Книга Иова, глава 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 19
19:1	Отвѣщавъ же иовъ, рече:
19:2	доколѣ при­­трудну творите душу мою и низлагаете мя словесы? уразумѣйте токмо, яко Господь сотвори мя сице.
19:3	Клевещете на мя, не стыдящеся мене належите ми.
19:4 См.: 🔗Рим. 14:12 🔗Гал. 6:5	Буди, яко во­истин­ну азъ прельстихся, и у мене водворяет­ся погрѣшенiе,
19:5	глаголати словеса, яже не подоба­ше, словеса же моя погрѣшаютъ, и не во время:
19:6	буди же, яко на мя величаетеся, наскакаете же ми поношенiемъ:
19:7 См.: 🔗Ос. 7:12	разумѣйте убо, яко Господь есть иже смяте мя и ограду свою на мя воз­несе.
19:8 См.: 🔗Пс. 68:4 🔗Иер. 20:8	Се, смѣюся поношенiю, не воз­глаголю: возопiю, и нигдѣже судъ.
19:9 См.: 🔗Плч. 3:7	Окрестъ огражденъ есмь и не могу прейти: предъ лицемъ мо­имъ тму положи,
19:10	славу же съ мене совлече и отъ­я вѣнецъ от­ главы мо­ея:
19:11	растерза мя окрестъ, и от­идохъ: посѣче же яко древо надежду мою.
19:12 См.: 🔗Иов. 33:10	Лютѣ же гнѣва употреби на мя и воз­мнѣ мя яко врага.
19:13 См.: 🔗Иов. 25:3	Вкупѣ же прiидоша искушенiя его на мя, на путехъ же мо­ихъ обыдоша мя навѣтницы.
19:14 См.: 🔗Пс. 30:12	Братiя моя от­ступиша от­ мене, познаша чуждихъ паче мене, и друзiе мо­и немилостиви быша:
19:15	не снабдѣша мя ближнiи мо­и, и вѣдящiи имя мое забыша мя.
19:16	Сосѣди дому и рабыни моя, [яко] иноплемен­никъ быхъ предъ ними:
19:17	раба мо­его звахъ, и не послуша, уста же моя моляхуся:
19:18 См.: 🔗Иов. 2:9	и просихъ жену мою, при­­зывахъ же лаская сыны подложницъ мо­ихъ:
19:19	они же мене въ вѣкъ от­ринуша, егда востану, на мя глаголютъ.
19:20	Гнушахуся мене видящiи мя, и ихже любихъ, восташа на мя.
19:21	Въ кожи мо­ей согниша плоти моя, кости же моя въ зубѣхъ содержат­ся.
19:22	Помилуйте мя, помилуйте мя, о, друзiе! рука бо Господня коснув­шаяся ми есть.
19:23	Почто мя гоните якоже и Господь? от­ плотей же мо­ихъ не насыщаетеся?
19:24	Кто бо далъ бы, да напишут­ся словеса моя, и положат­ся оная въ книзѣ во вѣкъ?
19:25	и на дщицѣ желѣзнѣ и оловѣ, или на каменiихъ изваяют­ся?
19:26 См.: 🔗Гал. 3:14 🔗Отк. 5:9 🔗Иез. 37:3 🔗2Мак. 7:11 🔗Ин. 11:25	Вѣмъ бо, яко при­­сносущенъ есть, иже имать искупити мя,
19:27	[и] на земли воскресити кожу мою терпящую сiя, от­ Господа бо ми сiя совершишася,
19:28 См.: 🔗Ин. 8:56 🔗Авв. 2:4	яже азъ въ себѣ свѣмъ, яже очи мо­и видѣста, а не инъ: вся же ми совершишася въ нѣдрѣ.
19:29	Аще же и речете: что речемъ противу ему? и корень словесе обрящемъ въ немъ.
19:30	Убойтеся же и вы от­ меча: ярость бо на беззакон­ныя найдетъ, и тогда увидятъ, гдѣ есть ихъ веще­с­т­во.