Книга Бытия, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗Пс. 104:13	Изыде же Аврамъ от­ Египта самъ и жена его, и вся, елика его, и Лотъ съ нимъ въ пустыню.
13:2 См.: 🔗Быт. 24:35 🔗Прит. 10:22	Аврамъ же бяше богатъ зѣло скоты и сребромъ и златомъ.
13:3 См.: 🔗Быт. 12:8 🔗Быт. 35:6	И иде от­нюдуже прiиде, въ пустыню до Веѳиля, до мѣста, идѣже бѣ ему куща первѣе, между Веѳилемъ и между Агге,
13:4 См.: 🔗Быт. 12:7	на мѣсто жертвен­ника, идѣже сотвори его первѣе: и при­­зва тамо Аврамъ имя Господне.
13:5	И Лоту ходящу со Аврамомъ бяху овцы, и волы, и кущы.
13:6 См.: 🔗Быт. 36:7	И не вмѣща­ше ихъ земля жити вкупѣ, яко имѣнiя ихъ бяху многа: и не можаху жити вкупѣ.
13:7 См.: 🔗Быт. 21:25	И бысть распря между пастухи скота Аврамля и между пастухи скота Лотова: Хананее же и Ферезее тогда живяху на земли [той].
13:8 См.: 🔗Пс. 33:15 🔗Быт. 11:27 🔗Быт. 14:12	Рече же Аврамъ Лоту: да не будетъ распря между мною и тобою, и между пастухи тво­ими и между пастухи мо­ими, яко человѣцы братiя мы есмы:
13:9	не се ли вся земля предъ тобою есть? Отлучися ты от­ мене: аще ты на лѣво, азъ на десно: аще же ты на десно, азъ на лѣво.
13:10 См.: 🔗Быт. 2:8 🔗Ис. 51:3 🔗Иез. 28:13	И воз­ведъ Лотъ очи сво­и, видѣ всю окрестную страну Иорданскую, яко вся напаяема бяше водою, прежде неже низвратити Богу Cодомъ и Гоморръ, яко рай Божiй, и яко земля Египетска, даже прiити до Зогора:
13:11	и избра себѣ Лотъ всю окрестную страну Иорданскую, и отъиде Лотъ от­ востока: и разлучистася кійждо от­ брата сво­его.
13:12	Аврамъ же вселися въ земли Ханаанстѣй, Лотъ же вселися во градѣ окрестныхъ странъ и вселися въ Cодомѣ.
13:13 См.: 🔗Быт. 18:20 🔗Быт. 19:13 🔗Иез. 16:49	Человѣцы же сущiи въ Cодомѣ зли и грѣшни предъ Богомъ зѣло.
13:14	Богъ же рече Авраму, повнегда разлучитися Лоту от­ него: воз­зри очима тво­има и виждь от­ мѣста, идѣже ты нынѣ еси, къ сѣверу, и Ливѣ {югу}, и къ востоку, и морю:
13:15 См.: 🔗Быт. 12:7 🔗Быт. 15:18 🔗Быт. 26:4 🔗Втор. 34:4	яко всю землю, юже ты видиши, тебѣ дамъ ю и сѣмени тво­ему во вѣки,
13:16 См.: 🔗Быт. 32:12 🔗Втор. 10:22	и сотворю сѣмя твое, яко песокъ земный: аще кто можетъ исчести песокъ земный, то и сѣмя твое изочтетъ:
13:17	воставъ про­иди землю въ долготу ея и въ широту: яко тебѣ дамъ ю и сѣмени тво­ему во вѣкъ.
13:18 См.: 🔗Чис. 13:23	И от­селився Аврамъ, при­­шедъ вселися у дуба Мамврійскаго, иже бяше въ Хевронѣ: и созда ту жертвен­никъ Господу.