Деяния святых Апостолов, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1	[Зач. 7.] Вкупѣ же Петръ и Иоан­нъ восхождаста во святилище на молитву въ часъ девятый.
3:2	И нѣкiй мужъ, хромъ от­ чрева матере сво­ея сый, носимь быва­ше, егоже полагаху по вся дни предъ дверьми церковными, рекомыми Красными, просити милостыни от­ входящихъ въ церковь:
3:3	иже видѣвъ Петра и Иоан­на хотящыя внити въ церковь, проша­ше милостыни.
3:4	воз­зрѣвъ же Петръ нань со Иоан­номъ, рече: воз­зри на ны.
3:5	Онъ же при­­лѣжа­ше има, мня нѣчто от­ нею прiяти.
3:6	Рече же Петръ: сребра и злата нѣсть у мене, но еже имамъ, сiе ти даю: во имя Иисуса Христа Назореа востани и ходи.
3:7	И емь его за десную руку воз­движе: абiе же утвердистѣся его плеснѣ и глезнѣ,
3:8 См.: 🔗Ис. 35:6	и вскочивъ ста и хожда­ше, и вниде съ нима въ церковь, ходя и скачя и хваля Бога.
3:9	И видѣша его вси людiе ходяща и хваляща Бога,
3:10	знаху же его, яко сей бяше, иже милостыни ради сѣдяше при­­ Красныхъ дверехъ церковныхъ: и исполнишася чуда и ужаса о при­­ключив­шемся ему.
3:11 См.: 🔗3Цар. 6:3	[Зач. 8.] Держащужеся исцѣлѣв­шему хромому Петра и Иоан­на, при­­текоша къ нима вси людiе въ при­­творъ, нарицаемый Соломоновъ, ужасни.
3:12	Видѣвъ же Петръ от­вѣщава­ше къ людемъ: мужiе Израилтяне, что чудитеся о семъ, или на ны что взираете, яко сво­ею ли силою или благо­честiемъ сотворихомъ его ходити?
3:13 См.: 🔗Деян. 5:31 🔗Флп. 2:9	Богъ Авраамовъ и Исааковъ и Иаковль, Богъ отецъ нашихъ, прослави Отрока Сво­его Иисуса, Егоже вы предасте, и от­вергостеся Его предъ лицемъ Пилатовымъ, суждшу Оному пустити:
3:14 См.: 🔗Мф. 27:20 🔗Мк. 15:11 🔗Лк. 23:18 🔗Ин. 18:40	вы же Святаго и Праведнаго от­вергостеся, и испросисте мужа убійцу дати вамъ,
3:15 См.: 🔗Деян. 2:24 🔗Деян. 5:32 🔗Деян. 13:30 🔗Деян. 17:31	Началника же жизни убисте: Егоже Богъ воскреси от­ мертвыхъ, емуже мы свидѣтелiе есмы.
3:16	И о вѣрѣ имене Его, сего, егоже видите и знаете, утверди имя Его: и вѣра, яже Его ради, даде ему всю цѣлость сiю предъ всѣми вами.
3:17 См.: 🔗Лк. 23:34 🔗Ин. 16:3 🔗Деян. 13:27	И нынѣ, братiе, вѣмъ, яко по невѣдѣнiю сiе сотвористе, якоже и князи ваши:
3:18 См.: 🔗Лк. 24:27 🔗Деян. 26:22	Богъ же, яже предвоз­вѣсти усты всѣхъ пророкъ Сво­ихъ пострадати Христу, исполни тако.
3:19	[Зач. 9.] Покайтеся убо и обратитеся, да очиститеся от­ грѣхъ вашихъ,
3:20 См.: 🔗Ис. 49:10	яко да прiидутъ времена прохладна от­ лица Господня, и послетъ пронарѣчен­наго вамъ Христа Иисуса,
3:21 См.: 🔗Ос. 2:23 🔗Ос. 3:5 🔗Ин. 10:16	Егоже подобаетъ небеси убо прiяти даже до лѣтъ устро­енiя всѣхъ, яже глагола Богъ усты всѣхъ святыхъ Сво­ихъ пророкъ от­ вѣка.
3:22 См.: 🔗Мф. 17:5 🔗Деян. 7:37	Моисей убо ко отцемъ рече: яко Пророка вамъ воз­двигнетъ Господь Богъ вашъ от­ братiи ва­шея, яко мене: Того послушайте по всему, елика аще речетъ къ вамъ:
3:23 См.: 🔗Втор. 18:15	будетъ же, всяка душа, яже аще не послушаетъ Пророка онаго, потребит­ся от­ людій.
3:24	И вси же пророцы от­ Самуила и иже по сихъ, елицы глаголаша, такожде предвоз­вѣстиша дни сiя.
3:25 См.: 🔗Быт. 12:3 🔗Деян. 2:39 🔗Рим. 9:4 🔗Гал. 3:8	Вы есте сынове пророкъ и завѣта, егоже завѣща Богъ ко отцемъ вашымъ, глаголя ко Аврааму: и о сѣмени тво­емъ воз­благословят­ся вся отече­ст­вiя земная.
3:26 См.: 🔗Мф. 10:6 🔗Деян. 13:46	Вамъ первѣе Богъ, воз­двигiй Отрока Сво­его Иисуса, посла Его благословяща васъ, во еже от­вратитися вамъ комуждо от­ злобъ вашихъ.