Псалтирь, псалом 103

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 103
103:1	Псаломъ Давиду, о мiрстѣмъ бытiи.
103:2 См.: 🔗Пс. 102:1	Благослови, душе моя, Господа. Господи Боже мой, воз­величил­ся еси зѣло: во исповѣданiе и въ велелѣпоту облекл­ся еси:
103:3 См.: 🔗Быт. 1:3	одѣяйся свѣтомъ яко ризою, простираяй небо яко кожу:
103:4 См.: 🔗Быт. 1:7	покрываяй водами превыспрен­няя Своя, полагаяй облаки на восхожденiе Свое, ходяй на крилу вѣтреню:
103:5 См.: 🔗Евр. 1:7	творяй ангелы Своя духи, и слуги Своя пламень огнен­ный:
103:6	основаяй землю на тверди ея: не преклонит­ся въ вѣкъ вѣка.
103:7	Бездна яко риза одѣянiе ея, на горахъ станутъ воды:
103:8 См.: 🔗Иов. 37:5	от­ запрещенiя Тво­его побѣгнутъ, от­ гласа грома Тво­его убоят­ся.
103:9	Восходятъ горы, и низходятъ поля, въ мѣсто еже основалъ еси имъ.
103:10 См.: 🔗Иов. 38:10	Предѣлъ положилъ еси, егоже не прейдутъ, ниже обратят­ся покрыти землю.
103:11 См.: 🔗Пс. 73:15 🔗Втор. 11:11 🔗Иов. 5:10	Посылаяй источники въ дебрехъ, посредѣ горъ пройдутъ воды.
103:12	Напаяютъ вся звѣри селныя, ждутъ {воспрiимутъ} онагри въ жажду свою.
103:13	На тыхъ птицы небесныя при­­витаютъ: от­ среды каменiя дадятъ гласъ.
103:14	Напаяяй горы от­ превыспрен­нихъ Сво­ихъ: от­ плода дѣлъ Тво­ихъ насытит­ся земля.
103:15 См.: 🔗Пс. 146:8	Прозябаяй траву скотомъ, и злакъ на службу человѣкомъ, извести хлѣбъ от­ земли:
103:16 См.: 🔗Суд. 9:13 🔗Сир. 40:20	и вино веселитъ сердце человѣка, умастити лице елеемъ: и хлѣбъ сердце человѣка укрѣпитъ.
103:17	Насытят­ся древа поль­ская, кедри Ливанстiи, ихже еси насадилъ:
103:18	тамо птицы вогнѣздят­ся, еродіево жилище предводител­ст­вуетъ ими.
103:19	Горы высокiя еленемъ, камень при­­бѣжище заяцемъ.
103:20	Сотворилъ есть луну во времена: солнце позна западъ свой.
103:21 См.: 🔗Быт. 1:16	Положилъ еси тму, и бысть нощь, въ нейже пройдутъ вси звѣрiе дубравнiи,
103:22 См.: 🔗Пс. 146:9 🔗Ис. 31:4	скимни рыкающiи восхитити и взыскати от­ Бога пищу себѣ.
103:23 См.: 🔗Иов. 37:8	Возсiя солнце, и собрашася, и въ ложахъ сво­ихъ лягутъ.
103:24	Изыдетъ человѣкъ на дѣло свое и на дѣланiе свое до вечера.
103:25 См.: 🔗Пс. 32:5 🔗Пс. 91:6	Яко воз­величишася дѣла Твоя, Господи: вся премудростiю сотворилъ еси: исполнися земля твари Тво­ея.
103:26 См.: 🔗Сир. 43:27	Сiе море великое и простран­но­е: тамо гади, ихже нѣсть числа, животная малая съ великими:
103:27 См.: 🔗Иов. 40:20	тамо корабли преплаваютъ, змій сей, егоже создалъ еси ругатися ему.
103:28 См.: 🔗Пс. 144:15	Вся къ Тебѣ чаютъ, дати пищу имъ во благо время.
103:29 См.: 🔗Прит. 6:8	Дав­шу Тебѣ имъ, соберутъ: от­верзшу Тебѣ руку, всяческая исполнят­ся благости:
103:30 См.: 🔗Иов. 12:10 🔗Дан. 5:23	от­вращшу же Тебѣ лице, воз­мятут­ся: отъ­имеши духъ ихъ, и изчезнутъ и въ персть свою воз­вратят­ся:
103:31 См.: 🔗Иов. 33:4	послеши духа Тво­его, и созиждут­ся, и обновиши лице земли.
103:32	Буди слава Господня во вѣки: воз­веселит­ся Господь о дѣлѣхъ Сво­ихъ:
103:33 См.: 🔗Пс. 143:5	при­­зираяй на землю и творяй ю трястися: при­­касаяйся горамъ, и дымят­ся.
103:34 См.: 🔗Пс. 33:2	Воспою Господеви въ животѣ мо­емъ, пою Богу мо­ему, дондеже есмь:
103:35	да усладит­ся Ему бесѣда моя, азъ же воз­веселюся о Господѣ.
103:36 См.: 🔗Пс. 102:1	Да изчезнутъ грѣшницы от­ земли, и беззакон­ницы, якоже не быти имъ. Благослови, душе моя, Господа.