |
7:6 См.: 🔗Прит. 6:24 | да тя соблюдетъ от жены чуждія и лукавыя, аще тя словесы льстивыми облагати начнетъ: |
7:7 | оконцемъ бо изъ дому своего на пути приничущи, |
7:8 | егоже аще узритъ от безумныхъ чадъ юношу скудоумна, |
7:9 | проходящаго мимо угла въ распутiихъ дому ея |
7:10 | и глаголющаго въ темный вечеръ, егда упокоенiе будетъ нощное и мрачное: |
7:11 | жена же срящетъ его, зракъ имущи прелюбодѣйничь, яже творитъ юныхъ парити сердцамъ: воскрилена же есть и блудна, |
7:12 | въ дому же не почиваютъ нозѣ ея: |
7:13 | время бо нѣкое внѣ глумится, время же на распутiихъ при всяцѣмъ углѣ присѣдитъ: |
7:14 | потомъ емши лобзаетъ его, безстуднымъ же лицемъ речетъ къ нему: |
7:15 | жертва мирна ми есть, днесь воздаю обѣты моя: |
7:16 | сего ради изыдохъ въ срѣтенiе тебѣ, желающи лица твоего, обрѣтохъ тя: |
7:17 | простиралами покрыхъ одръ мой, коврами же сугубыми постлахъ, иже от Египта, |
7:18 | шафраномъ посыпахъ ложе мое и домъ мой корицею: |
7:19 | прiиди и насладимся любве даже до утра, гряди и поваляемся въ похоти: |
7:20 | нѣсть бо мужа моего въ дому, отъиде въ путь далече, |
7:21 | доволно сребра взя съ собою, по многихъ днехъ возвратится въ домъ свой. |
7:22 | И прельсти его многою бесѣдою, тенетами же устенъ [въ блудъ] привлече его. |
7:23 | Онъ же абiе послѣдова ей обюродѣвъ, и якоже волъ на заколенiе ведется, и яко песъ на узы, |
7:24 См.: 🔗Прит. 1:17 | или яко елень уязвленъ стрѣлою въ ятра: и спѣшитъ яко птица въ сѣть, не вѣдый, яко на душу свою течетъ. |
7:25 | Нынѣ убо, сыне, послушай мене и внимай глаголомъ устъ моихъ, |
7:26 См.: 🔗Иов. 31:9 | да не уклонится въ пути ея сердце твое, |
7:27 | и да не прельстишися въ стезяхъ ея: многихъ бо уязвивши низверже, и безчисленни суть, ихже убила есть: |
7:28 См.: 🔗Прит. 5:5 | путiе адовы домъ ея, низводящiи въ сокровища смертная. |