Псалтирь, псалом 110

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 110
110:1	Аллилуiа.
110:2 См.: 🔗Пс. 9:2 🔗Евр. 10:25	Исповѣмся Тебѣ, Господи, всѣмъ сердцемъ мо­имъ въ совѣтѣ правыхъ и сонмѣ.
110:3 См.: 🔗Иов. 37:14	Велiя дѣла Господня, изыскана во всѣхъ воляхъ его:
110:4 См.: 🔗Пс. 9:9 🔗Пс. 47:11 🔗Пс. 101:28	исповѣданiе и великолѣпiе дѣло Его, и правда Его пребываетъ въ вѣкъ вѣка.
110:5	Память сотворилъ есть чудесъ Сво­ихъ: милостивъ и щедръ Господь.
110:6 См.: 🔗Пс. 36:19 🔗Лк. 1:72	Пищу даде боящымся Его: помянетъ въ вѣкъ завѣтъ Свой.
110:7 См.: 🔗Втор. 9:6	Крѣпость дѣлъ Сво­ихъ воз­вѣсти людемъ Сво­имъ, дати имъ достоянiе языкъ.
110:8 См.: 🔗Дан. 4:34	Дѣла рукъ Его истина и судъ, вѣрны вся заповѣди Его,
110:9	утвержены въ вѣкъ вѣка, сотворены во истинѣ и правотѣ.
110:10 См.: 🔗Лк. 1:68 🔗Лк. 11:2	Избавленiе посла людемъ Сво­имъ: заповѣда въ вѣкъ завѣтъ Свой: свято и страшно имя Его.
110:11 См.: 🔗Иов. 28:28 🔗Прит. 1:7 🔗Прит. 9:10 🔗Сир. 11:16	Начало премудрости страхъ Господень, разумъ же благъ всѣмъ творящымъ и: хвала Его пребываетъ въ вѣкъ вѣка.