Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 22 | |
22:1 См.: 🔗4Цар. 8:24 | Поставиша же царемъ обитающiи во Иерусалимѣ Охозію сына его меншаго вмѣсто его: всѣхъ бо старшихъ избиша нашедшiи на нихъ разбойницы Арави и алимазоняне, и воцарися Охозіа сынъ Иорамовъ царь Иудинъ: |
22:2 См.: 🔗4Цар. 8:26 🔗4Цар. 11:1 | двадесяти дву лѣтъ сый Охозіа царствовати нача, и едино лѣто царствова во Иерусалимѣ. И имя матери его Гоѳоліа дщи Амвріина. |
22:3 См.: 🔗4Цар. 8:27 | И сей ходилъ есть по пути дому Ахаавля, мати бо его бѣ совѣтница, да грѣшитъ: |
22:4 | и сотвори лукавое предъ Господемъ якоже домъ Ахаавовъ, сіи бо быша ему совѣтницы по смерти отца его, въ погубленiе ему, |
22:5 См.: 🔗4Цар. 8:28 🔗Нав. 20:8 | и въ совѣтѣхъ ихъ хождаше: и пойде со Иорамомъ сыномъ Ахаава царя Израилева на брань противу азаила царя Сирска въ рамоѳъ Галаадскiй. И поразиша стрѣлцы Иорама. |
22:6 См.: 🔗4Цар. 8:29 🔗4Цар. 9:15 | И возвратися Иорамъ изцѣлитися во Иезраель от ранъ, имиже раниша его Сиряне въ рамоѳѣ, внегда братися ему со азаилемъ царемъ Сирскимъ. Охозіа же сынъ Иорамль царь Иудинъ сниде посѣтити Иорама сына Ахаавля во Иезраель, разболѣся бо. |
22:7 | И от Бога бысть превращенiе Охозіи, да прiидетъ ко Иораму: и внегда прiити ему, изыде съ нимъ Иорамъ противу ииуа сына намессіина, егоже помаза Господь на домъ Ахаавль. |
22:8 См.: 🔗3Цар. 19:17 🔗4Цар. 9:24 | И бысть егда отмсти ииуй дому Ахаавлю, и обрѣте началники Иудины и братiю Охозіину, служащихъ Охозіи, и уби ихъ: и уби ииуй Иорама, и убѣжа Охозіа. |
22:9 См.: 🔗4Цар. 9:27 | И рече ииуй, еже взыскати Охозію: и яша его врачующася въ самаріи и приведоша его ко ииуеви, и уби его, и погребоша его: рѣша бо, яко сынъ Иосафатовъ есть, иже взыска Господа всѣмъ сердцемъ своимъ. И не бысть въ дому Охозіинѣ воспрiяти силу о царствѣ. |
22:10 См.: 🔗4Цар. 11:1 | И Гоѳоліа мати Охозіина видѣ, яко умре сынъ ея, и воста и погуби все сѣмя царское въ дому Иудинѣ. |
22:11 См.: 🔗4Цар. 11:2 | И взя Иосавееѳъ дщи царева Иоаса сына Охозіина, и украде его от среды сыновъ царевыхъ, егда убиваху ихъ, и даде его и кормилицу его въ храмину постельнюю, и скры его Иосавееѳъ дщерь царя Иорама, сестра Охозіина, жена Иодаа архiереа, и скры его от лица Гоѳоліина, и не уби его. |
22:12 | И бысть съ ними въ дому Божiи сокрытъ шесть лѣтъ, и царствова Гоѳоліа на земли. |