Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 17 | |
17:1 См.: 🔗Рим. 11:33 | Велицы бо суть суди твои, [Господи,] и неизглаголанни: сего ради ненаказанныя души заблудиша. |
17:2 См.: 🔗Исх. 10:21 | Возмнѣвше бо насильствовати языкъ святый беззаконнiи, узницы тмы и долгою нощiю связани, заключени подъ кровы, бѣглецы вѣчнаго провѣдѣнiя лежаша. |
17:3 | Утаитися бо мняще въ сокровенныхъ грѣсѣхъ, мрачнымъ забвенiя покрываломъ расточени быша, ужасающеся лютѣ и страшилищами возмущени: |
17:4 | ниже бо содержай ихъ вертепъ безъ страха сохрани, шумы же сходяще возмущаху ихъ, и привидѣнiя дряхлая печальными лицами являхуся. |
17:5 См.: 🔗Исх. 10:23 | И огненная убо ни едина сила можаше освѣщати, ниже звѣздъ свѣтлiи пламенiе просвѣтити можаху въ ту нощь страшную. |
17:6 | Являшеся же имъ токмо внезапный огнь страха исполнь: устрашаеми же невидимымъ онымъ призракомъ, мняху горшая быти видимая. |
17:7 | Волшебнаго же художества предлежаху посмѣянiя, и о премудрости величанiя обличенiе укоризненно: |
17:8 | обѣщающiися бо изгнати страхи и смущенiя от души болящiя, сіи посмѣятелнымъ страхомъ боляху. |
17:9 | Ибо аще и ничтоже ихъ мятежное устрашаше, звѣрей преходами и змиевъ звизданьми подвижени погибаху трепетни, и аера отнюдъ неизбѣжнаго отрицающеся видѣти. |
17:10 | Боязливая бо злоба, своимъ свидѣтелствомъ осуждаема, выну прiемлетъ во умъ лютая, содержима совѣстiю. |
17:11 См.: 🔗Иов. 18:11 | Ничтоже бо есть страхъ, токмо лишенiе помощей сущихъ от помышленiя. |
17:12 | Внутрь же менше сущее чаянiе, болшее мнитъ невѣдѣнiе вины подающiя муку. |
17:13 См.: 🔗Исх. 10:21 | А иже въ немощную поистиннѣ нощь, и от немощнаго ада вертеповъ нашедшую, сномъ тѣмже спящiи, |
17:14 | ово убо страшилищами мечтанiй гоними бяху, ово же души изчезаху преданiемъ: внезапный бо имъ и нечаянный страхъ найде. |
17:15 | Потомъ тако, кто либо когда бѣ онамо, низпадый храняшеся въ темницѣ безъ желѣза заключенъ: |
17:16 | аще бо земледѣлатель кто бысть, или пастырь, или трудовъ пустынныхъ дѣлатель, предъятъ бывъ, неизбѣжную терпяше нужду: |
17:17 См.: 🔗2Пет. 2:4 | единымъ бо ужемъ тмы вси бяху связани. Аще духъ звиздаяй, или между частыхъ древесныхъ вѣтвей птичiй гласъ сладкопѣснивый, или сила водная текущи зѣлнѣ, |
17:18 | или шумъ зѣлный низпадающихъ каменiй, или играющихъ животныхъ теченiе невидимое, или рыкающихъ лютыхъ звѣрей гласъ, или отзывающься от дебрей горскихъ гласъ, разслабляху оныхъ устрашающе. |
17:19 | Вся бо вселенная свѣтлымъ просвѣщашеся свѣтомъ, и невозбранными дѣлы содержашеся: |
17:20 См.: 🔗Мф. 8:12 | на единыхъ же оныхъ простирашеся тяжкая нощь, образъ будущаго ихъ воспрiятiя тмы: сами же себѣ быша тмы тяжчайшiи. |