Вторая книга Паралипоменон (Вторая книга Хроник, Вторая Летопись), глава 26

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 26
26:1 См.: 🔗4Цар. 14:21 🔗4Цар. 15:1	И взяша вси людiе Иудины [сына его] Озію, онъ же бѣ лѣтъ шести­на­де­ся­ти, и поставнша его царемъ вмѣсто Амасіи отца его.
26:2	Той созда Елаѳъ, той воз­врати его Иудѣ по успенiи царя со отцы его.
26:3 См.: 🔗4Цар. 15:2	Шести­на­де­ся­ти лѣтъ бысть Озіа, егда цар­ст­вовати нача, и пятьдесятъ два лѣта цар­ст­вова во Иерусалимѣ. Имя же матери его Иехеліа от­ Иерусалима.
26:4 См.: 🔗4Цар. 15:3 🔗2Пар. 25:2	И сотвори правое предъ Господемъ по всѣмъ, елика сотвори Амасіа отецъ его,
26:5 См.: 🔗4Цар. 12:2	и бѣ взыская Господа во дни захарiи разумѣющаго во страсѣ Господни, и во дни его взыска Господа, и благопоспѣши ему Господь.
26:6 См.: 🔗Ам. 1:8	И изыде, и ополчися противу иноплемен­никовъ, и разори стѣны геѳски и стѣны Иавнира и стѣны азота и созда грады азотски и во иноплемен­ницѣхъ.
26:7	И укрѣпи его Господь противу иноплемен­никовъ и противу Аравовъ, иже обитаху въ каменiихъ, и противу Минеовъ.
26:8	И даша Минее дары Озіи, и прослы имя его даже до входа Египетскаго, понеже укрѣпися до высоты.
26:9	Созда же Озіа столпы во Иерусалимѣ и надъ враты угла и надъ враты юдольными и надъ углами, и укрѣпи ихъ:
26:10	и устрои столпы въ пустыни, и ископа кладязи многи, понеже имяше многи скоты на поли и въ пустыни, и дѣлатели виноградовъ на горахъ и на кармилѣ, бѣ бо мужъ любо­земледѣленъ.
26:11	Бысть же Озіи сила творящая брань, и исходящая къ ополченiю на брань, и входящая на ополченiе въ число: и бѣ число ихъ подъ рукою Иеиля писаря и маасіи судiи и подъ рукою Ананіи намѣст­ника царска.
26:12	Все число отече­ст­въ началниковъ сильныхъ на брань двѣ тысящы шесть сотъ,
26:13	и съ ними силы во­ен­ныя триста седмь тысящъ и пять сотъ: сіи творяху брань въ силѣ крѣпцѣ, помогающе царю противу супостатъ.
26:14	Уготова же имъ Озіа всей силѣ щиты и копiя, и шлемы и броня, луки же и пращы на метанiе каменiя.
26:15	И сотвори во Иерусалимѣ хитрости ухищреныя вымысломъ, еже быти имъ на столпѣхъ и на углѣхъ, да мещутъ стрѣлы и каменiя велiя: и слышано бысть устро­енiе его до далеча, понеже удивленъ бысть ищя помощи [от­ Господа], дондеже укрѣпися.
26:16 См.: 🔗4Цар. 15:6 🔗2Пар. 25:19 🔗Исх. 30:7	И егда укрѣпися, воз­несеся сердце его на пагубу [свою]: и обидѣ Господа Бога сво­его, и вниде въ церковь Господню покадити надъ олтаремъ ѳимiамовъ.
26:17 См.: 🔗1Пар. 6:10	И вниде по немъ азарiа священ­никъ и съ нимъ священ­ницы Господни осмьдесятъ, сынове сильнiи.
26:18 См.: 🔗Чис. 18:7 🔗Евр. 5:4	И сташа противно Озіи царю и рекоша ему: нѣсть твое, Озіе, да кадиши ѳимiамомъ Господеви, но токмо священ­никомъ сыномъ Ааронимъ освящен­нымъ кадити: изыди изъ святилища, яко от­ступилъ еси от­ Господа: и не вмѣнит­ся тебѣ сiе во славу от­ Господа Бога.
26:19 См.: 🔗4Цар. 5:27 🔗4Цар. 15:5	И прогнѣвася Озіа, и въ руку его кадилница еже кадити во храмѣ: и внегда разъярися онъ на жерцы Господни, и проказа взыде на чело егоже предъ священ­ники въ дому Господни, на олтари ѳимiамнѣмъ.
26:20	И обратися къ нему азарiа архiерей и священ­ницы, и се, той прокаженъ на челѣ сво­емъ, и изгнаша его от­туду, ибо и самъ тща­шеся изыти, яко обличи его Господь.
26:21 См.: 🔗4Цар. 15:5	Бысть же Озіа царь прокаженъ даже до дне смерти сво­ея и сѣдяше въ дому от­лученѣ прокаженъ, понеже от­торженъ бысть от­ дому Господню: Иоаѳамъ же сынъ его бѣ надъ цар­ст­вомъ его судя людемъ земли.
26:22	Прочая же словеса Озіи первая и послѣдняя написана у Исаiи сына Амосова пророка.
26:23 См.: 🔗4Цар. 15:7	И успе Озіа со отцы сво­ими, и погребоша его со отцы его въ поли царскихъ гробовъ, зане рѣша, яко прокаженъ бысть. И воцарися Иоаѳамъ сынъ его вмѣсто его.