Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 9 | |
9:1 | Видѣхъ Господа стояща на жертвенницѣ, и рече: порази очистилище, и поколеблются преддверiя, и пресѣцы въ главы всѣхъ: и оставшыя ихъ оружiемъ избiю, не убѣжитъ от нихъ бѣжай, и не уцѣлѣетъ от нихъ уцѣлѣваяй: |
9:2 | аще сокрыются во адѣ, то и оттуду рука моя исторгнетъ я, и аще взыдутъ на небо, то и оттуду свергу я: |
9:3 | и аще скрыются на версѣ кармила, то и оттуду взыщу и возму я, и аще погрузятся от очiю моею во глубинахъ морскихъ, то и тамо повелю зміеви, и угрызетъ я: |
9:4 См.: 🔗Иер. 44:11 | и аще пойдутъ въ плѣнъ предъ лицемъ врагъ своихъ, и тамо повелю оружiю, и избiетъ ихъ: и утвержу очи мои на нихъ во злая, а не во благая. |
9:5 См.: 🔗Пс. 96:5 🔗Наум. 1:5 | И Господь Богъ Вседержитель прикасаяйся земли и колебля ею, и возрыдаютъ вси живущiи на ней, и взыдетъ яко рѣка скончанiе ея, и снидетъ яко рѣка Египетская: |
9:6 См.: 🔗Ам. 5:8 | сотворяяй на небо восходъ свой и обѣщанiе свое на земли основаяй, призываяй воду морскую и проливаяй ю на лице земли: Господь Богъ Вседержитель имя ему. |
9:7 См.: 🔗Иер. 13:23 🔗Иер. 47:4 | Не якоже ли сынове еѳiопстiи вы есте мнѣ, сынове Израилевы? глаголетъ Господь. Не Израиля ли изведохъ изъ земли Египетскiя и иноплеменники изъ каппадокіи и Сиряны изъ рова? |
9:8 | Се, очи Господа Бога на царство грѣшныхъ, и отвергу е от лица земли: обаче не въ конецъ отвергу домъ Израилевъ, глаголетъ Господь. |
9:9 См.: 🔗Деян. 15:16 | Понеже, се, азъ заповѣдаю и развѣю домъ Израилевъ во вся языки, якоже вѣется на вѣялѣ, и не падетъ сотренiе на землю. |
9:10 | Оружiемъ скончаются вси грѣшнiи людій моихъ, глаголющiи: не приближатся, ни прiидутъ на насъ злая. |
9:11 См.: 🔗Мих. 4:7 🔗Деян. 15:16 | Въ той день возставлю скинiю давидову падшую, и возгражду падшая ея, и раскопаная ея возставлю, и возгражду ю якоже дніе вѣка: |
9:12 См.: 🔗Чис. 24:18 🔗Деян. 15:17 | яко да взыщутъ мене оставшiися человѣцы и вси языцы, въ нихже призвася имя мое въ нихъ, глаголетъ Господь творяй сiя вся. |
9:13 См.: 🔗Иоил. 3:18 | Се, дніе грядутъ, глаголетъ Господь, и постигнетъ жатва объиманiе винограда, и созрѣетъ гроздiе въ сѣятву, и искапаютъ горы сладость, и вси холми насаждени будутъ: |
9:14 См.: 🔗Ис. 62:4 🔗Иез. 28:26 | и возвращу плѣнъ людій моихъ Израиля, и возградятъ грады разореныя, и населятся, и насадятъ винограды и испiютъ вино ихъ, и сотворятъ вертограды и снѣдятъ плодъ ихъ: |
9:15 См.: 🔗Иер. 32:41 | и насажду я на земли ихъ, и не исторгнутся ктому от земли своея, юже дахъ имъ, глаголетъ Господь Богъ Вседержитель. |