Книга Премудрости Иисуса, сына Сирахова, глава 45 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 45
45:1	Возлюблен­ный Богомъ и человѣки Моисей, егоже память во благословенiихъ.
45:2	Уподобилъ есть его славѣ святыхъ и воз­величи его во страсѣ враговъ.
45:3 См.: 🔗Исх. 11:3	Во словесѣхъ его знаменiя устави и прослави его предъ лицемъ царей: заповѣда ему къ людемъ сво­имъ и показа ему славу свою:
45:4	въ вѣрѣ и кротости его освяти его, избра его от­ всякiя плоти.
45:5 См.: 🔗Исх. 19:19	Слышанъ сотворилъ есть ему гласъ свой и введе его во мглу,
45:6 См.: 🔗Исх. 19:5 🔗Исх. 31:18	и даде ему предъ лицемъ заповѣди, законъ жизни и вѣдѣнiя, еже научити Иакова завѣту и судьбамъ его Израиля.
45:7 См.: 🔗Исх. 4:27	Аарона воз­выси свята, подобна ему брата его от­ колѣна Левіина,
45:8	постави ему завѣтъ вѣченъ и даде ему иерей­ст­во людій, ублажи его благо­украшенiемъ и препояса его одеждою славы,
45:9 См.: 🔗Исх. 28:2	облече его въ совершенiе хваленiя и утверди его сосудами крѣпости,
45:10	остегнми и подиромъ и епомидою,
45:11 См.: 🔗Исх. 28:33	и окружи его шипки златыми и звонцы многими окрестъ, глашати гласъ во ступанiихъ его, слышанъ творити гласъ въ церкви въ память сыномъ людій сво­ихъ:
45:12	одеждою святою, со златомъ и иакинѳомъ и порфирою, дѣломъ пестродѣлца, словомъ суда, явленьми истины,
45:13	исткан­ною багряностiю, дѣломъ художничимъ, каменiи многоцѣн­ными, изваяньми печати, въ связанiи злата, дѣломъ камен­нодѣлателя, на память въ писанiи изваян­нѣмъ по числу колѣнъ Израилевыхъ:
45:14 См.: 🔗Исх. 28:36	вѣнецъ златъ верху кидара, изображенiе печати святыни, похвала чести, дѣло крѣпости, вожделѣнiя очесъ красима прекрасна.
45:15	Прежде его не быша таковая до вѣка.
45:16	Не облечеся иноплемен­никъ, точiю сынове его и внучата его присно.
45:17	Жертвы ихъ при­­носимы бяху по вся дни непрестан­но дважды.
45:18 См.: 🔗Лев. 8:12	Исполни Моисей руцѣ и помаза его елеемъ святымъ.
45:19 См.: 🔗Чис. 18:19 🔗Втор. 11:21	Бысть ему въ завѣтъ вѣченъ, и сѣмени его во днехъ неба, служити ему вкупѣ и священ­ствовати, и благословляти люди его именемъ его.
45:20	Избра его от­ всѣхъ живыхъ при­­нести жертву Господеви, ѳимiамъ и благо­уханiе на память, на очищенiе людемъ сво­имъ.
45:21	Даде ему заповѣди своя, власть въ завѣтѣхъ судебъ, научити Иакова свидѣниемъ и въ законѣ его просвѣтити Израиля.
45:22 См.: 🔗Чис. 16:1	Восташа нань чуждіи, и воз­ревноваша ему въ пустыни мужiе, иже при­­ даѳанѣ и Авиронѣ, и сонмъ Кореовъ въ ярости и гнѣвѣ.
45:23 См.: 🔗Чис. 16:31	Видѣ Господь и не благоволи, и скончашася яростiю гнѣва:
45:24 См.: 🔗Чис. 16:35	сотвори въ нихъ знаменiя, погубити я огнемъ пламене.
45:25	И при­­ложи Ааронови славу и даде ему наслѣдiе: начатки первыхъ житъ раздѣли ему.
45:26	Хлѣбъ въ первыхъ уготова на сытость: ибо жертвы Господни ясти будутъ, яже даде ему и сѣмени его.
45:27 См.: 🔗Чис. 18:20	Обаче въ земли людій не наслѣд­ст­витъ, и въ людехъ не будетъ ему части: самъ бо часть его и наслѣдiе.
45:28 См.: 🔗Чис. 25:7	И Финеесъ сынъ Елеазаровъ третiй во славѣ, егда ревнова­ше страху Господню, и ста въ превращенiи людій благостiю усердiя души сво­ея, и умоли о Израили.
45:29 См.: 🔗Чис. 25:12 🔗1Мак. 2:54	Сего ради поставленъ ему бысть завѣтъ миренъ, предстателемъ быти святыхъ и людемъ его, да будетъ ему и сѣмени его священ­ства величе­с­т­во во вѣкъ.
45:30 См.: 🔗Пс. 88:5	И завѣтъ давиду, сыну Иессеову от­ колѣна Иудова, наслѣд­ст­во царя сына от­ сына единаго: достоянiе священ­ства Аарону и сѣмени его.
45:31	Да дастъ намъ премудрость въ сердцахъ нашихъ судити людемъ его въ правду, да не потребят­ся благая ихъ и слава ихъ въ роды ихъ.