Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 107 | |
107:1 | Пѣснь, псаломъ Давиду. |
107:2 См.: 🔗Пс. 56:8 | Готово сердце мое, Боже, готово сердце мое: воспою и пою во славѣ моей. |
107:3 | Востани, слава моя, востани, псалтирю и гусли: востану рано. |
107:4 | Исповѣмся Тебѣ въ людехъ, Господи, пою Тебѣ во языцѣхъ: |
107:5 См.: 🔗Пс. 35:6 | яко велiя верху небесъ милость Твоя и до облакъ истина Твоя. |
107:6 См.: 🔗Пс. 56:6 | Вознесися на небеса, Боже, и по всей земли слава Твоя, |
107:7 См.: 🔗Пс. 59:7 | яко да избавятся возлюбленнiи Твои: спаси десницею Твоею и услыши мя. |
107:8 См.: 🔗Пс. 59:8 | Богъ возглагола во святѣмъ Своемъ: вознесуся и раздѣлю Сикиму, и удоль Селенiй размѣрю. |
107:9 См.: 🔗Пс. 59:9 | Мой есть Галаадъ, и Мой есть Манассій, и Ефремъ заступленiе главы Моея: Иуда царь Мой, |
107:10 | Моавъ конобъ упованiя Моего: на Идумею наложу сапогъ Мой: Мнѣ иноплеменницы покоришася. |
107:11 См.: 🔗Пс. 59:11 | Кто введетъ мя во градъ огражденiя? Или кто наставитъ мя до Идумеи? |
107:12 См.: 🔗Пс. 59:12 | Не Ты ли, Боже, отринувый насъ, и не изыдеши, Боже, въ силахъ нашихъ? |
107:13 | Даждь намъ помощь от скорби: и суетно спасенiе человѣческо. |
107:14 См.: 🔗Пс. 59:14 | О Бозѣ сотворимъ силу, и Той уничижитъ враги нашя. |