Евангелие от Луки, глава 12

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 12
12:1 См.: 🔗Мф. 16:6 🔗Мк. 8:15	О нихже {между тѣмъ} собрав­шымся тмамъ народа, яко попирати другъ друга, начатъ глаголати ученикомъ Сво­имъ первѣе: внемлите себѣ от­ кваса фарисейска, еже есть лицемѣрiе.
12:2 См.: 🔗Мф. 10:26 🔗Мк. 4:22 🔗Лк. 8:17	[Зач. 63.] Ничтоже бо покровено есть, еже не от­крыет­ся, и тайно, еже не уразумѣет­ся:
12:3	зане, елика во тмѣ рѣсте, во свѣтѣ услышат­ся: и еже ко уху глаголасте во храмѣхъ, проповѣст­ся на кровѣхъ.
12:4 См.: 🔗Ис. 8:12 🔗Ис. 51:7 🔗Иер. 1:8 🔗Мф. 10:28	Глаголю же вамъ другомъ Сво­имъ: не убойтеся от­ убивающихъ тѣло и потомъ не могущихъ лишше что сотворити:
12:5	сказую же вамъ, кого убойтеся: убойтеся имущаго власть по убiенiи воврещи въ дебрь огнен­ную: ей, глаголю вамъ, того убойтеся.
12:6 См.: 🔗Мф. 10:29	Не пять ли птицъ цѣнит­ся пѣнязема двѣма, и ни едина от­ нихъ нѣсть забвена предъ Богомъ.
12:7 См.: 🔗Лк. 21:18	Но и власи главы ва­шея вси изочтени суть. Не убойтеся убо: мнозѣхъ птицъ унши есте вы.
12:8 См.: 🔗Мф. 10:32	[Зач. 64.] Глаголю же вамъ: всякъ, иже аще исповѣсть Мя предъ человѣки, и Сынъ Человѣческiй исповѣсть его предъ Ангелы Божiими:
12:9 См.: 🔗Мк. 8:38 🔗Лк. 9:26 🔗2Тим. 2:12	а от­вергійся Мене предъ человѣки, от­верженъ будетъ предъ Ангелы Божiими.
12:10 См.: 🔗Мф. 12:31 🔗Мк. 3:28 🔗1Ин. 5:16	И всякъ иже речетъ слово на Сына Человѣческаго, оставит­ся ему: а на Святаго Духа хулив­шему не оставит­ся.
12:11 См.: 🔗Мф. 10:19 🔗Мк. 13:11	Егда же при­­ведутъ вы на соборища и власти и владыче­ст­ва, не пецытеся, како или что от­вѣщаете, или что речете:
12:12	Святый бо Духъ научитъ вы въ той часъ, яже подобаетъ рещи.
12:13	[Зач. 65.] Рече же Ему нѣкiй от­ народа: Учителю, рцы брату мо­ему раздѣлити со мною достоянiе.
12:14	Онъ же рече ему: человѣче, кто Мя постави судiю или дѣлителя надъ вами?
12:15 См.: 🔗Мк. 4:19 🔗1Тим. 6:9	Рече же къ нимъ: блюдите и хранитеся от­ лихо­им­ст­ва: яко не от­ избытка {внегда избыточе­с­т­вовати} кому животъ его есть от­ имѣнiя его.
12:16	[Зач. 66.] Рече же притчу къ нимъ, глаголя: человѣку нѣко­ему богату угобзися нива:
12:17	и мысляше въ себѣ, глаголя: что сотворю, яко не имамъ гдѣ собрати плодовъ мо­ихъ?
12:18	И рече: се сотворю: разорю житницы моя, и болшыя созижду, и соберу ту вся жита моя и благая моя:
12:19 См.: 🔗Сир. 11:17 🔗1Кор. 15:32	и реку души мо­ей: душе, имаши многа блага, лежаща на лѣта многа: почивай, яждь, пій, веселися.
12:20 См.: 🔗Иов. 20:22 🔗Пс. 38:7 🔗Иер. 17:11	Рече же ему Богъ: безумне, въ сiю нощь душу твою истяжутъ от­ тебе: а яже уготовалъ еси, кому будутъ?
12:21 См.: 🔗Мф. 6:20 🔗1Тим. 6:19	Тако собираяй себѣ, а не въ Бога богатѣя.
12:22 См.: 🔗Пс. 54:23 🔗Мф. 6:25 🔗1Пет. 5:7	Рече же ко ученикомъ Сво­имъ: сего ради глаголю вамъ: не пецытеся душею ва­шею, что ясте: ни тѣломъ, во что облечетеся:
12:23	душа болши есть пищи, и тѣло одежды.
12:24 См.: 🔗Пс. 103:27	Смотрите вранъ, яко не сѣютъ, ни жнутъ: имже нѣсть сокровища, ни житницы, и Богъ питаетъ ихъ: кольми паче вы есте лучши птицъ?
12:25	Кто же от­ васъ пекійся можетъ при­­ложити возрасту сво­ему лакоть единъ?
12:26	Аще убо ни мала чесо можете, что о прочихъ печетеся?
12:27	Смотрите крины, како растутъ: не труждают­ся, ни прядутъ: глаголю же вамъ, яко ни соломонъ во всей славѣ сво­ей облечеся, яко единъ от­ сихъ.
12:28	Аще же траву, на селѣ днесь сущу и утрѣ въ пещь вмещему, Богъ тако одѣваетъ: кольми паче васъ, маловѣри?
12:29	И вы не ищите, что ясте, или что пiете: и не воз­носитеся:
12:30	всѣхъ бо сихъ языцы мiра сего ищутъ: вашъ же Отецъ вѣсть, яко требуете сихъ.
12:31 См.: 🔗Мф. 6:33 🔗Мк. 10:30	Обаче ищите Цар­ст­вiя Божiя, и сiя вся при­­ложат­ся вамъ.
12:32	[Зач. 67.] Не бойся, малое стадо: яко благо­изволи Отецъ вашъ дати вамъ Цар­ст­во.
12:33 См.: 🔗Мф. 6:20	Продадите имѣнiя ваша и дадите милостыню. Сотворите себѣ влагалища неветшающа, сокровище неоскудѣемо на небесѣхъ, идѣже тать не при­­ближает­ся, ни моль растлѣваетъ.
12:34	Идѣже бо сокровище ва­ше, ту и сердце ва­ше будетъ.
12:35 См.: 🔗1Пет. 1:13 🔗Еф. 3:16	Да будутъ чресла ваша препоясана, и свѣтилницы горящiи:
12:36	и вы подобни человѣкомъ чающымъ господа сво­его, когда воз­вратит­ся от­ брака, да при­­шедшу и толкнув­шу, абiе от­верзутъ ему.
12:37	Блажени раби тіи, ихже при­­шедъ господь обрящетъ бдящихъ: аминь глаголю вамъ, яко препояшет­ся и посадитъ ихъ, и минувъ {приступивъ} послужитъ имъ.
12:38	И аще прiидетъ во вторую стражу, и въ третiю стражу прiидетъ, и обрящетъ [ихъ] тако, блажени суть раби тіи.
12:39 См.: 🔗Мф. 24:43 🔗2Пет. 3:10 🔗1Фес. 5:2 🔗Отк. 16:15	Се же вѣдите, яко аще бы вѣдалъ господинъ храмины, въ кій часъ тать прiидетъ, бдѣлъ убо бы, и не бы далъ подкопати дому сво­его.
12:40	И вы убо будите готови: яко, въ онъ же часъ не мните, Сынъ Человѣческiй прiидетъ.
12:41	Рече же Ему Петръ: Господи, къ намъ ли притчу сiю глаголеши, или ко всѣмъ?
12:42 См.: 🔗Мф. 24:45	Рече же Господь: [Зач. 68.] кто убо есть вѣрный стро­итель и мудрый, егоже поставитъ господь надъ челядiю сво­ею, даяти во время житомѣрiе?
12:43	Блаженъ рабъ той, егоже при­­шедъ господь его обрящетъ творяща тако:
12:44	во­истин­ну глаголю вамъ, яко надъ всѣмъ имѣнiемъ сво­имъ поставитъ его.
12:45	Аще же речетъ рабъ той въ сердцы сво­емъ: коснитъ господинъ мой прiити: и начнетъ бити рабы и рабыни, ясти же и пити и упиватися:
12:46	прiидетъ господинъ раба того въ день, въ онъ же не чаетъ, и въ часъ, въ онъ же не вѣсть: и растешетъ его, и часть его съ невѣрными положитъ.
12:47 См.: 🔗Ин. 15:22	Той же рабъ вѣдѣвый волю господина сво­его, и не уготовавъ, ни сотворивъ по воли его, бiенъ будетъ много:
12:48	невѣдѣвый же, сотворивъ же достойная ранамъ, бiенъ будетъ мало. [Зач. 69.] Всякому же, емуже дано будетъ много, много взыщет­ся от­ него: и емуже предаша множайше, множайше просятъ {истяжутъ} от­ него.
12:49	Огня прiидохъ воврещи на землю, и что хощу, аще уже воз­горѣся?
12:50 См.: 🔗Мф. 20:22	Крещенiемъ же имамъ креститися, и како удержуся, дондеже скончают­ся?
12:51 См.: 🔗Мф. 10:34	Мните ли, яко миръ прiидохъ дати на землю? Ни, глаголю вамъ, но раздѣленiе.
12:52	Будутъ бо от­селѣ пять во единомъ дому раздѣлени, трiе на два, и два на три:
12:53 См.: 🔗Мих. 7:6	раздѣлит­ся отецъ на сына, и сынъ на отца: мати на дщерь, и дщи на матерь: свекры на невѣсту свою, и невѣста на свекровь свою.
12:54 См.: 🔗Мф. 16:2	Глаголаше же и народомъ: егда узрите облакъ восходящь от­ запада, абiе глаголете: туча грядетъ: и бываетъ тако.
12:55	И егда югъ вѣющь, глаголете: зной будетъ: и бываетъ.
12:56	Лицемѣри, лице небу и земли вѣсте искушати: времене же сего како не искушаете?
12:57	Что же и о себѣ не судите праведно­е?
12:58 См.: 🔗Мф. 5:25	Егда бо грядеши съ соперникомъ тво­имъ ко князю, на пути даждь дѣланiе {потщися} избыти от­ него: да не како при­­влечетъ тебе къ судiи, и судiя тя предастъ слузѣ, и слуга всадитъ тя въ темницу:
12:59	глаголю тебѣ: не изыдеши от­туду, дондеже и послѣднюю мѣдницу воз­даси.