Послание апостола Павла к Титу, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Тит. 1:9	Ты же глаголи, яже подобаетъ здравому ученiю:
2:2	старцемъ трезвен­нымъ быти, честнымъ, цѣломудрен­нымъ, здрав­ст­ву­ю­щымъ вѣрою, любо­вiю, терпѣнiемъ:
2:3 См.: 🔗1Тим. 2:9	старицамъ такожде во украшенiи столѣпнымъ, не клеветивымъ, не вину многу порабощен­нымъ, добро­учителнымъ,
2:4	да уцѣломудрятъ юныя, мужелюбицамъ быти, чадолюбицамъ,
2:5 См.: 🔗Быт. 3:16 🔗Еф. 5:22	цѣломудрен­нымъ, чистымъ, домы добрѣ правящымъ, благимъ, покаряющымся сво­имъ мужемъ, да не слово Божiе хулит­ся:
2:6	юношы такожде моли цѣломудр­ст­вовати.
2:7 См.: 🔗1Пет. 5:3 🔗1Тим. 4:12	О всемъ [же] самъ себе подавая образъ добрыхъ дѣлъ, во ученiи независтно­е {цѣлость}, честность, нетлѣнiе,
2:8 См.: 🔗1Пет. 2:12	слово здравое, незазорное, да противный посрамит­ся, ничтоже имѣя глаголати о насъ укорно.
2:9 См.: 🔗1Пет. 2:18 🔗Еф. 6:5 🔗Кол. 3:22	Рабы, сво­имъ господемъ повиноватися, во всемъ благо­угоднымъ быти, не прекословнымъ,
2:10	не крадущымъ, но вѣру всяку являющымъ благу, да ученiе Спасителя на­шего Бога украшаютъ во всемъ.
2:11 См.: 🔗Лк. 1:47 🔗Лк. 2:30 🔗Лк. 3:6 🔗Тит. 3:4	[Зач. 302А.] Явися бо благодать Божiя спасителная всѣмъ человѣкомъ,
2:12 См.: 🔗1Ин. 2:15 🔗Еф. 1:4	наказующи насъ, да от­вергшеся нечестiя и мiрскихъ похотей, цѣломудрен­но и праведно и благо­честно поживемъ въ нынѣшнемъ вѣцѣ,
2:13 См.: 🔗Деян. 24:25 🔗1Ин. 3:2	ждуще блажен­наго упованiя и явленiя славы великаго Бога и Спаса на­шего Иисуса Христа,
2:14 См.: 🔗Исх. 19:6 🔗Гал. 1:4 🔗Еф. 2:10 🔗Евр. 9:14	Иже далъ есть Себе за ны, да избавитъ ны от­ всякаго беззаконiя и очиститъ Себѣ люди избран­ны, ревнители добрымъ дѣломъ.
2:15	Сiя глаголи, и моли, и обличай со всякимъ повелѣнiемъ, да никтоже тя преобидитъ {презираетъ}.