Книга пророка Исаии, глава 51

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 51
51:1	Послушайте мене, гонящiи правду и взыскающiи Господа, воз­зрите на твердый камень, егоже изсѣкосте {Евр.: изъ негоже изсѣчени бысте.}, и въ юдоль потока, юже ископасте {Евр.: изъ неяже ископани бысте.}.
51:2 См.: 🔗Быт. 12:1	Воззрите на Авраама отца ва­шего и на Сарру породив­шую вы: яко единъ бѣ, и при­­звахъ его, и благословихъ его, и воз­любихъ его, и умножихъ его.
51:3 См.: 🔗Иез. 36:35 🔗Пс. 109:2 🔗Ис. 2:3	И тебе нынѣ утѣшу, Сiоне, и утѣшихъ вся пустыни его, и поставлю пустыню его яко рай, и яже ко западомъ его аки рай Господень: радость и веселiе обрящутъ въ немъ, исповѣданiе и гласъ хваленiя.
51:4	Послушайте мене, людiе мо­и, послушайте, и царiе, ко мнѣ внушите: яко законъ от­ мене изыдетъ, и судъ мой во свѣтъ языкомъ.
51:5 См.: 🔗Ис. 59:16	Приближает­ся скоро правда моя, и изыдетъ яко свѣтъ спасенiе мое, и на мышцу мою языцы надѣятися будутъ: мене острови ожидати и на мышцу мою уповати будутъ.
51:6 См.: 🔗Пс. 101:27	Воздвигните на небо очи ваши и воз­зрите на землю долу, понеже небо яко дымъ утвердися, и земля яко риза обетшаетъ, живущiи же на земли якоже сiя изомрутъ, спасенiе же мое во вѣкъ будетъ, и правда моя не оскудѣетъ.
51:7 См.: 🔗Пс. 36:31	Послушайте мене, вѣдящiи судъ, людiе мо­и, имже законъ мой въ сердцы ва­шемъ, не бойтеся укоренiя человѣча и похуленiю ихъ не покаряйтеся.
51:8 См.: 🔗Ис. 51:6	Якоже бо риза снѣдена будетъ временемъ, и яко сукно изъяст­ся мольми, правда же моя во вѣки будетъ и спасенiе мое въ роды родовъ.
51:9 См.: 🔗Лк. 1:51 🔗Исх. 14:14	Востани, востани, Иерусалиме, и облецыся во крѣпость мышцы тво­ея, востани яко въ началѣ дне, яко родъ вѣка: не ты ли еси побѣдилъ гордаго и расторгнулъ зміа?
51:10 См.: 🔗Исх. 14:21	Не ты и еси опустошаяй море, воду бездны многу? положивый глубины морскія путь прохода изъятымъ и избавленымъ?
51:11 См.: 🔗Пс. 125:5 🔗Ис. 66:14 🔗Ин. 16:22	Господемъ бо воз­вратят­ся и прiидутъ въ Сiонъ съ радостiю и со веселiемъ вѣчнымъ: на главѣ бо ихъ веселiе и хвала, и радость прiиметъ я: от­бѣже болѣзнь и печаль и воз­дыханiе.
51:12 См.: 🔗Мф. 10:28 🔗Пс. 89:6	Азъ есмь, азъ есмь утѣшаяй тя: разумѣй, кто сый убоял­ся еси человѣка смертна и сына человѣча, иже яко трава изсхоша,
51:13 См.: 🔗Иер. 51:15	и забылъ еси Бога создав­шаго тя, сотворшаго небо и основав­шаго землю: и боял­ся еси присно во вся дни лица ярости стужающаго тебѣ: како бо восхотѣ взяти тя, и нынѣ гдѣ ярость стужающаго тебѣ?
51:14	Внегда бо спастися тебѣ, не станетъ, ниже умедлитъ:
51:15 См.: 🔗Иов. 26:12 🔗Ис. 54:5	яко азъ Богъ твой, воз­мущаяй море и творяй шумъ волнамъ его: Господь Саваоѳъ имя мнѣ.
51:16 См.: 🔗Ис. 49:2	Положу словеса моя во уста твоя и подъ сѣнiю руки мо­ея покрыю тя, еюже поставихъ небо и основахъ землю: и речетъ Сiону: людiе мо­и есте вы.
51:17 См.: 🔗Пс. 59:5 🔗Иер. 25:15 🔗Иез. 23:31	Востани, востани, воскресни, Иерусалиме, испивый чашу ярости от­ руки Господни: чашу бо паденiя, фiалъ ярости испилъ и истощилъ еси,
51:18	и не бысть утѣшаяй тебе от­ всѣхъ чадъ тво­ихъ, яже родилъ еси, и не бысть подъемлющаго руки тво­ея, ниже от­ всѣхъ сыновъ тво­ихъ, ихже воз­неслъ еси.
51:19 См.: 🔗Ис. 47:9	Два сiя противна тебѣ, кто сожалѣетъ тебѣ? паденiе и сокрушенiе, гладъ и мечь, кто утѣшитъ тя?
51:20	Сынове тво­и обнищав­шiи, сѣдяще на краи всякаго исхода, яко свекла недовареная, исполнени ярости Господни, разслаблени Господемъ Богомъ.
51:21 См.: 🔗Иер. 25:18	Сего ради слыши, смирен­ный и упивыйся не виномъ:
51:22 См.: 🔗Ис. 51:17	тако глаголетъ Господь Богъ судяй людемъ сво­имъ: се, взяхъ от­ руки тво­ея чашу паденiя, фiалъ ярости мо­ея, и не при­­ложиши ксему пити ея:
51:23 См.: 🔗Пс. 74:9 🔗Пс. 128:3 🔗Ис. 49:26	и вложу ю въ руцѣ преобидѣв­шихъ тя и смирив­шихъ тя, иже рекоша души тво­ей: преклонися, да минемъ: и положилъ еси равно земли плещы твоя от­внѣ мимоходящымъ.