Псалтирь, псалом 49

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 49
49:1	Псаломъ Асафу.
49:2 См.: 🔗Втор. 10:17	Богъ Боговъ Господь глагола, и при­­зва землю от­ востокъ солнца до западъ.
49:3 См.: 🔗Пс. 47:3	От Сiона благолѣпiе красоты Его:
49:4 См.: 🔗Пс. 2:5	Богъ явѣ прiидетъ, Богъ нашъ, и не премолчитъ: огнь предъ Нимъ воз­горит­ся, и окрестъ Его буря зѣлна.
49:5 См.: 🔗Втор. 31:28	Призоветъ небо свыше, и землю, разсудити люди Своя.
49:6 См.: 🔗Мф. 24:31	Соберите Ему преподобныя Его, завѣщающыя завѣтъ Его о жертвахъ.
49:7	И воз­вѣстятъ небеса правду Его: яко Богъ судiя есть.
49:8 См.: 🔗Пс. 80:9	Услышите, людiе Мо­и, и воз­глаголю вамъ, Израилю, и засвидѣтел­ст­вую тебѣ: Богъ, Богъ твой есмь Азъ.
49:9	Не о жертвахъ тво­ихъ обличу тя, всесожженiя же твоя предо Мною суть выну:
49:10 См.: 🔗Ис. 66:3 🔗Иер. 6:20 🔗Ос. 5:6	не прiиму от­ дому тво­его телцевъ, ниже от­ стадъ тво­ихъ козловъ.
49:11	Яко Мо­и суть вси звѣрiе дубравнiи, скоти въ горахъ и волове:
49:12	познахъ вся птицы небесныя, и красота селная со Мною есть.
49:13 См.: 🔗Исх. 19:5 🔗Пс. 23:1 🔗Иов. 41:3	Аще взалчу, не реку тебѣ: Моя бо есть вселен­ная и исполненiе ея.
49:14	Еда ямъ мяса юнча? Или кровь козловъ пiю?
49:15 См.: 🔗Пс. 115:8 🔗Рим. 12:1	Пожри Богови жертву хвалы и воз­даждь Вышнему молитвы твоя:
49:16 См.: 🔗Пс. 26:8 🔗Зах. 13:9	и при­­зови Мя въ день скорби тво­ея, и изму тя, и прославиши Мя.
49:17 См.: 🔗Рим. 2:21 🔗1Кор. 9:27	Грѣшнику же рече Богъ: вскую ты повѣдаеши оправданiя Моя и воспрiемлеши завѣтъ Мой усты тво­ими?
49:18 См.: 🔗Мф. 7:3	Ты же воз­ненавидѣлъ еси наказанiе и от­верглъ еси словеса Моя вспять.
49:19 См.: 🔗Мф. 24:49 🔗Еф. 5:7	Аще видѣлъ еси татя, теклъ еси съ нимъ, и съ прелюбо­дѣемъ участiе твое полагалъ еси:
49:20 См.: 🔗Мих. 6:12	уста твоя умножиша злобу, и языкъ твой сплета­ше льщенiя:
49:21	сѣдя на брата тво­его клеветалъ еси и на сына матере тво­ея полагалъ еси соблазнъ.
49:22 См.: 🔗Ис. 42:14 🔗Ис. 47:11 🔗Ис. 57:11	Сiя сотворилъ еси, и умолчахъ, воз­непщевалъ еси беззаконiе, яко буду тебѣ подобенъ: обличу тя и представлю предъ лицемъ тво­имъ грѣхи твоя.
49:23	Разумѣйте убо сiя, забывающiи Бога, да не когда похититъ, и не будетъ избавляяй.
49:24 См.: 🔗Лк. 8:39 🔗Ин. 7:17	Жертва хвалы прославитъ Мя, и тамо путь, имже явлю ему спасенiе Мое.