Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 31 | |
31:1 | И сконча Моисей глаголя вся словеса сiя ко всѣмъ сыномъ Израилевымъ |
31:2 | и рече къ нимъ: ста и двадесяти лѣтъ азъ есмь днесь: не возмогу ксему входити и исходити: Господь же рече ко мнѣ: не прейдеши Иордана сего: |
31:3 См.: 🔗Втор. 7:1 | Господь Богъ твой предъидый предъ лицемъ твоимъ, Той потребитъ языки сiя от лица твоего, и наслѣдиши ихъ: и Иисусъ предъидый предъ лицемъ твоимъ, якоже глагола Господь: |
31:4 См.: 🔗Чис. 21:24 | и сотворитъ имъ Господь, якоже сотвори Сиону и Огу, двумъ царемъ Аморрейскимъ, иже быша объ онъ полъ Иордана, и земли ихъ, якоже потреби ихъ |
31:5 См.: 🔗Втор. 7:1 | и предаде ихъ Господь въ руцѣ ваши: и сотворите имъ, якоже заповѣдахъ вамъ: |
31:6 См.: 🔗Втор. 7:21 | мужайся и крѣпися, не бойся, ни ужасайся, ни устрашайся от лица ихъ: яко Господь Богъ твой, Сей предъидый съ вами, и не отступитъ от тебе, ниже оставитъ тя. |
31:7 | И призва Моисей Иисуса и рече ему предъ всѣмъ Израилемъ: мужайся и крѣпися: ты бо внидеши предъ лицемъ людій сихъ въ землю, юже клятся Господь отцемъ вашымъ дати имъ, и ты въ наслѣдiе раздѣлиши ю имъ: |
31:8 См.: 🔗Нав. 1:5 | и Господь, идый съ тобою, не отступитъ от тебе, ниже оставитъ тя: не бойся, ни ужасайся. |
31:9 | И вписа Моисей вся словеса закона сего въ книгу и даде жерцемъ сыномъ Левіинымъ, воздвижущымъ ковчегъ завѣта Господня, и старцемъ сыновъ Израилевыхъ. |
31:10 | И заповѣда имъ Моисей въ той день, глаголя: по седми лѣтѣхъ во время лѣта оставленiя, въ праздникъ кущей, |
31:11 | егда сходится весь Израиль явитися предъ Господемъ Богомъ твоимъ на мѣстѣ, еже изберетъ Господь, читайте законъ сей предъ всѣмъ Израилемъ во ушы ихъ: |
31:12 См.: 🔗Еккл. 12:1 | соберите люди, мужы и жены и дѣти, и пришелца, иже во градѣхъ вашихъ, да услышатъ и научатся боятися Господа Бога вашего, и послушаютъ творити вся словеса закона сего: |
31:13 | и сынове ихъ, иже не вѣдятъ, услышатъ и научатся боятися Господа Бога вашего во вся дни, елики поживутъ на земли, на нюже вы преходите Иорданъ тамо наслѣдити ю. |
31:14 | И рече Господь къ Моисею: се, приближишася дніе смерти твоея: призови Иисуса, и станите предъ дверьми скинiи свидѣнiя, и заповѣмъ ему. И иде Моисей и Иисусъ ко скинiи свидѣнiя, и стаста предъ дверьми скинiи свидѣнiя. |
31:15 | И сниде Господь въ столпѣ облачнѣ, и ста у дверiй скинiи свидѣнiя: и ста столпъ облачный у дверiй скинiи свидѣнiя. |
31:16 | И рече Господь къ Моисею: се, ты почіеши со отцы твоими, и воставше людiе сіи соблудятъ вслѣдъ боговъ чуждихъ земли, въ нюже входятъ сіи тамо, и оставятъ Мя, и разорятъ завѣтъ Мой, егоже завѣщахъ имъ: |
31:17 См.: 🔗Ос. 2:6 | и разгнѣваюся яростiю на ня въ той день, и оставлю я, и отвращу лице Мое от нихъ, и будутъ въ снѣдь: и обрящутъ я зла многа и скорби, и рекутъ въ день той: понеже нѣсть Господа Бога въ насъ, постигнуша ны злая сiя: |
31:18 См.: 🔗Втор. 32:20 | Азъ же отвращенiемъ отвращу лице Мое от нихъ въ той день, злобъ ради всѣхъ яже сотвориша, яко обратишася къ богомъ чуждимъ: |
31:19 См.: 🔗Отк. 15:3 | и нынѣ напишите словеса пѣсни сея, и научите ей сыны Израилевы, и вложите ю во уста ихъ, да будетъ Мнѣ пѣснь сiя во свидѣтелство въ сынѣхъ Израилевыхъ: |
31:20 | введу бо ихъ въ землю благую, еюже кляхся отцемъ ихъ, дати имъ землю кипящую медомъ и млекомъ, и ядятъ, и насытившеся утолстѣютъ, и обратятся къ богомъ чуждимъ, и послужатъ имъ, и разгнѣваютъ Мя, и разорятъ завѣтъ Мой, егоже завѣщахъ имъ: |
31:21 См.: 🔗Пс. 138:2 | и будетъ егда постигнутъ ихъ многа зла и скорби, и противостанетъ пѣснь сiя предъ лице ихъ свидѣтелствующи, яко не забвена будетъ от устъ ихъ и от устъ сѣмене ихъ: Азъ бо вѣмъ злобу ихъ, елика творятъ днесь здѣ, прежде введенiя ихъ въ землю благую, еюже кляхся отцемъ ихъ. |
31:22 | И написа Моисей пѣснь сiю въ той день и научи ей сыны Израилевы. И заповѣда Моисей Иисусу сыну Навину и рече ему: |
31:23 См.: 🔗Нав. 1:6 | мужайся и крѣпися: ты бо введеши сыны Израилевы въ землю, еюже клятся имъ Господь, и Той будетъ съ тобою. |
31:24 См.: 🔗4Цар. 22:8 | Егда же сконча Моисей пиша вся словеса закона сего въ книгу даже до конца, |
31:25 | и заповѣда левитомъ воздвижущымъ ковчегъ завѣта Господня, глаголя: |
31:26 | вземше книгу закона сего, положите ю от страны ковчега завѣта Господа Бога вашего, и будетъ тамо вамъ во свидѣтелство: |
31:27 См.: 🔗Мк. 10:5 | яко азъ вѣмъ рвенiе твое и выю твою жестокую: еще бо мнѣ живу сущу съ вами днесь, преогорчающе бысте Господа, кольми паче по смерти моей? |
31:28 См.: 🔗Втор. 4:26 | Соберите ко мнѣ племеноначалники вашя и старцы вашя, и судiи вашя и книговводители вашя, да возглаголю во ушы ихъ вся словеса сiя и засвидѣтелствую имъ небомъ и землею: |
31:29 | вѣмъ бо, яко по скончанiи моемъ беззаконiемъ собеззаконнуете и уклонитеся от пути, егоже [азъ] заповѣдахъ вамъ, и срящутъ васъ злая въ послѣднiя дни, яко сотворите злое предъ Господемъ Богомъ, прогнѣвати Его въ дѣлѣхъ рукъ вашихъ. |
31:30 | И глагола Моисей во ушеса всего сонма Израилева словеса пѣсни сея даже до конца: |