Второе послание апостола Павла к Коринфянам, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1	Судихъ же въ себѣ сiе, не паки скорбiю къ вамъ прiити.
2:2	Аще бо азъ скорбь творю вамъ, то кто есть веселяяй мя, точiю прiемляй скорбь от­ мене?
2:3 См.: 🔗2Кор. 1:14	И писахъ вамъ сiе истое, да не при­­шедъ скорбь на скорбь прiиму, о нихже подоба­ше ми радоватися, надѣяся на вся вы, яко [Зач. 171.] моя радость всѣхъ васъ есть.
2:4 См.: 🔗1Кор. 5:1	От печали бо многiя и туги сердца написахъ вамъ многими слезами, не яко да оскорбитеся, но любо­вь да познаете, юже имамъ изобилно къ вамъ.
2:5	Аще ли кто оскорбилъ [мене], не мене оскорби, но от­ части, да не отягчу, всѣхъ васъ.
2:6 См.: 🔗1Кор. 5:5	Доволно [бо] таковому запрещенiе сiе, еже от­ многихъ:
2:7	тѣмже сопротивное паче вы да даруете и утѣшите, да не како многою скорбiю пожертъ будетъ таковый:
2:8	тѣмже молю вы, утвердите къ нему любо­вь.
2:9	На сiе бо и писахъ, да разумѣю искус­ст­во ва­ше, аще во всемъ послушливи есте.
2:10	Емуже аще что даруете, и азъ: ибо азъ аще что даровахъ, емуже даровахъ, васъ ради, о лицы Иисусъ Христовѣ,
2:11 См.: 🔗Лк. 22:31 🔗1Пет. 5:8	да не обидими будемъ от­ сатаны: не не разумѣваемъ бо умышленiй его.
2:12	Пришедъ же въ Троаду во благовѣстiе Христово, и двери от­верзенѣ ми быв­шей о Господѣ,
2:13	не имѣхъ покоя духу мо­ему, не обрѣтшу ми Тита брата мо­его: но от­рекся имъ {цѣловавъ ихъ}, изыдохъ въ Македонiю.
2:14	[Зач. 172.] Богу же благодаренiе, всегда побѣдители насъ творящему о Христѣ Иисусѣ и воню разума Его являющу нами во всяцѣмъ мѣстѣ.
2:15 См.: 🔗1Кор. 1:18 🔗2Кор. 4:3	Яко Христово благо­уханiе есмы Богови въ спасаемыхъ и въ погибающихъ.
2:16 См.: 🔗Лк. 2:34 🔗2Кор. 3:5	Овѣмъ убо воня смертная въ смерть, овѣмъ же воня животная въ животъ. И къ симъ кто доволенъ?
2:17 См.: 🔗2Кор. 1:12 🔗2Кор. 4:2 🔗2Кор. 11:15 🔗1Тим. 6:5 🔗Тит. 1:11	Нѣсмы бо, якоже мнози, нечисто проповѣда­ю­щiи слово Божiе, но яко от­ чистоты, но яко от­ Бога, предъ Богомъ, во Христѣ глаголемъ.