Книга Числа, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗Чис. 21:4 🔗Лев. 10:2 🔗Пс. 77:21	И быша людiе ропщуще злая предъ Господемъ: и слыша Господь и разгнѣвася гнѣвомъ, и разгорѣся въ нихъ огнь от­ Господа и потреби часть нѣкую от­ полка.
11:2 См.: 🔗Ам. 7:5	И возопиша людiе къ Моисею: и помолися Моисей къ Господу, и преста огнь.
11:3 См.: 🔗Втор. 9:22	И прозвася имя мѣсту тому Запаленiе: яко разгорѣся въ нихъ огнь от­ Господа.
11:4 См.: 🔗Исх. 12:38 🔗1Кор. 10:6	И общiй народъ иже въ нихъ похотѣша похотѣнiемъ: и сѣдше плакахуся сынове Израилевы и рекоша: кто ны напитаетъ мясы?
11:5	Помянухомъ рыбы, яже ядохомъ въ земли Египетстѣй туне, и огурцы и дыни, лукъ и червленый лукъ и чеснокъ:
11:6 См.: 🔗Чис. 21:5	нынѣ же душа наша изсохла, ничтоже точiю ман­на предъ очима нашима.
11:7 См.: 🔗Исх. 16:14 🔗Пс. 77:24 🔗Прем. 16:20 🔗Ин. 6:31 🔗1Кор. 10:3	Ман­на же бяше аки сѣмя корiандрово, и видъ ея яко видъ кристалла:
11:8	и исхождаху людiе и собираху, и меляху въ жерновахъ и толцаху въ ступахъ, и варяху въ горшкахъ и творяху изъ нея потребники: и бяше вкусъ ея, яко вкусъ муки пряжены съ елеемъ:
11:9 См.: 🔗Исх. 16:14	и егда схожда­ше роса на полкъ нощiю, схожда­ше ман­на нань.
11:10	И услыша Моисей плачущихся ихъ въ сонмѣхъ сво­ихъ, ко­егождо ихъ предъ сво­ими дверьми: и разгнѣвася Господь гнѣвомъ зѣло, и предъ Моисеомъ бяше зло.
11:11	И рече Моисей ко Господу: вскую озлобилъ еси раба Тво­его? И почто не обрѣтохъ благодати предъ Тобою, еже воз­ложити устремленiе людій сихъ на мя?
11:12 См.: 🔗Втор. 1:35	Еда азъ во утробѣ зачахъ вся люди сiя? Или азъ родихъ я? Яко глаголеши ми: воз­ми ихъ въ нѣдра твоя, якоже до­илица носитъ доимыя, въ землю, еюже клял­ся еси отцемъ ихъ:
11:13	от­куду мнѣ мяса дати всѣмъ людемъ симъ? Яко плачутъ на мя, глаголюще: даждь намъ мяса, да ядимъ:
11:14 См.: 🔗Втор. 1:19	не воз­могу азъ единъ водити людій сихъ, яко тяжко мнѣ есть слово сiе:
11:15 См.: 🔗Исх. 32:32	аще же тако Ты твориши мнѣ, то убій мя убiенiемъ, аще обрѣтохъ благодать предъ Тобою, да не вижу озлобленiя мо­его.
11:16 См.: 🔗Исх. 18:21 🔗Чис. 16:25	И рече Господь къ Моисею: собери Ми седмьдесятъ мужей от­ старецъ Израилевыхъ, ихже ты самъ вѣси, яко тіи суть старцы людстіи и книгочiя ихъ: и да при­­ведеши я ко скинiи свидѣнiя, и да станутъ тамо съ тобою:
11:17 См.: 🔗1Кор. 12:4 🔗Исх. 18:26	и сниду и воз­глаголю тамо съ тобою, и уйму от­ Духа, иже въ тебѣ, и воз­ложу на ня: да подъимутъ съ тобою устремленiе людій, и не будеши водити ихъ ты единъ:
11:18 См.: 🔗Исх. 19:10	и людемъ речеши: очиститеся наутрiе, и снѣсте мяса, яко плакастеся предъ Господемъ, глаголюще: кто ны напитаетъ мясы? Яко добро намъ бысть во Египтѣ: и дастъ Господь вамъ мяса ясти, и снѣсте мяса:
11:19	не единъ день ясти будете, ни два, ни пять дній, ни десять дній, ниже двадесять дній:
11:20 См.: 🔗Чис. 21:5	до месяца дній ясти будете, дондеже изыдетъ изъ ноздрiй вашихъ: и будетъ вамъ въ мерзость, яко не покористеся Господу, Иже есть въ васъ, и плакастеся предъ Нимъ, глаголюще: вскую бѣ намъ изыти изъ Египта?
11:21 См.: 🔗Чис. 20:10 🔗Мф. 14:15 🔗Ин. 6:5	И рече Моисей: шесть сотъ тысящъ пѣшихъ людій, въ нихже азъ есмь, и Ты реклъ еси: мяса имъ дамъ ясти, и будутъ ясти месяцъ дній:
11:22 См.: 🔗Мф. 15:33 🔗Мк. 8:4	еда овцы и волы заколют­ся имъ, и доволно будетъ имъ? Или вся рыбы морскія соберут­ся имъ, и доволно будетъ имъ?
11:23 См.: 🔗Ис. 50:2 🔗Ис. 59:1	И рече Господь къ Моисею: еда рука Господня не доволна будетъ? Нынѣ уразумѣеши, аще постигнетъ тя слово Мое, или ни.
11:24	И изыде Моисей и глагола людемъ словеса Господня: и собра седмьдесятъ мужей от­ старецъ людскихъ, и постави я окрестъ скинiи.
11:25 См.: 🔗Чис. 12:5 🔗1Цар. 10:6 🔗Иоил. 2:28	И сниде Господь во облацѣ и глагола къ нему: и уя от­ Духа, иже на немъ, и воз­ложи на седмьдесятъ мужей старецъ: егда же препочи Духъ на нихъ, и пророче­с­т­воваша, и ктому не при­­ложиша.
11:26	И осташася два мужа въ полцѣ: имя единому Елдадъ, и имя второму Модадъ: и препочи на нихъ Духъ. И сіи бѣша от­ вписан­ныхъ, и не прiидоша ко скинiи, и пророче­с­т­воваша въ полцѣ.
11:27	И при­­текъ юноша воз­вѣсти Моисею, и рече, глаголя: Елдадъ и Модадъ пророче­ст­вуютъ въ полцѣхъ.
11:28 См.: 🔗Чис. 13:9 🔗1Фес. 5:19	И от­вѣщавъ Иисусъ Навинъ, предстояй Моисею избран­ный ему, рече: господи мой Моисею, запрети имъ.
11:29	И рече ему Моисей: еда ревнуеши ты мнѣ? И кто дастъ всѣмъ людемъ Господнимъ [быти] пророки, егда дастъ Господь Духа Сво­его на нихъ?
11:30	И иде Моисей въ полкъ самъ и старцы Израилтестiи.
11:31 См.: 🔗Исх. 16:13 🔗Пс. 77:27 🔗Пс. 104:40 🔗Прем. 19:11	И духъ изыде от­ Господа, и изведе крастели изъ моря и наведе на полкъ день ходу от­сюду и день ходу от­онуду, окрестъ полка яко на два лактя от­ земли.
11:32	И востав­ше людiе весь день и всю нощь, и весь день наутрiе, и собраша крастели: иже мало, собра десять спудъ: и изсушиша себѣ сушаницы окрестъ полка.
11:33 См.: 🔗Пс. 77:30	И мяса бяху имъ еще въ зубѣхъ ихъ, прежде оскудѣнiя, и Господь разгнѣвася зѣло на люди, и порази Господь люди язвою великою зѣло:
11:34	и прозвася имя мѣсту тому Гробы похотѣнiя: яко тамо погребоша людій похотѣв­шихъ.
11:35 См.: 🔗Чис. 13:1 🔗Чис. 33:16	[И] воз­двигошася людiе от­ Гробовъ похотѣнiя во Асироѳъ, и быша людiе во Асироѳѣ.