Четвёртая книга Царств (Вторая книга Царей), глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Втор. 11:30 🔗Нав. 4:19	И бысть внегда взяти Господу илiю въ вихрѣ яко на небо и идяше илiа и Елиссей от­ Галгалъ.
2:2 См.: 🔗Быт. 12:8 🔗4Цар. 4:30 🔗Руф. 1:16	И рече илiа ко Елиссею: сѣди убо здѣ, яко Господь посла мя до Веѳиля. И рече Елиссей: живъ Господь и жива душа твоя, аще оставлю тя. И прiидоста въ Веѳиль.
2:3	И прiидоша сынове пророчестiи, иже въ Веѳили, ко Елиссею и рѣша къ нему: разумѣеши ли, яко взимаетъ Господь днесь господина тво­его верху главы тво­ея [от­ тебе]? И рече: и азъ уразумѣхъ, молчите.
2:4 См.: 🔗Втор. 34:3	И рече илiа ко Елиссею: сяди убо здѣ, яко Господь посла мя во иерихонъ. И рече Елиссей: живъ Господь и жива душа твоя, аще оставлю тя. И прiидоста во иерихонъ.
2:5	И при­­ближишася сынове пророковъ, иже во иерихонѣ, ко Елиссею и рѣша ему: разумѣеши ли, яко днесь вземлетъ Господь господина тво­его свыше главы тво­ея [от­ тебе]? И рече: ибо и азъ уразумѣхъ, молчите.
2:6	И рече ему илiа: сѣди здѣ, яко Господь посла мя до Иордана. И рече Елиссей: живъ Господь и жива душа твоя, аще оставлю тебе. И по­идоста оба,
2:7	и пятьдесятъ мужей от­ сыновъ пророческихъ, и сташа противу издалеча: и сіи оба стаста при­­ Иорданѣ.
2:8 См.: 🔗Исх. 14:21 🔗Нав. 3:16 🔗Нав. 4:23	И прiятъ илiа милоть свою, и свитъ ю, и удари ею въ воду, и разступися вода сюду и сюду: и про­идоста оба по суху.
2:9 См.: 🔗3Цар. 3:5 🔗Мк. 6:22	И бысть преходящема има, и рече илiа ко Елиссееви: проси, что сотворю ти прежде неже взятъ буду от­ тебе. И рече Елиссей: да будетъ убо Духъ, иже въ тебѣ, сугубъ во мнѣ.
2:10	И рече илiа: ожесточилъ еси просити: аще узриши мя вземлема от­ тебе, будетъ ти тако: аще ли не [узриши], не будетъ.
2:11 См.: 🔗Сир. 48:13 🔗1Мак. 2:58	И бысть идущема има, идяста и глаголаста: и се, колесница огнен­ная и кони огнен­нiи, и раздѣлиша между обѣма. И взятъ бысть илiа вихромъ яко на небо.
2:12 См.: 🔗Евр. 11:5	И Елиссей зряше и вопiяше: отче, отче, колесница Израилева и кон­ница его. И не увидѣ его ктому: и ят­ся [Елиссей] за ризы своя, и растерза я въ два растерзанiя,
2:13	и взя милоть Илiину Елиссей падшую верху его, и воз­вратися Елиссей, и ста на брезѣ Иордановѣ.
2:14	И прiятъ [Елиссей] милоть илiину, яже паде верху его, и удари въ воду, и не разступися вода. И рече: гдѣ Богъ илiинъ Аффо? И удари Елиссей воды [вторицею], и разступишася сюду и сюду, и прейде Елиссей по суху.
2:15 См.: 🔗4Цар. 2:7 🔗3Цар. 18:12	И видѣша его сынове пророчестiи, иже во иерихонѣ сопротивъ, и рѣша: почи Духъ илiинъ на Елиссеи. И прiидоша на срѣтенiе ему и поклонишася ему до земли,
2:16	и рѣша къ нему: се, нынѣ со отроки тво­ими пятьдесятъ мужей сыновъ сильныхъ: шедше да взыщутъ господина тво­его, еда како Духъ Господень взя, и поверже его на Иорданѣ, или на единѣй от­ горъ, или на единѣмъ от­ холмовъ и рече Елиссей: не посылайте.
2:17 См.: 🔗4Цар. 8:11	И при­­нудиша его, и дондеже устыдѣся, и рече: послите. И послаша пятьдесятъ мужей, и искаша три дни, и не обрѣтоша его,
2:18	и воз­вратишася къ нему: и той сѣдяше во иерихонѣ. И рече Елиссей къ нимъ: не глаголахъ ли къ вамъ, не идите?
2:19 См.: 🔗Исх. 15:23	И рѣша мужiе града ко Елиссею: се, жилище града благо, якоже ты, господине, видиши, но воды злы и земля неплодна.
2:20	И рече Елиссей: при­­несите ми водоносъ новъ, и всыплите въ онь соль. И взяша, и при­­несоша къ нему.
2:21	И изыде Елиссей на исходища водная, и всыпа ту соль, и рече: сице глаголетъ Господь: изцѣлихъ воды сiя, не будетъ от­ нихъ ктому смерти и неплод­ст­ва.
2:22	И изцѣлѣша воды до дне сего, по глаголу Елиссееву, егоже глагола.
2:23	И взыде от­туду во Веѳиль. И восходящу ему путемъ, и дѣти малы изыдоша изъ града, и ругахуся ему, и рѣша ему: гряди, плѣшивѣ, гряди.
2:24 См.: 🔗Втор. 18:19 🔗Пс. 43:6 🔗Прем. 11:18	И озрѣся вслѣдъ ихъ, и видѣ я, и проклятъ я именемъ Господнимъ. И се, изыдоша двѣ медвѣдицы изъ дубравы и растерзаша от­ нихъ четыредесять два отрочища.
2:25 См.: 🔗Нав. 19:26	И иде от­туду въ гору кармилскую, и от­туду воз­вратися въ самарію.