Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 15 | |
15:1 | И видѣхъ ино знаменiе на небеси велiе и чудно, седмь Ангелъ имущихъ седмь язвъ послѣднихъ, зане въ тѣхъ скончается ярость Божiя. |
15:2 См.: 🔗Отк. 4:6 | И видѣхъ яко море сткляно смѣшено со огнемъ, и побѣдившыя звѣря и образъ его, и начертанiе его и число имене его, стоящыя на мори стклянѣмъ, имущыя гусли Божiя: |
15:3 | и пояху пѣснь Моисеа раба Божiя и пѣснь Агнчу, глаголюще: велiя и дивна дѣла Твоя, Господи Боже Вседержителю: праведни и истинни путiе Твои, Царю святыхъ: |
15:4 См.: 🔗Иер. 10:7 | кто не убоится Тебе, Господи, и прославитъ имя Твое? Яко единъ преподобенъ еси, яко вси языцы прiидутъ и поклонятся предъ Тобою: яко оправданiя Твоя явишася. |
15:5 | И по сихъ видѣхъ, и се, отверзеся храмъ скинiи свидѣнiя на небеси: |
15:6 | и изыдоша седмь Ангелъ изъ храма, иже имѣяху седмь язвъ, облечени въ ризы льняны чисты и свѣтлы, и препоясани на персехъ поясы златыми. |
15:7 | И едино от четырехъ животныхъ даде седмимъ Ангеломъ седмь фiалъ златыхъ, исполненыхъ ярости Бога живущаго во вѣки вѣковъ. |
15:8 См.: 🔗Ис. 6:4 | И наполнися храмъ дыма от славы Божiя и от силы Его, и никтоже можаше внити во храмъ, дондеже скончаются седмь язвъ седмихъ Ангелъ. |