Книга пророка Исаии, глава 29

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 29
29:1 См.: 🔗2Цар. 5:9	Горе граду Арiилу, наньже давидъ во­ева. Соберите жита от­ года до года, снѣсте бо вкупѣ съ Моавомъ:
29:2	озлоблю бо Арiила, и будетъ крѣпость его и богат­ст­во мнѣ:
29:3 См.: 🔗Иер. 6:3 🔗Иез. 17:17 🔗Лк. 19:43	и обсяду тя аки давидъ, и поставлю окрестъ тебе острогъ, и согражду столпы.
29:4 См.: 🔗Лев. 19:31 🔗Ис. 8:19	И смирят­ся словеса твоя до земли, и въ землю внидутъ словеса твоя: и будетъ гласъ твой аки гласящихъ от­ земли, и ко земли изнеможетъ гласъ твой.
29:5 См.: 🔗Пс. 34:5	И будетъ яко персть от­ колесе богат­ст­во нечестивыхъ, и аки прахъ летяй множе­с­т­во утѣсняющихъ тя, и будетъ аки черта внезапу от­ Господа Саваоѳа.
29:6 См.: 🔗Ис. 30:30	Присѣщенiе бо будетъ со громомъ и съ трусомъ и гласомъ великимъ, буря несома и пламень огнен­ный поядаяй.
29:7 См.: 🔗Ис. 30:30 🔗Пс. 72:20	И будетъ аки сонiе видяй во снѣ нощiю, богат­ст­во всѣхъ языковъ, елицы во­еваша на Арiила, и вси, иже во­еваша на Иерусалима, и вси собран­нiи нань и озлобляющiи его.
29:8	И будутъ аки во снѣ ядущiи и пiющiи, и востав­шымъ, тощь ихъ сонъ: и якоже во снѣ жаждай аки пiяй, воспрянувъ же еще жаждетъ, душа же его вотще надѣяся: тако будетъ богат­ст­во всѣхъ языковъ, елицы во­еваша на гору Сiоню.
29:9	Разслабѣйте и ужаснитеся, и упійтеся не Сикеромъ, ни виномъ,
29:10 См.: 🔗Иер. 51:39 🔗Рим. 11:8	яко напо­и васъ Господь духомъ умиленiя, и смежитъ очи ихъ и пророковъ ихъ и князей ихъ, видящихъ сокровен­ная.
29:11 См.: 🔗Ис. 8:16 🔗Иез. 20:49 🔗Дан. 12:4	И будутъ вамъ вся сiя словеса, аки словеса книги запечатлѣн­ныя сея, юже аще дадутъ человѣку вѣдущему писанiя, глаголюще: прочти сiе. И речетъ: не могу прочести, запечатлѣн­на бо.
29:12 См.: 🔗2Кор. 3:14	И даст­ся книга сiя въ руцѣ человѣку не вѣдущему писанiя, и речет­ся ему: прочти сiе. И речетъ: не вѣмъ писанiя.
29:13 См.: 🔗Мф. 15:8 🔗Мк. 7:6	И рече Господь: при­­ближают­ся мнѣ людiе сіи усты сво­ими и устнами сво­ими почитаютъ мя, сердце же ихъ далече от­сто­итъ от­ мене: всуе же почитаютъ мя, учаще заповѣдемъ человѣческимъ и учениемъ.
29:14 См.: 🔗Иер. 49:7 🔗Авд. 1:8 🔗1Кор. 1:19	Сего ради се, азъ при­­ложу, еже преселити люди сiя, и преставлю я, и погублю премудрость премудрыхъ и разумъ разумныхъ сокрыю.
29:15 См.: 🔗Сир. 23:24	Горе творящымъ глубоко совѣтъ, а не Господемъ: горе въ тайнѣ совѣтъ творящымъ, и будутъ во тмѣ дѣла ихъ, и рекутъ: кто ны видѣ, и кто ны уразумѣетъ, яже мы творимъ?
29:16 См.: 🔗Ис. 45:9 🔗Иер. 18:6	Не якоже ли бренiе скудельника вмѣнитеся? Еда речетъ зданiе создав­шему е: не ты мя создалъ еси? или творенiе сотворшему: не разумно мя сотворилъ еси?
29:17 См.: 🔗Ис. 32:15	Не еще ли мало, и при­­ложит­ся Ливанъ, аки гора хермель, и хермель въ дубраву вмѣнит­ся?
29:18 См.: 🔗Мф. 15:30 🔗Ис. 42:18 🔗Евр. 10:7	И услышатъ въ день оный глусіи словеса книги [сея], и иже во тмѣ и иже во мглѣ очи слѣпыхъ узрятъ.
29:19	И воз­радуют­ся нищiи ради Господа въ веселiи, и от­чаяв­шiися человѣцы исполнят­ся веселiя.
29:20 См.: 🔗Отк. 19:17 🔗Мих. 2:1	Исчезе беззакон­никъ, и погибе гордый, и потребишася вси беззакон­ну­ю­щiи во злобѣ
29:21 См.: 🔗Ам. 5:10	и творящiи согрѣшати человѣки во словѣ: всѣмъ же обличающымъ во вратѣхъ претыканiе положатъ, понеже совратиша въ неправдахъ праведнаго.
29:22 См.: 🔗Быт. 11:31 🔗Быт. 48:16	Сего ради тако глаголетъ Господь на домъ Иаковль, егоже опредѣли от­ Авраама: не нынѣ постыдит­ся Иаковъ, ниже нынѣ лице свое измѣнитъ Израиль:
29:23 См.: 🔗Пс. 99:3 🔗Еф. 2:10 🔗Евр. 2:10	но егда увидятъ чада ихъ дѣла моя, мене ради освятятъ имя мое и освятятъ святаго Иаковля, и Бога Израилева убоят­ся.
29:24	И уразумѣютъ заблуждающiи духомъ смыслъ, и ропщущiи научат­ся послушати, и языцы нѣмот­ст­вующiи научат­ся глаголати миръ.