Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 16 | |
16:1 | И рече Господь къ самуилу: доколѣ ты плачеши о Саулѣ, азъ же уничижихъ его, не царствовати во Израили? наполни рогъ твой елеа и прiиди, послю тя ко Иессею до Виѳлеема, яко узрѣхъ въ сынѣхъ его себѣ царя. |
16:2 | И рече самуилъ: како пойду? и услышитъ Саулъ, и убiетъ мя. И рече Господь: юницу от воловъ возми въ руцѣ твои и речеши: пожрети Господеви иду: |
16:3 См.: 🔗1Цар. 9:16 | и призовеши Иессеа и сыны его къ жертвѣ: и азъ ти покажу, яже сотвориши, и помажеши ми, егоже ти реку. |
16:4 См.: 🔗Лк. 2:4 | И сотвори самуилъ вся, елика рече ему Господь: и прiиде въ Виѳлеемъ, и ужасошася старѣйшины града о пришествiи его и рѣша: миръ ли входъ твой, о, прозорливче? |
16:5 См.: 🔗Исх. 19:10 | И рече: миръ: пожрети Господу прiидохъ: освятитеся и возвеселитеся днесь со мною. И освяти Иессеа и сыны его, и призва я къ жертвѣ. |
16:6 См.: 🔗1Цар. 17:13 | И бысть внегда внити имъ, и видѣ Елiава и рече: сей ли предъ Господемъ помазанникъ его? |
16:7 | И рече Господь самуилу: не зри на лице его, ниже на возрастъ величества его, яко уничижихъ его: понеже не тако зритъ человѣкъ, яко зритъ Богъ: яко человѣкъ зритъ на лице, Богъ же зритъ на сердце. |
16:8 | И призва Иессей Аминадава и представи его предъ лице самуила. И рече [самуилъ]: ниже сего избра Господь. |
16:9 См.: 🔗2Цар. 13:3 | И приведе Иессей саммаа. И рече: и сего не избра Господь. |
16:10 | И приведе Иессей седмь сыновъ своихъ предъ самуила. И рече самуилъ ко Иессею: не избра Господь от сихъ. |
16:11 См.: 🔗2Цар. 7:8 🔗Пс. 77:71 | И рече самуилъ ко Иессею: не достало ли уже дѣтей? И рече Иессей: еще есть единъ малъ, и сей пасетъ на пажити. И рече самуилъ ко Иессею: посли и приведи его, яко не возляжемъ, дондеже прiидетъ той сѣмо. |
16:12 См.: 🔗Пс. 88:21 | И посла, и введе его: и той черменъ, добрыма очима, и благъ взоромъ Господеви. И рече Господь къ самуилу: востани и помажи давида, яко сей благъ есть. |
16:13 См.: 🔗Деян. 7:46 🔗Деян. 13:22 | И прiя самуилъ рогъ со елеемъ и помаза его посредѣ братiи его. И ношашеся Духъ Господень надъ давидомъ от того дне и потомъ. И воста самуилъ и отъиде во Армаѳемъ. |
16:14 См.: 🔗Суд. 16:20 🔗Лк. 19:24 | И Духъ Господень отступи от Саула, и давляше его духъ лукавый от Господа. |
16:15 | И рѣша отроцы Сауловы къ нему: се, нынѣ духъ лукавый от Господа давитъ тя: |
16:16 | да рекутъ раби твои нынѣ предъ тобою, и взыщутъ господину нашему мужа знающа пѣти въ гусли: и внегда будетъ духъ лукавый на тебѣ, и тогда да поетъ въ гусли своя, и благо ти будетъ, и упокоитъ тя. |
16:17 | И рече Саулъ ко отрокомъ своимъ: посмотрите ми мужа добрѣ поюща и введите его ко мнѣ. |
16:18 | И отвѣща единъ от отрокъ его и рече: се, видѣхъ сына Иессеова изъ Виѳлеема, и той вѣсть пѣнiе, и мужъ разуменъ, и борецъ, и мудръ въ словеси, и мужъ благъ видомъ, и Господь съ нимъ. |
16:19 См.: 🔗1Цар. 8:11 | И посла Саулъ вѣстники ко Иессею, глаголя: отпусти ко мнѣ давида сына твоего, иже у стада твоего. |
16:20 См.: 🔗1Цар. 25:18 | И взя Иессей бремя хлѣбовъ и мѣхъ вина и козля от козъ едино, и посла къ Саулу рукою давида сына своего. |
16:21 См.: 🔗1Цар. 18:3 | И вниде давидъ къ Саулу, и предстояше предъ нимъ, и возлюби его зѣло Саулъ, и бысть ему носяй оружiе его. |
16:22 | И посла Саулъ ко Иессею, глаголя: да предстоитъ давидъ предо мною, яко обрѣте благодать предъ очима моима. |
16:23 | И бысть внегда быти духу лукаву на Саулѣ, и взимаше давидъ гусли и играше рукою своею, и отдыхаше Саулъ, и благо ему бяше, и отступаше от него духъ лукавый. |