Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 23 | |
23:1 | И рече Господь къ Моисею, глаголя: |
23:2 | глаголи сыномъ Израилевымъ и речеши къ нимъ: праздницы Господни, яже наречете нарочитыя святыя, сіи суть праздницы Мои: |
23:3 | въ шесть дній да сотвориши дѣла, и въ день седмый суббота, покой нареченный святъ Господеви, всякаго дѣла да не сотворите: суббота есть Господеви во всемъ обитанiи вашемъ. |
23:4 | Сіи праздницы Господу наречены святи, яже наречете сiя во времена ихъ: |
23:5 См.: 🔗Исх. 12:18 🔗Чис. 28:16 | въ первѣмъ месяцѣ въ четвертыйнадесять день месяца, между вечерними, Пасха Господу: |
23:6 | и въ пятыйнадесять день месяца перваго праздникъ опрѣсноковъ Господу: седмь дній опрѣсноки да ясте. |
23:7 | И день первый нареченъ святъ будетъ вамъ: всякаго дѣла работня не сотворите: |
23:8 См.: 🔗Втор. 16:8 | и да принесете всесожженiя Господу седмь дній, и день седмый нареченъ святъ будетъ вамъ: всякаго дѣла работня не сотворите. |
23:9 | И рече Господь къ Моисею, глаголя: |
23:10 См.: 🔗1Кор. 15:20 🔗Кол. 1:18 | глаголи сыномъ Израилевымъ и речеши къ нимъ: егда внидете въ землю, юже Азъ даю вамъ, и пожнете жатву ея, и принесете снопы начатокъ жатвы вашея къ жерцу, |
23:11 См.: 🔗Исх. 29:28 | и вознесетъ снопъ предъ Господа прiятенъ вамъ: на утрiе перваго дне субботы да вознесетъ его жрецъ. |
23:12 | И сотворите въ день, въ оньже аще принесете снопъ, овча непорочно единолѣтно во всесожженiе Господу: |
23:13 См.: 🔗Лев. 2:1 🔗Исх. 16:36 | и жертву его двѣ десятины муки пшеничны спряжены въ елеи: жертва Господу, въ воню благовонiя Господу: и возлiянiе его вина четвертую часть ина. |
23:14 См.: 🔗Лев. 2:14 | И хлѣба, и пряженыхъ класовъ новыхъ да не снѣсте, даже до того дне самаго, дондеже принесете вы дары Богу вашему: законно вѣчно въ роды вашя во всемъ населенiи вашемъ. |
23:15 См.: 🔗Втор. 16:9 🔗Исх. 35:21 | И сочтите себѣ от наутрiя субботъ, от дне, въ оньже аще принесете снопы возложенiя, седмь седмицъ цѣлыхъ |
23:16 См.: 🔗Чис. 28:26 | даже до наутрiя послѣднiя седмицы да сочтете пятьдесятъ дній, и да принесете жертву нову Господу. |
23:17 | От вселенiя вашего да принесете хлѣбы возложенiе, два хлѣба: от двухъ десятинъ муки пшеничны да будутъ, квашены да испекутся от первыхъ плодовъ Господу: |
23:18 | и да принесете со хлѣбами седмь агнцевъ непорочныхъ единолѣтныхъ, и телца единаго от стадъ, и овна два непорочна: и будутъ во всесожженiе Господу, и жертвы ихъ, и возлiянiя ихъ, жертва воня благовонiя Господу. |
23:19 | И сотворите козла от козъ единаго о грѣсѣ, и два агнца единолѣтна въ жертву спасенiя съ хлѣбами первыхъ житъ. |
23:20 | И да возложитъ я жрецъ съ хлѣбами первыхъ житъ, возложенiе предъ Господемъ со обѣма агнцы: свята будутъ Господу, жерцу иже приноситъ я, тому да будутъ. |
23:21 См.: 🔗Чис. 28:26 | И прозовете сей день, нарочитъ святъ будетъ вамъ: всякаго дѣла работня не сотворите въ онь: законно вѣчно въ роды вашя во всемъ населенiи вашемъ. |
23:22 См.: 🔗Лев. 19:9 🔗Втор. 24:19 | И егда жнете жатву земли вашея, не потребите останка жатвы нивы своея, егда жнете, и от падающихъ от жатвы вашея да не собереши: нищему и пришелцу оставиши я: Азъ Господь Богъ вашъ. |
23:23 | И рече Господь къ Моисею, глаголя: |
23:24 | рцы сыномъ Израилевымъ, глаголя: месяца седмаго, въ первый день месяца, да будетъ вамъ покой, память трубъ: нареченъ святъ будетъ вамъ: |
23:25 | всякаго дѣла работня не сотворите, и принесете всесожженiе Господу. |
23:26 | И рече Господь къ Моисею, глаголя: |
23:27 См.: 🔗Лев. 16:29 | и въ десятый день седмаго месяца сего день очищенiя, нареченъ святъ да будетъ вамъ: и смирите душы вашя, и принесите всесожженiе Господу: |
23:28 | всякаго дѣла не сотворите въ самый день сей: есть бо день очищенiя сей вамъ, умолити о васъ предъ Господемъ Богомъ вашимъ: |
23:29 | всяка бо душа, яже не покорится въ день той, потребится от людій своихъ: |
23:30 | и всяка душа, яже сотворитъ дѣло въ самый день сей, погибнетъ душа та от людій своихъ: |
23:31 | всякаго дѣла не сотворите, законно вѣчно въ роды вашя, во всѣхъ селенiихъ вашихъ. |
23:32 См.: 🔗Лев. 16:31 | Субботы субботъ будутъ вамъ: и смирите душы вашя, от девятаго дне месяца от вечера, даже до десятаго дне месяца, до вечера, субботствуйте субботы вашя. |
23:33 | И рече Господь къ Моисею, глаголя: |
23:34 См.: 🔗Ин. 7:2 | рцы сыномъ Израилевымъ, глаголя: въ пятыйнадесять день месяца седмаго сего, праздникъ кущей седмь дній Господу: |
23:35 | и день первый нареченъ святъ будетъ: всякаго дѣла работня не сотворите: |
23:36 | седмь дній да принесете всесожженiя Господу: и день осмый нареченъ святъ будетъ вамъ, и принесете всесожженiя Господу: исходное есть, всякаго дѣла работня не сотворите. |
23:37 См.: 🔗Чис. 29:2 | Сіи праздницы Господни, яже наречете нарочиты святы, еже приносити приносы Господу: всесожженiя и жертвы ихъ, и возлiянiя ихъ от дне до дне, |
23:38 | кромѣ субботъ Господнихъ и кромѣ даровъ вашихъ, и кромѣ всѣхъ обѣтовъ вашихъ и кромѣ благовольныхъ вашихъ, яже аще дадите Господу. |
23:39 | И въ пятыйнадесять день месяца седмаго сего, егда скончаете жита земли, празднуйте Господу седмь дній: въ день первый покой, и въ день осмый покой: |
23:40 | и да возмете себѣ въ день первый плодъ древа красенъ, и вѣтвь финическую, и вѣтви древа частыя, и вербы, и агновы вѣтви {садовiе палестинское} от потока, и возвеселитеся предъ Господемъ Богомъ вашимъ седмь дній въ лѣто: |
23:41 | законно вѣчно въ роды вашя, въ месяцъ седмый празднуйте его: |
23:42 | въ кущахъ да пребудете седмь дній: всякъ туземецъ во Израили да пребудетъ въ кущахъ: |
23:43 | яко да увѣдятъ роды вашя, яко въ кущахъ вселихъ сыны Израилевы, внегда извести Мнѣ ихъ изъ земли Египетскiя: Азъ Господь Богъ вашъ. |
23:44 | И повѣда Моисей праздники Господни сыномъ Израилевымъ. |