Книга Бытия, глава 36

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 36
36:1 См.: 🔗Быт. 25:30	Сіи же родове Исавли, сей есть Едомъ.
36:2 См.: 🔗Быт. 26:34	Исавъ же поя себѣ жены от­ дщерей Хананейскихъ: Аду, дщерь Елома Хеттеина, и Оливему, дщерь Ананю сына Севегона Евеина,
36:3 См.: 🔗Быт. 28:9	и Васемаѳу, дщерь Исмаилю, сестру Навеоѳову.
36:4 См.: 🔗1Пар. 1:35	Роди же Ада Исаву Елифаса, и Васемаѳъ роди Рагуила,
36:5	и Оливема роди Ие­уса и Иеглома и Кореа: сіи сынове Исавли, иже быша ему въ земли Ханаанстѣй.
36:6 См.: 🔗Нав. 24:4 🔗Быт. 32:3	Поя же Исавъ жены своя и сыны своя и дщери своя, и вся тѣлеса дому сво­его и вся имѣнiя своя и вся скоты, и вся, елика при­­тяжа, и вся, елика при­­обрѣте въ земли Ханаанстѣй, и отъиде Исавъ изъ земли Ханаанскiя от­ лица Иакова брата сво­его:
36:7 См.: 🔗Быт. 13:6 🔗Быт. 26:14	бяху бо имѣнiя ихъ многа, еже жити вкупѣ: и не можа­ше земля обитанiя ихъ вмѣстити ихъ, от­ множе­ст­ва имѣнiй ихъ.
36:8 См.: 🔗Нав. 24:4	Вселися же Исавъ на горѣ Сииръ: Исавъ той есть Едомъ.
36:9	Сіи же родове Исава, отца Едомля, на горѣ Сииръ:
36:10 См.: 🔗1Пар. 1:35	и сiя имена сыновъ Исавлихъ: Елифасъ, сынъ Ады, жены Исавли, и Рагуилъ, сынъ Васемаѳы, жены Исавли.
36:11	Быша же Елифасу сынове: Ѳеманъ, Омаръ, Софаръ, Гоѳомъ и Кенезъ.
36:12	Ѳамна же бяше наложница Елифаса, сына Исавля, и роди Елифасу Амалика: сіи сынове Ады, жены Исавли.
36:13	Сіи же сынове Рагуиловы: Нахоѳъ, Заре, Соме и Мозе: сіи быша сынове Васемаѳы, жены Исавли.
36:14	Сіи же сынове Оливемы дщере Анани сына Севегоня, жены Исавли: роди же Исаву Ие­уса и Иеглома и Кореа.
36:15	Сіи старѣйшины сына Исавля, сынове Елифаса, первенца Исавля: старѣйшина Ѳеманъ, старѣйшина Омаръ, старѣйшина Софаръ, старѣйшина Кенезъ,
36:16	старѣйшина Корей, старѣйшина Гоѳомъ, старѣйшина Амаликъ: сіи старѣйшины Елифаса въ земли Идумейстѣй, сіи сынове Адины.
36:17	И сіи сынове Рагуила, сына Исавля: старѣйшина Нахоѳъ, старѣйшина Заре, старѣйшина Соме, старѣйшина Мозе: сіи старѣйшины Рагуиловы въ земли Едомстѣй, сіи сынове Васемаѳы, жены Исавли.
36:18	Сіи же сынове Оливемы, жены Исавли: старѣйшина Ие­усъ, старѣйшина Иегломъ, старѣйшина Корей: сіи старѣйшины Оливемы, дщере Анани, жены Исавли,
36:19	сіи сынове Исавли и сіи старѣйшины ихъ, сіи суть сынове Едомли.
36:20 См.: 🔗Втор. 2:11 🔗1Пар. 1:38	Сіи же сынове Сиира Хорреова жив­шаго на земли: Лотанъ, Совалъ, Севегонъ, Ана
36:21	и Дисонъ, и Асаръ и Рисонъ: сіи старѣйшины Хорреова сына Сиира въ земли Едомстѣй.
36:22	Быша же сынове Лотани: Хорри и Еманъ, сестра же Лотаня Ѳамна.
36:23 См.: 🔗1Пар. 1:40	Сіи же сынове Соваловы: Голамъ и Манахаѳъ, и Гевилъ и Софаръ и Омаръ.
36:24	И сіи сынове Севегони: Аiе и Ана: сей есть Ана, иже обрѣте Иаминь въ пустыни, егда пасяше подъяремники {мски} Севегона, отца сво­его.
36:25	Сіи же сынове Анани: Дисонъ и Оливема, дщи Ананя.
36:26	Сіи же сынове Дисоновы: Амада и Асванъ, и Иѳранъ и Харранъ.
36:27	Сіи же сынове Асаровы: Валаамъ и Зукамъ, и Укамъ и Уканъ.
36:28	Сіи же сынове Рисоновы: Осъ и Аранъ.
36:29	Сіи же старѣйшины Хорриовы: старѣйшина Лотанъ, старѣйшина Совалъ, старѣйшина Севегонъ, старѣйшина Ана,
36:30	старѣйшина Дисонъ, старѣйшина Асаръ, старѣйшина Рисонъ: сіи старѣйшины Хорриовы во областехъ ихъ въ земли Едомли.
36:31	И сіи царiе цар­ст­вовав­шiи во Едомѣ, прежде цар­ст­вованiя царей во Израили:
36:32	и цар­ст­вова во Едомѣ Валакъ, сынъ Веоровъ: имя же граду его Ден­нава.
36:33 См.: 🔗Ис. 34:6 🔗Ис. 63:1	Умре же Валакъ, и царь бысть по немъ Иовавъ, сынъ Заринъ от­ Восорры.
36:34	Умре же Иовавъ, и царь бысть по немъ Асомъ от­ земли Ѳеманони.
36:35	Умре же Асомъ, и бысть царь по немъ Ададъ сынъ Варадовъ, иже изсѣче Мадiама на поли Моавли: имя же граду его Гетѳемъ.
36:36	Умре же Ададъ, и царь бысть по немъ Самада от­ Массеккаса.
36:37 См.: 🔗Быт. 10:11	Умре же Самада, и царь бысть по немъ Саулъ изъ Роовоѳа, иже есть близъ рѣки.
36:38 См.: 🔗1Пар. 1:49	Умре же Саулъ, и царь бысть по немъ Ваален­нонъ, сынъ Аховорь.
36:39	Умре же Ваален­нонъ сынъ Аховорь, и царь бысть по немъ Арадъ, сынъ Варадовъ: и имя граду его Фогоръ, имя же женѣ его Метевеиль, дщерь Матраиѳа, сына Мезоовля.
36:40 См.: 🔗1Пар. 1:51	Сiя имена старѣйшинъ Исавлихъ въ племенѣхъ ихъ, по мѣсту ихъ, во странахъ ихъ и въ языцѣхъ ихъ: старѣйшина Ѳамна, старѣйшина Гола, старѣйшина Иеѳеръ,
36:41	старѣйшина Оливема, старѣйшина Ила, старѣйшина Финонъ,
36:42	старѣйшина Кенезъ, старѣйшина Ѳеманъ, старѣйшина Мазаръ,
36:43	старѣйшина Магедiилъ, старѣйшина Зафой: сіи старѣйшины Едомли, живущiи въ земли при­­тяжанiя ихъ: сей Исавъ отецъ Едомль.