Книга Премудрости Иисуса, сына Сирахова, глава 10 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1 См.: 🔗Прит. 20:8	Премудръ судiя наказуетъ люди своя, и владыче­с­т­во разумиваго благо­чин­но будетъ.
10:2 См.: 🔗3Цар. 12:14 🔗Прит. 29:12	Якоже судiя людій сво­ихъ, тако и слузи его, и якоже владыка града, тако и вси живущiи въ немъ.
10:3 См.: 🔗3Цар. 12:11	Царь ненаказаный погубитъ люди своя: и градъ населит­ся премудростiю сильныхъ.
10:4 См.: 🔗Пс. 126:1 🔗Прем. 6:4	Въ руцѣ Господни власть земли, и потребнаго воз­двигнетъ во время на ней.
10:5	Въ руцѣ Господни благое ше­ст­вiе мужа, и на лицы книжника воз­ложитъ славу свою.
10:6 См.: 🔗Лев. 19:17	Во всяцѣй неправдѣ не держи гнѣва на искрен­няго и не твори ни ко­его въ дѣлѣхъ досажденiя.
10:7 См.: 🔗1Пет. 5:5	Возненавидѣна предъ Богомъ и человѣки гордыня и от­ обо­ихъ сотворитъ неправедная.
10:8 См.: 🔗Прем. 6:1 🔗Дан. 4:14 🔗Сир. 11:5	Цар­ст­во от­ языка въ языкъ преводит­ся, ради неправды и досажденiя и имѣнiй льстивыхъ.
10:9 См.: 🔗Иов. 13:28 🔗Сир. 40:2	Почто гордит­ся земля и пепелъ?
10:10	Яко въ животѣ извергохъ утробу его.
10:11	Долгую болѣзнь от­сѣцаетъ врачь:
10:12	и царь днесь, а утро умретъ.
10:13 См.: 🔗Иов. 17:14 🔗Ис. 14:11	Ибо егда умретъ человѣкъ, наслѣдитъ гады и звѣри и червiе.
10:14 См.: 🔗Быт. 3:5	Начало гордыни человѣку от­ступленiе от­ Господа, и егда от­ сотворшаго и от­вращает­ся сердце его:
10:15 См.: 🔗Есф. 5:14	яко начало грѣха гордыня, и держай ю изрыгнетъ скверну.
10:16 См.: 🔗1Пет. 5:5	Сего ради обезслави Господь въ наведенiихъ золъ и низврати ихъ до конца:
10:17 См.: 🔗1Цар. 2:8	престолы князей низложи Господь и посади кроткiя вмѣсто ихъ,
10:18	коренiя языковъ гордыхъ исторже Господь и насади смирен­ныя вмѣсто ихъ,
10:19 См.: 🔗Быт. 19:24	страны языковъ низврати Господь и погуби ихъ до основанiя земли,
10:20	изсуши от­ нихъ и погуби ихъ и потреби от­ земли память ихъ.
10:21	Не создана бысть человѣкомъ гордыня, ни гнѣвъ ярости рождениемъ женъ.
10:22	Сѣмя честное ко­е? сѣмя человѣческое. сѣмя честное ко­е? боящiися Господа.
10:23	Сѣмя безчестное ко­е? сѣмя человѣческое. сѣмя безчестное ко­е? преступающiи заповѣди.
10:24 См.: 🔗1Пет. 2:17	Посредѣ братiи старѣйшина ихъ честенъ, и боящiися Господа предъ очима его.
10:25 См.: 🔗Иер. 9:23	Богатъ и славенъ и нищь, похвала ихъ страхъ Господень.
10:26 См.: 🔗Иак. 2:5	Неправедно есть укоряти нища разумива, и не подобаетъ славити мужа грѣшника.
10:27 См.: 🔗Иудиф. 16:19	Вельможа и судiя и сильный славни будутъ, и нѣсть от­ нихъ ни единъ вящшiй боящагося Господа.
10:28 См.: 🔗Прит. 17:2	Рабу разумиву свободнiи послужатъ, и мужъ хитръ не поропщетъ наказуемь.
10:29	Не мудрися творити дѣла сво­его, и не слави себе во время туги тво­ея.
10:30 См.: 🔗Прит. 12:9 🔗Прит. 28:19	Лучше дѣлаяй и изобилуяй во всемъ, неже славяйся и лишаяйся хлѣба.
10:31 См.: 🔗Иак. 1:2	Чадо, кротостiю прослави душу твою и даждь ей честь по достоин­ству ея.
10:32	Согрѣшающаго на душу свою кто оправдитъ? и кто прославитъ безче­ст­ву­ю­ща животъ свой?
10:33 См.: 🔗Сир. 13:28	Нищiй славимь есть вѣже­ст­ва ради сво­его, и богатый славимь есть богат­ст­ва ради сво­его.
10:34 См.: 🔗Еккл. 7:12	Прославляемый же въ нищетѣ, а въ богат­ст­вѣ кольми паче? безславный же въ богат­ст­вѣ, а въ нищетѣ кольми паче?