Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 106 | |
106:1 | Аллилуiа. |
106:2 См.: 🔗Иудиф. 16:1 | Исповѣдайтеся Господеви, яко благъ, яко въ вѣкъ милость Его. |
106:3 См.: 🔗Пс. 105:10 | Да рекутъ избавленнiи Господемъ, ихже избави изъ руки врага, |
106:4 | и от странъ собра ихъ, от востокъ и западъ, и сѣвера и моря: |
106:5 См.: 🔗Евр. 11:9 🔗Евр. 13:14 | заблудиша въ пустыни безводнѣй, пути града обителнаго не обрѣтоша: |
106:6 | алчуще и жаждуще, душа ихъ въ нихъ изчезе. |
106:7 См.: 🔗Пс. 21:6 | И воззваша ко Господу, внегда скорбѣти имъ, и от нуждъ ихъ избави я: |
106:8 | и настави я на путь правъ, внити во градъ обителный. |
106:9 | Да исповѣдятся {да исповѣдятъ} Господеви милости Его и чудеса Его сыновомъ человѣческимъ: |
106:10 См.: 🔗Пс. 33:11 🔗Пс. 144:16 | яко насытилъ есть душу тщу, и душу алчущу исполни благъ: |
106:11 См.: 🔗Иов. 36:8 | сѣдящыя во тмѣ и сѣни смертнѣй, окованныя нищетою и желѣзомъ, |
106:12 | яко преогорчиша словеса Божiя, и совѣтъ Вышняго раздражиша. |
106:13 См.: 🔗4Цар. 14:26 | И смирися въ трудѣхъ сердце ихъ, и изнемогоша, и не бѣ помагаяй. |
106:14 | И воззваша ко Господу, внегда скорбѣти имъ, и от нуждъ ихъ спасе я: |
106:15 | и изведе я изъ тмы и сѣни смертныя, и узы ихъ растерза. |
106:16 | Да исповѣдятся {да исповѣдятъ} Господеви милости Его и чудеса Его сыновомъ человѣческимъ: |
106:17 | яко сокруши врата мѣдная, и вереи желѣзныя сломи. |
106:18 | Воспрiятъ я от пути беззаконiя ихъ: беззаконiй бо ради своихъ смиришася. |
106:19 См.: 🔗Иов. 33:20 | Всякаго брашна возгнушася душа ихъ, и приближишася до вратъ смертныхъ. |
106:20 | И воззваша ко Господу, внегда скорбѣти имъ, и от нуждъ ихъ спасе я: |
106:21 См.: 🔗Прем. 16:12 | посла слово Свое, и изцѣли я, и избави я от растлѣнiй ихъ. |
106:22 | Да исповѣдятся {да исповѣдятъ} Господеви милости Его и чудеса Его сыновомъ человѣческимъ: |
106:23 См.: 🔗Пс. 49:14 🔗Пс. 115:8 | и да пожрутъ Ему жертву хвалы и да возвѣстятъ дѣла Его въ радости. |
106:24 | Сходящiи въ море въ кораблехъ, творящiи дѣланiя въ водахъ многихъ, |
106:25 См.: 🔗Сир. 43:26 | тіи видѣша дѣла Господня и чудеса Его во глубинѣ. |
106:26 | Рече, и ста духъ буренъ, и вознесошася волны его: |
106:27 | восходятъ до небесъ и низходятъ до безднъ: душа ихъ въ злыхъ таяше: |
106:28 См.: 🔗Ис. 29:14 🔗Иез. 7:26 | смятошася, подвигошася яко пiяный, и вся мудрость ихъ поглощена бысть. |
106:29 | И воззваша ко Господу, внегда скорбѣти имъ, и от нуждъ ихъ изведе я: |
106:30 См.: 🔗Мф. 14:32 | и повелѣ бури, и ста въ тишину, и умолкоша волны его. |
106:31 | И возвеселишася, яко умолкоша, и настави я въ пристанище хотѣнiя Своего. |
106:32 | Да исповѣдятся {да исповѣдятъ} Господеви милости Его и чудеса Его сыновомъ человѣческимъ: |
106:33 | да вознесутъ Его въ церкви людстѣй, и на сѣдалищи старецъ восхвалятъ Его. |
106:34 | Положилъ есть рѣки въ пустыню и исходиша водная въ жажду, |
106:35 См.: 🔗3Цар. 17:1 🔗Иоил. 1:10 | землю плодоносную въ сланость, от злобы живущихъ на ней. |
106:36 См.: 🔗Ис. 41:18 | Положилъ есть пустыню во езера водная и землю безводную во исходища водная. |
106:37 | И насели тамо алчущыя, и составиша грады обителны: |
106:38 | и насѣяша села, и насадиша винограды, и сотвориша плодъ житенъ. |
106:39 | И благослови я, и умножишася зѣло: и скоты ихъ не умали. |
106:40 См.: 🔗Пс. 43:26 | И умалишася и озлобишася от скорби золъ и болѣзни: |
106:41 См.: 🔗Иов. 12:21 | излiяся уничиженiе на князи ихъ, и облазни {заблуждати сотвори} я по непроходнѣй, а не по пути. |
106:42 См.: 🔗1Цар. 2:8 | И поможе убогу от нищеты и положи яко овцы отечествiя. |
106:43 См.: 🔗Иов. 5:16 🔗Иов. 22:19 | Узрятъ правiи и возвеселятся, и всякое беззаконiе заградитъ уста своя. |
106:44 См.: 🔗Втор. 32:29 🔗Иер. 9:12 | Кто премудръ и сохранитъ сiя? И уразумѣютъ милости Господни. |