Второзаконие, глава 30

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 30
30:1 См.: 🔗Втор. 28:9	И будетъ егда прiидутъ на тя вся словеса сiя, благословенiе и клятва, юже дахъ предъ лицемъ тво­имъ, и прiимеши въ сердце твое во всѣхъ языцѣхъ, въ няже расточитъ тя Господь Богъ твой тамо,
30:2 См.: 🔗Пс. 105:45	и обратишися ко Господу Богу тво­ему, и послушаеши гласа Его по всѣмъ, елика азъ заповѣдаю тебѣ днесь, ты и сынъ твой, от­ всего сердца тво­его и от­ всея души тво­ея,
30:3 См.: 🔗Иер. 23:3 🔗Иер. 29:14	и исцѣлитъ Господь грѣхи твоя и помилуетъ тя, и паки соберетъ тя от­ всѣхъ языковъ, въ няже разсыпа тя Господь Богъ тамо.
30:4 См.: 🔗3Езд. 1:30 🔗2Мак. 1:29 🔗2Мак. 2:18	Аще будетъ разсѣянiе твое от­ края небесе даже до края небесе, от­туду соберетъ тя Господь Богъ твой и от­туду возметъ тя,
30:5	и введетъ тя Господь Богъ твой от­туду въ землю, юже наслѣдиша отцы тво­и, и наслѣдиши ю: и благо тебѣ сотворитъ, и умножитъ тя паче отецъ тво­ихъ
30:6 См.: 🔗Пс. 50:12 🔗Иер. 4:4 🔗Деян. 7:51	и очиститъ Господь сердце твое и сердце сѣмене тво­его, любити Господа Бога тво­его от­ всего сердца тво­его и от­ всея души тво­ея, да живеши ты:
30:7	и дастъ Господь Богъ твой клятвы сiя на враги твоя и на ненавидящыя тя, иже изгнаша тя:
30:8	и ты обратишися и послушаеши гласа Господа Бога тво­его и сотвориши заповѣди Его, елики азъ заповѣдаю тебѣ днесь.
30:9 См.: 🔗Втор. 28:3 🔗Иер. 32:41	И благословитъ тя Господь Богъ твой во всякомъ дѣлѣ руку твоею, въ плодѣхъ утробы тво­ея и въ плодѣхъ скотовъ тво­ихъ и въ житѣхъ земли тво­ея, яко обратит­ся Господь Богъ твой воз­веселитися о тебѣ во благихъ, якоже воз­веселися о­ отцѣхъ тво­ихъ:
30:10	аще послушаеши гласа Господа Бога тво­его хранити и творити вся заповѣди Его и оправданiя Его и суды Его, написан­ныя въ книзѣ закона сего: аще обратишися ко Господу Богу тво­ему от­ всего сердца тво­его и от­ всея души тво­ея.
30:11 См.: 🔗Ис. 45:19 🔗Ис. 48:16	Яко заповѣдь сiя, юже азъ заповѣдаю тебѣ днесь, не тяжка есть, ниже далече есть от­ тебе:
30:12 См.: 🔗Рим. 10:6	не на небеси есть, глаголя: кто взыдетъ от­ насъ на небо и возметъ ю намъ, и услышав­ше ю сотворимъ?
30:13	Ниже объ ону страну моря есть, глаголяй: кто прейдетъ намъ на ону страну моря и возметъ ю намъ, и услышав­ше ю сотворимъ?
30:14	Близъ тебе есть глаголъ зѣло, во устѣхъ тво­ихъ и въ сердцы тво­емъ и въ руку твоею, творити его.
30:15 См.: 🔗Втор. 11:26 🔗Втор. 28:2 🔗Сир. 15:17	Се, дахъ предъ лицемъ тво­имъ днесь жизнь и смерть, благо и зло.
30:16	Аще послушаеши заповѣдiй Господа Бога тво­его, яже азъ заповѣдаю тебѣ днесь, любити Господа Бога тво­его, ходити во всѣхъ путехъ Его и хранити оправданiя Его и заповѣди Его и суды Его, и поживеши, и умножишися, и благословитъ тя Господь Богъ твой на всей земли, въ нюже входиши наслѣдити ю тамо.
30:17 См.: 🔗Лев. 26:14 🔗Втор. 28:15	И аще превратит­ся сердце твое, и не послушаеши, и заблудивъ поклонишися богомъ инымъ и послужиши имъ,
30:18 См.: 🔗Втор. 4:26 🔗Втор. 8:19 🔗Втор. 11:17	воз­вѣщаю вамъ днесь, яко погибелiю погибнете, и не многодневни будете на земли, юже Господь Богъ даетъ тебѣ, въ нюже вы преходите Иорданъ тамо наслѣдити ю.
30:19 См.: 🔗Втор. 4:26 🔗Ис. 1:2 🔗Иер. 21:8	Засвидѣтел­ст­вую вамъ днесь небомъ и землею: животъ и смерть дахъ предъ лицемъ вашимъ, благословенiе и клятву: и избери животъ, да живеши ты и сѣмя твое,
30:20 См.: 🔗Втор. 4:40 🔗Ин. 6:27 🔗Быт. 50:24	любити Господа Бога тво­его, послушати гласа Его и при­­лѣпитися къ Нему: яко сiе животъ твой, и долгота дній тво­ихъ, жити на земли, еюже клят­ся Господь Богъ отцемъ тво­имъ, Аврааму и Исааку и Иакову, дати имъ.