Псалтирь, псалом 115

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 115
115:1	Аллилуiа.
115:2 См.: 🔗2Кор. 4:13	Вѣровахъ, тѣмже воз­глаголахъ: азъ же смирихся зѣло.
115:3 См.: 🔗Рим. 3:4	Азъ же рѣхъ во изступленiи мо­емъ: всякъ человѣкъ ложъ.
115:4	Что воз­дамъ Господеви о всѣхъ, яже воз­даде ми?
115:5 См.: 🔗Пс. 22:5	Чашу спасенiя прiиму и имя Господне при­­зову:
115:6 См.: 🔗Пс. 21:26	молитвы моя Господеви воз­дамъ предъ всѣми людьми Его.
115:7	Честна предъ Господемъ смерть преподобныхъ Его.
115:8 См.: 🔗Прем. 9:5	О, Господи, азъ рабъ Твой, азъ рабъ Твой и сынъ рабыни Тво­ея: растерзалъ еси узы моя.
115:9 См.: 🔗Пс. 49:14 🔗Евр. 13:15	Тебѣ пожру жертву хвалы, и во имя Господне при­­зову.
115:10	Молитвы моя Господеви воз­дамъ предъ всѣми людьми Его,
115:11	во дворѣхъ дому Господня, посредѣ тебе, Иерусалиме.