Книга пророка Исаии, глава 44

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 44
44:1 См.: 🔗Ис. 43:10	Нынѣ же слыши, рабе мой Иакове, и Израилю, егоже избрахъ.
44:2 См.: 🔗Иер. 30:10 🔗Иер. 46:27	Сице глаголетъ Господь Богъ сотворивый тя и создавый тя изъ утробы: еще поможетъ ти: не бойся, рабе мой Иакове, и воз­люблен­ный Израилю, егоже избрахъ.
44:3 См.: 🔗Иоил. 2:28 🔗Ин. 7:38 🔗Деян. 2:17	Яко азъ дамъ воду въ жажду ходящымъ въ безводнѣй, наложу Духъ мой на сѣмя твое и благословенiя моя на чада твоя,
44:4 См.: 🔗Пс. 1:3	и прозябнутъ аки трава посредѣ воды и яко верба при­­ водѣ текущей.
44:5 См.: 🔗Ам. 9:12 🔗Отк. 3:12	Сей речетъ: Божiй есмь: и сей возопiетъ о имени Иаковли, и другій напишетъ рукою сво­ею: Божiй есмь: и о имени Израилевѣ возопiетъ.
44:6 См.: 🔗Ис. 41:4 🔗Ис. 48:12 🔗Отк. 1:17 🔗Отк. 22:13	Сице глаголетъ Богъ Царь Израилевъ, и избавлей его Богъ Саваоѳъ: азъ первый и азъ по сихъ, кромѣ мене нѣсть Бога:
44:7 См.: 🔗Ис. 42:9 🔗4Цар. 19:25 🔗Деян. 17:26	кто якоже азъ? да станетъ и да при­­зоветъ, и да воз­вѣститъ и да уготовитъ ми, от­нелѣже сотворихъ человѣка во вѣкъ, и грядущая прежде неже прiити имъ, да воз­вѣстятъ вамъ.
44:8 См.: 🔗Втор. 4:35 🔗Ис. 45:5	Не укрывайтеся, ниже заблуждайте: не исперва ли внушисте, и воз­вѣстихъ вамъ? свидѣтелiе вы есте, аще есть Богъ развѣ мене.
44:9	И не послушаша тогда созидающiи, и ваяющiи вси тщетни, творящiи желанiя своя, яже не упользуютъ ихъ:
44:10 См.: 🔗Ис. 2:8 🔗Ис. 45:16	но посрамят­ся вси созидающiи бога и ваяющiи вси неполезная.
44:11	И вси, от­нюдуже быша, изсхоша: и глусіи от­ человѣкъ да соберут­ся вси и да станутъ вкупѣ, и да посрамят­ся и устыдят­ся вкупѣ.
44:12 См.: 🔗Ис. 40:19 🔗Ис. 41:6	Яко наостри древодѣлатель сѣчиво, теслою содѣла оное, и свердломъ состави е, и длатомъ издолбе е, и содѣла е крѣпостiю мышцы сво­ея: и взалчетъ, и изнеможетъ, и не напiет­ся воды.
44:13 См.: 🔗Прем. 13:11 🔗Иер. 10:3	И избравъ древодѣля древо, постави е въ мѣру, и клеемъ сострои е, и сотвори е аки образъ мужескъ и аки красоту человѣчу, поставити е въ дому.
44:14	Посѣче древо въ дубравѣ, еже насади Господь, сосну, и дождь воз­расти,
44:15	да будетъ человѣкомъ на жженiе: и взявъ от­ него, согрѣся, и изжегше я, испекоша ими хлѣбы, изъ остав­шаго же сотвориша боги и покланяют­ся имъ: сотвори е изваян­ное, и прекланяет­ся имъ.
44:16	Полъ его сожже огнемъ, и полъ его сожже на углiе, и испече въ нихъ хлѣбы, и на нихъ испече мясо, и яде, и насытися, и согрѣвся рече: сладко мнѣ, яко согрѣхся и видѣхъ огнь.
44:17 См.: 🔗Ис. 42:17	Изъ остав­шаго же сотвори бога изваян­на, прекланяет­ся ему и покланяет­ся, и молит­ся ему глаголя: избави мя, яко богъ мой еси ты.
44:18 См.: 🔗Лк. 10:21	Не увѣдаша смыслити, яко отемнѣша очи ихъ, еже видѣти и разумѣти сердцемъ сво­имъ.
44:19	И не помысли въ души сво­ей, ни увѣдѣ смышленiемъ, яко полъ его сожже огнемъ, и испече на углiехъ его хлѣбы, и испекъ мяса снѣде, и остав­шее его въ мерзость сотвори, и покланяют­ся ему.
44:20	Увѣждь, яко пепелъ есть сердце ихъ, и прельщают­ся, и ни единъ можетъ души сво­ея избавити: видите, не рцыте, яко лжа въ десницѣ мо­ей.
44:21	Помяни сiя, Иакове и Израилю, яко рабъ мой еси ты, сотворихъ тя раба мо­его, и ты, Израилю, не забывай мене.
44:22 См.: 🔗Ис. 43:25	Се бо, отъ­яхъ яко облакъ беззаконiя твоя и яко при­­мракъ грѣхи твоя: обратися ко мнѣ, и избавлю тя.
44:23 См.: 🔗Ис. 49:13 🔗Иез. 6:3	Возвеселитеся, небеса, яко помилова Богъ Израиля: вострубите, основанiя земная, возопійте, горы, веселiе, холми и вся древеса, яже на нихъ: яко избави Богъ Иакова, и Израиль прославит­ся.
44:24 См.: 🔗Пс. 103:2 🔗Ис. 40:22 🔗Иер. 51:15	Сице глаголетъ Господь избавляяй тя и создавый тя от­ чрева: азъ Господь совершаяй вся, распрострохъ небо единъ и утвердихъ землю.
44:25 См.: 🔗Иов. 5:12 🔗1Кор. 1:19	Кто инъ разсыплетъ знаменiя чревоволшебниковъ и волшбы от­ сердца, от­вращаяй мудрыя вспять и совѣты ихъ обуяяй,
44:26 См.: 🔗Ис. 14:32 🔗Иер. 31:4	и уставляя глаголъ раба сво­его, и совѣтъ вѣст­никовъ сво­ихъ истиненъ творяй? глаголяй Иерусалиму: населишися: и градомъ иудейскимъ: воз­градитеся, и пустыни его просiяютъ,
44:27 См.: 🔗Исх. 14:21 🔗Нав. 3:16	глаголяй безднѣ: опустѣеши, и рѣки твоя изсушу,
44:28 См.: 🔗3Цар. 13:2 🔗Ис. 49:13 🔗Дан. 6:28	глаголяй киру смыслити, и вся воли моя сотворитъ: глаголяй Иерусалиму: воз­градишися, и храмъ святый мой осную.