Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 8 | |
8:1 См.: 🔗1Пар. 18:1 | И бысть по сихъ, и порази давидъ иноплеменники и побѣди ихъ, и взя давидъ отлученное от руки иноплеменничи. |
8:2 | И порази давидъ Моава, и размѣри ихъ ужами, положивъ ихъ на земли: и быша два ужа на умерщвление, и два ужа на оживленiе: и бысть Моавъ давиду въ раба дающа дань. |
8:3 См.: 🔗3Цар. 11:23 | И порази давидъ Адраазара сына раава царя сувска, идущу ему поставити руку свою на рѣцѣ Евфратѣ: |
8:4 См.: 🔗2Цар. 10:18 | и предвзя давидъ от него тысящу колесницъ и седмь тысящъ конникъ и двадесять тысящъ мужей пѣшцевъ, и разруши давидъ вся колесницы, и остави себѣ от нихъ сто колесницъ. |
8:5 См.: 🔗2Цар. 10:6 | И прiиде сиріа Дамаскова помощи Адраазару царю сувску, и порази давидъ от сиріи двадесять двѣ тысящы мужей, |
8:6 См.: 🔗1Пар. 18:6 | и постави давидъ стражу въ сиріи, яже подъ Дамаскомъ, и бысть сиріа давиду въ рабы дающыя дань: и спасе Господь давида во всѣхъ, аможе хождаше. |
8:7 См.: 🔗2Пар. 12:2 | И взя давидъ гривны златыя, яже быша на отроцѣхъ Адраазара царя сувска, и принесе я во Иерусалимъ: и взя ихъ сусакимъ царь Египетскъ, егда взыде во Иерусалимъ во дни ровоама сына соломоня. |
8:8 См.: 🔗1Пар. 18:8 | И от Метевака и от избранныхъ градовъ Адраазаровыхъ взя давидъ мѣдь многу зѣло, изъ неяже сотвори соломонъ море мѣдяно и столпы, и умывалницы и вся сосуды. |
8:9 См.: 🔗1Пар. 18:9 | И услыша Ѳоа царь имаѳскiй, яко порази давидъ всю силу Адраазарову, |
8:10 | и посла Ѳоа Иеддурама сына своего къ царю давиду вопросити его яже о мирѣ, и благословити его, понеже побѣди Адраазара и уби его, зане сопротивляяся бѣ Адраазару: и въ руку его быша сосуды сребряны и сосуды златы и сосуды мѣдяны: |
8:11 См.: 🔗1Пар. 18:11 | и сiя освяти царь давидъ Господу со сребромъ и златомъ, еже освяти от всѣхъ градовъ, имиже возоблада, |
8:12 | от Идумеи и от Моава, и от сыновъ Аммонихъ и от иноплеменникъ, и от Амалика и от корыстей Адраазара сына раава, царя сувска. |
8:13 См.: 🔗1Пар. 18:12 | И сотвори давидъ [себѣ] имя: и егда возвращашеся, порази Идумею въ Гевелемѣ, до осминадесять тысящъ: |
8:14 См.: 🔗1Пар. 18:13 | и постави во Идумеи давидъ стражу, во всей Идумеи, и быша вси Идумеане раби царю давиду: и спасе Господь давида во всѣхъ, аможе хождаше. |
8:15 См.: 🔗1Пар. 18:14 | И царствова давидъ надъ всѣмъ Израилемъ, и бѣ давидъ творяй судъ и правду надъ всѣми людьми своими. |
8:16 См.: 🔗2Цар. 20:23 🔗1Пар. 18:15 | И Иоавъ сынъ саруинъ надъ воинствы [его], и Иосафатъ сынъ Ахилудовъ надъ памятописанми, |
8:17 См.: 🔗1Пар. 6:12 🔗1Пар. 9:11 | и садокъ сынъ Ахитовъ и Ахимелехъ сынъ Авiаѳарь жерцы, и саса книжникъ, |
8:18 | и ванеа сынъ Иодаевъ совѣтникъ, и хелеѳій и фелетій, и сынове давидовы началницы двора быша. |