Книга Бытия, глава 49

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 49
49:1 См.: 🔗Втор. 33:1	Призва же Иаковъ сыны своя и рече имъ: соберитеся, да воз­вѣщу вамъ, что срящетъ васъ въ послѣднiя дни:
49:2	соберитеся и послушайте мене, сынове Иаковли, послушайте Израиля, послушайте отца ва­шего.
49:3 См.: 🔗Быт. 29:32 🔗Втор. 21:17	Рувимъ, первенецъ мой, ты крѣпость моя и начало чадъ мо­ихъ: жестокъ терпѣти и жестокъ упорникъ:
49:4 См.: 🔗Быт. 35:22 🔗1Пар. 5:1	досадилъ еси яко вода, да не воскипиши: воз­шелъ бо еси на ложе отца тво­его, тогда осквернилъ еси постелю, идѣже воз­шелъ еси.
49:5 См.: 🔗Быт. 34:25 🔗Иудиф. 9:2	Симеонъ и Левій братiя совершиста обиду от­ воли сво­ея:
49:6 См.: 🔗Быт. 34:26	въ совѣтъ ихъ да не прiидетъ душа моя, и къ собранiю ихъ да не при­­лѣпят­ся внутрен­няя моя: яко во гнѣвѣ сво­емъ избиста человѣки, и въ похоти сво­ей прерѣзаста жилы юнца:
49:7 См.: 🔗Нав. 19:1 🔗Нав. 21:3	проклята ярость ихъ, яко упорна, и гнѣвъ ихъ, яко ожесточися: раздѣлю ихъ во Иаковѣ и разсѣю ихъ во Израили.
49:8 См.: 🔗1Пар. 4:27	Иудо, тебе похвалятъ братiя твоя, руцѣ тво­и на плещу врагъ тво­ихъ: поклонят­ся тебѣ сынове отца тво­его:
49:9 См.: 🔗Чис. 24:9	скименъ львовъ Иуда: от­ лѣторасли, сыне мой, воз­шелъ еси: воз­легъ уснулъ еси яко левъ и яко скименъ: кто воз­будитъ его?
49:10 См.: 🔗1Пар. 5:2 🔗Ин. 1:45 🔗Ин. 5:46 🔗Мф. 2:6	Не оскудѣетъ князь от­ Иуды и вождь от­ чреслъ его, дондеже прiидутъ от­ложеная Ему, и Той чаянiе языковъ:
49:11 См.: 🔗Ис. 63:1	при­­вязуяй къ лозѣ жребя свое и къ вин­ничiю жребца осляте сво­его, исперетъ виномъ одежду свою и кровiю гроздiя одѣянiе свое:
49:12 См.: 🔗Отк. 1:14	радостотворны очи его паче вина, и бѣлы зубы его паче млека.
49:13 См.: 🔗Нав. 19:10	Завулонъ при­­ мори вселит­ся, и той на при­­станищи кораблей, и прострет­ся даже до Сидона.
49:14 См.: 🔗Суд. 5:15	Иссахаръ доброе воз­жела, почивая посредѣ предѣловъ,
49:15 См.: 🔗Втор. 33:18	и видѣвъ покой, яко добръ, и землю, яко тучна, подложи рамы сво­и на трудъ, и бысть мужъ земледѣлецъ.
49:16 См.: 🔗Суд. 13:25	Данъ судити имать люди своя, яко и едино племя во Израили,
49:17 См.: 🔗Суд. 18:1	и да будетъ Данъ змій на пути, сѣдяй на распутiи, угрызая пяту конску:
49:18 См.: 🔗Пс. 118:166 🔗Лк. 2:30	и падетъ кон­никъ вспять, спасенiя ждый Господня.
49:19 См.: 🔗Чис. 32:17	Гадъ, искушенiе искуситъ его: онъ же искуситъ того при­­ ногахъ.
49:20 См.: 🔗Втор. 33:24	Асиръ, тученъ его хлѣбъ, и той дастъ пищу княземъ.
49:21 См.: 🔗Суд. 4:6	Нефѳалимъ стебль распущающаяся, издаяй во от­расли доброту.
49:22 См.: 🔗Быт. 48:16	Сынъ воз­ращенъ Иосифъ, сынъ воз­ращенъ мой ревностный, сынъ мой юнѣйшiй, ко мнѣ обратися:
49:23	на негоже совѣту­ю­ще укоряху и наляцаху нань господiе стрѣлянiй,
49:24 См.: 🔗Втор. 33:17	и сотрошася съ крѣпостiю луки ихъ, и разслабѣша жилы мышцей рукъ ихъ, рукою сильнаго Иакова: от­туду укрѣпися Израиль от­ Бога отца тво­его,
49:25	и поможе тебѣ Богъ мой, и благослови тя благословенiемъ небеснымъ свыше и благословенiемъ земли имущiя вся: благословенiя ради сосцевъ и ложеснъ,
49:26 См.: 🔗Втор. 33:16	благословенiя отца тво­его и матере тво­ея: преодолѣ паче благословенiя горъ пребывающихъ и благословенiя холмовъ вѣчныхъ: будутъ на главѣ Иосифовѣ и на версѣ [главы] братiй, имиже облада­ше.
49:27 См.: 🔗Суд. 20:21	Венiаминъ волкъ хищникъ, рано ястъ еще и на вечеръ даетъ пищу.
49:28 См.: 🔗Сир. 44:26	Вси сіи сынове Иаковли два­на­де­сять: и сiя глагола имъ отецъ ихъ, и благослови ихъ: ко­егождо по благословенiю его благослови ихъ,
49:29 См.: 🔗Быт. 25:8 🔗Быт. 47:30	и рече имъ: азъ при­­лагаюся къ людемъ мо­имъ: погребите мя со отцы мо­ими въ пещерѣ, яже есть въ селѣ Ефрона Хеттеанина,
49:30 См.: 🔗Быт. 23:16 🔗Быт. 50:13 🔗Деян. 7:16	въ пещерѣ Сугубѣй, яже прямо Мамвріи въ земли Ханаани, юже стяжа Авраамъ пещеру у Ефрона Хеттеанина въ стяжанiе гроба.
49:31 См.: 🔗Быт. 25:9 🔗Быт. 35:29	Тамо погребоша Авраама и Сарру жену его, тамо погребоша Исаака и Ревекку жену его, тамо погребоша Лію,
49:32	въ стяжанiи села и пещеры, яже есть въ немъ у сыновъ Хеттеовыхъ.
49:33 См.: 🔗Деян. 7:15	И преста Иаковъ завѣщая сыномъ сво­имъ, и воз­ложивъ Иаковъ нозѣ сво­и на одръ умре, и при­­ложися къ людемъ сво­имъ.