Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 32 | |
32:1 | Псаломъ Давиду, не надписанъ у Еврей. |
32:2 См.: 🔗Пс. 31:11 🔗Пс. 146:1 | Радуйтеся, праведнiи, о Господѣ: правымъ подобаетъ похвала. |
32:3 См.: 🔗Пс. 91:4 | Исповѣдайтеся Господеви въ гуслехъ, во псалтири десятоструннѣмъ пойте Ему: |
32:4 | воспойте Ему пѣснь нову, добрѣ пойте Ему со восклицанiемъ: |
32:5 | яко право слово Господне, и вся дѣла Его въ вѣрѣ. |
32:6 | Любитъ милостыню и судъ Господь, милости Господни исполнь земля. |
32:7 | Словомъ Господнимъ небеса утвердишася, и духомъ устъ Его вся сила ихъ: |
32:8 См.: 🔗Иов. 38:8 🔗Иер. 5:22 | собираяй яко мѣхъ воды морскія, полагаяй въ сокровищихъ бездны. |
32:9 | Да убоится Господа вся земля, от Негоже да подвижутся вси живущiи по вселеннѣй: |
32:10 См.: 🔗Быт. 1:3 🔗Иудиф. 16:14 | яко Той рече, и быша: Той повелѣ, и создашася. |
32:11 См.: 🔗Иов. 5:12 | Господь разоряетъ совѣты языковъ, отметаетъ же мысли людій и отметаетъ совѣты князей. |
32:12 См.: 🔗Прит. 19:21 🔗Ис. 46:4 | Совѣтъ же Господень во вѣкъ пребываетъ, помышленiя сердца Его въ родъ и родъ. |
32:13 См.: 🔗Пс. 64:5 🔗Пс. 143:15 | Блаженъ языкъ, емуже есть Господь Богъ Его, людiе, яже избра въ наслѣдiе Себѣ. |
32:14 См.: 🔗2Пар. 16:9 🔗Иов. 28:24 | Съ небесе призрѣ Господь, видѣ вся сыны человѣческiя: |
32:15 | от готоваго жилища Своего призрѣ на вся живущыя на земли: |
32:16 | создавый на единѣ сердца ихъ, разумѣваяй на вся дѣла ихъ. |
32:17 | Не спасается царь многою силою, и исполинъ не спасется множествомъ крѣпости своея. |
32:18 См.: 🔗Прит. 21:31 | Ложь конь во спасенiе, во множествѣ же силы своея не спасется. |
32:19 | Се, очи Господни на боящыяся Его, уповающыя на милость Его: |
32:20 | избавити от смерти душы ихъ, и препитати я въ гладъ. |
32:21 | Душа же наша чаетъ Господа, яко помощникъ и защититель нашъ есть: |
32:22 См.: 🔗Ис. 66:14 | яко о Немъ возвеселится сердце наше, и во имя святое Его уповахомъ. |
32:23 | Буди, Господи, милость Твоя на насъ, якоже уповахомъ на Тя. |