Книга Судей Израилевых, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1 См.: 🔗Суд. 3:12 🔗Чис. 25:17	И сотвориша сынове Израилевы злое предъ Господемъ, и предаде ихъ Господь въ руку Мадiамлю седмь лѣтъ.
6:2 См.: 🔗2Цар. 17:9	И укрѣпися рука Мадiамля на Израиля: и сотвориша себѣ сынове Израилевы от­ лица Мадiамля ограды въ горахъ и въ пещерахъ и въ твердынехъ.
6:3 См.: 🔗Втор. 28:33 🔗Суд. 8:11	И бысть егда сѣяше мужъ Израилевъ, и восхожда­ше Мадiамъ и Амаликъ и сынове восточнiи, и восхождаху на него,
6:4	и ополчахуся на нихъ, и разоряху плоды земныя, дондеже внити въ Газу: и не оставляху бытiя жизнен­наго во Израили, и стадъ и телца и осла:
6:5 См.: 🔗Суд. 7:12	яко сами и скоти ихъ восхождаху, и кущы ихъ преношаху, и при­­хождаху яко прузи множе­с­т­вомъ, и самѣмъ и велблюдомъ ихъ не бяше числа: и при­­хождаху на землю Израилеву разорити ю.
6:6	И обнища Израиль зѣло от­ лица Мадiамля.
6:7 См.: 🔗Суд. 3:9	И возопиша сынове Израилевы ко Господу: и бысть егда возопиша сынове Израилевы ко Господу Мадiама ради,
6:8	и посла Господь мужа пророка къ сыномъ Израилевымъ, и рече имъ: сiя глаголетъ Господь Богъ Израилевъ: азъ есмь изведый васъ изъ Египта, и изведохъ васъ изъ дому работы:
6:9	и избавихъ васъ от­ руки Египетскiя и от­ руки всѣхъ стужающихъ вамъ: и изгнахъ я от­ лица ва­шего, и дахъ вамъ землю ихъ,
6:10 См.: 🔗4Цар. 17:35	и рекохъ вамъ: азъ есмь Господь Богъ вашъ, не убойтеся боговъ Аморрейскихъ, въ нихже вы живете въ земли ихъ: и не послушасте гласа мо­его.
6:11 См.: 🔗Суд. 2:1 🔗Суд. 5:23 🔗1Цар. 12:11	И прiиде ангелъ Господень, и сѣде подъ дубомъ, иже есть во Ефраѳѣ, иже бысть Иоаса отца езри. И гедеонъ сынъ его млача­ше пшеницу на гумнѣ его, бѣжати от­ лица Мадiамля.
6:12 См.: 🔗Руф. 2:4 🔗Лк. 1:28	И явися ему ангелъ Господень и рече къ нему: Господь съ тобою, сильный крѣпостiю.
6:13 См.: 🔗Пс. 12:2	И рече къ нему гедеонъ: во мнѣ, Господи мой: и аще есть Господь съ нами, и вскую обрѣтоша ны вся злая сiя? и гдѣ суть вся чудеса его, елика повѣдаша намъ отцы наши, глаголюще: не изъ Египта ли изведе насъ Господь? и нынѣ от­верже насъ Господь и предаде насъ въ руку Мадiамлю.
6:14 См.: 🔗1Цар. 12:11	И воз­зрѣ на него ангелъ Господень и рече ему: иди въ крѣпости тво­ей сей, и спасеши Израиля от­ руки Мадiамли: и се, послахъ тя.
6:15 См.: 🔗Исх. 4:10 🔗1Цар. 9:21	И рече къ нему гедеонъ: во мнѣ, Господи, въ чесомъ спасу Израиля? се, тысяща моя хуждша въ Манассіи, и азъ есмь мній въ дому отца мо­его.
6:16 См.: 🔗Исх. 3:12 🔗Чис. 14:15	И рече къ нему Господь: понеже азъ буду съ тобою, и избiеши Мадiама яко мужа единаго.
6:17 См.: 🔗Лк. 2:12	И рече къ нему гедеонъ: и аще обрѣтохъ благодать предъ очима тво­има, и да сотвориши мнѣ днесь знаменiе, яко ты глаголеши со мною:
6:18 См.: 🔗Суд. 13:15	не от­иди от­сюду, дондеже прiити мнѣ къ тебѣ, и при­­несу жертву мою, и пожру предъ тобою. И рече: азъ есмь, премедлю, дондеже обратишися ты.
6:19	И гедеонъ вниде, и сотвори козлище от­ козъ, и четверть ифи муки опрѣсноковъ, и мяса вложи въ кошницу, и юху влiя въ горнецъ: и изнесе къ нему подъ дубъ, и поклонися.
6:20	И рече къ нему ангелъ Господень: воз­ми мяса и хлѣбы прѣсныя, и положи у камене онаго, и юху близъ излій. И сотвори тако.
6:21 См.: 🔗Лев. 9:24	И простре ангелъ Господень конецъ жезла, иже въ руцѣ его, и при­­коснуся мясомъ и хлѣбомъ прѣснымъ: и воз­горѣся огнь изъ камене, и пояде мяса и опрѣсноки: и ангелъ Господень отъиде от­ очей его.
6:22 См.: 🔗Быт. 16:13 🔗Исх. 19:21	И видѣ гедеонъ, яко ангелъ есть Господень, и рече гедеонъ: увы мнѣ, Господи, Господи, яко видѣхъ ангела Господня лицемъ къ лицу.
6:23 См.: 🔗Суд. 19:20 🔗1Цар. 25:6	И рече ему Господь: миръ тебѣ, не бойся, не умреши.
6:24 См.: 🔗Быт. 22:14 🔗Исх. 17:15 🔗Ис. 9:6	И созда тамо гедеонъ жертвен­никъ Господу, и назва его миръ Господень, даже до дне сего, еще сущу ему во Ефраѳѣ отца езри.
6:25 См.: 🔗Втор. 7:5	И бысть въ ту нощь, и рече ему Господь: воз­ми телца упитан­наго [от­ скотовъ] отца тво­его, и телца втораго седми лѣтъ, и разориши олтарь Вааловъ, иже есть отца тво­его, и дубраву, яже у него, да посѣчеши:
6:26	и да соградиши олтарь Господеви Богу тво­ему явив­шемуся тебѣ на верху [горы] маози во предчинiи: и да поймеши телца втораго и воз­несеши всесожженiя на древѣхъ дубравы, юже посѣчеши.
6:27	И поя гедеонъ десять мужей от­ рабовъ сво­ихъ, и сотвори, якоже заповѣда ему Господь. И бысть яко убояся дому отца сво­его и мужей града, еже сотворити во дни, и сотвори нощiю.
6:28	И обутреневаша мужiе градстiи заутра: и се, раскопанъ олтарь Вааловъ, и дубрава яже у него посѣчена, и видѣша телца втораго воз­несена на всесожженiе на олтарь новосогражден­ный.
6:29 См.: 🔗Суд. 15:6	И рече мужъ къ ближнему сво­ему: кто сотвори вещь сiю? И вопрошаху и искаху, и познаша, яко гедеонъ сынъ Иоасовъ сотвори вещь сiю.
6:30	И рекоша мужiе градстiи ко Иоасу: изведи сына тво­его, и да умретъ, яко раскопа олтарь Вааловъ и яко посѣче дубраву яже надъ нимъ.
6:31 См.: 🔗3Цар. 18:21	И рече Иоасъ къ мужемъ востав­шымъ на него: еда вы нынѣ судъ глаголете о Ваалѣ? или вы его спасете? иже аще кто сотвори обиду, да умретъ до заутрiя: аще Богъ есть, да мститъ себѣ, яко раскопа олтарь его.
6:32 См.: 🔗Суд. 7:1 🔗1Цар. 12:11 🔗2Цар. 11:21	И прозва его въ той день иеровааломъ, глаголя: да от­мститъ на немъ Ваалъ, яко раскопа олтарь его.
6:33 См.: 🔗Ос. 1:5	И весь Мадiамъ и Амаликъ и сынове востоковъ снидошася вкупѣ, и преидоша [рѣку], и ополчишася въ долинѣ Иезраель.
6:34 См.: 🔗Суд. 11:29 🔗1Цар. 16:13	И Духъ Божiй укрѣпи гедеона, и воструби рогомъ, и возопи Авiезеръ вслѣдъ его.
6:35	И посла послы ко всему Манассію, и созвася и сей вслѣдъ его. Посемъ посла послы во Асиръ и въ Завулонъ и въ Нефѳалимъ, и взыдоша во срѣтенiе имъ.
6:36	И рече гедеонъ къ Богу: аще ты спасаеши рукою мо­ею Израиля, якоже глаголалъ еси,
6:37 См.: 🔗Пс. 71:6	се, азъ положу руно овчее на гумнѣ: и аще будетъ роса на рунѣ точiю, и по всей земли суша, уразумѣю, яко спасеши рукою мо­ею Израиля, якоже глаголалъ еси.
6:38	И бысть тако: и урани гедеонъ наутрiе, и исцѣди руно, и истече роса изъ руна, исполненъ окринъ воды.
6:39 См.: 🔗Быт. 18:32	И рече гедеонъ къ Богу: да не разгнѣвает­ся ярость твоя на мя, и воз­глаголю еще единою, и искушу еще единою руномъ: да будетъ суша на рунѣ токмо, и по всей земли да будетъ роса.
6:40	И сотвори Богъ тако въ нощи той: и бысть суша на рунѣ токмо, и по всей земли бысть роса.