Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 79 | |
79:1 | Въ конецъ, о измѣншихся, свидѣнiе Асафу, псаломъ 79. |
79:2 См.: 🔗Пс. 76:21 | Пасый Израиля вонми: наставляяй яко овча Иосифа, сѣдяй на херувимѣхъ, явися: |
79:3 См.: 🔗Ис. 7:2 | предъ Ефремомъ и Венiаминомъ и Манассіемъ воздвигни силу Твою, и прiиди во еже спасти насъ. |
79:4 См.: 🔗Пс. 30:17 | Боже, обрати ны, и просвѣти лице Твое, и спасемся. |
79:5 | Господи Боже силъ, доколѣ гнѣваешися на молитву рабъ Твоихъ? |
79:6 См.: 🔗3Цар. 22:27 🔗Пс. 101:10 | Напитаеши насъ хлѣбомъ слезнымъ, и напоиши насъ слезами въ мѣру. |
79:7 См.: 🔗Пс. 43:14 | Положилъ еси насъ въ прерѣканiе сосѣдомъ нашымъ, и врази наши подражниша ны. |
79:8 | Господи Боже силъ, обрати ны, и просвѣти лице Твое, и спасемся. |
79:9 См.: 🔗Пс. 43:3 | Виноградъ изъ Египта пренеслъ еси: изгналъ еси языки, и насадилъ еси и: |
79:10 | путесотворилъ еси предъ нимъ, и насадилъ еси коренiя его, и исполни землю. |
79:11 | Покры горы сѣнь его, и вѣтвiя его кедры Божiя: |
79:12 См.: 🔗Исх. 23:31 | простре розги его {своя} до моря, и даже до рѣкъ отрасли его {своя}. |
79:13 См.: 🔗Ис. 5:5 | Вскую низложилъ еси оплотъ его, и объимаютъ и вси мимоходящiи путемъ? |
79:14 | Озоба и вепрь от дубравы, и уединенный дивiй пояде и. |
79:15 | Боже силъ, обратися убо, и призри съ небесе и виждь, и посѣти виноградъ сей: |
79:16 | и соверши и, егоже насади десница Твоя, и на сына человѣческаго, егоже укрепилъ еси Себѣ. |
79:17 | Пожженъ огнемъ и раскопанъ: от запрещенiя лица Твоего погибнутъ. |
79:18 | Да будетъ рука Твоя на мужа десницы Твоея и на сына человѣческаго, егоже укрѣпилъ еси Себѣ, |
79:19 | и не отступимъ от Тебе: оживиши ны, и имя Твое призовемъ. |
79:20 | Господи Боже силъ, обрати ны, и просвѣти лице Твое, и спасемся. |