Откровение Иоанна Богослова (Апокалипсис), глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1	Апокалипсисъ {от­кровенiе} Иисуса Христа, егоже {еже} даде Ему Богъ, показати рабомъ Сво­имъ, имже подобаетъ быти вскорѣ. И сказа, пославъ чрезъ Ангела Сво­его рабу Сво­ему Иоан­ну,
1:2	иже свидѣтел­ст­вова слово Божiе и свидѣтел­ст­во Иисусъ Христово, и елика видѣ.
1:3 См.: 🔗Лк. 11:28	Блаженъ чтый, и слышащiи словеса пророче­ст­вiя, и соблюдающiи писаная въ немъ: время бо близъ.
1:4 См.: 🔗Исх. 3:14 🔗Отк. 4:5	Иоан­нъ седмимъ церквамъ, яже суть во Асіи: благодать вамъ и миръ от­ Сущаго, и Иже бѣ, и Грядущаго, и от­ седми духовъ, иже предъ престоломъ Его суть,
1:5 См.: 🔗Пс. 88:38 🔗1Пет. 1:19 🔗1Ин. 1:7 🔗1Кор. 15:20 🔗Кол. 1:18 🔗Евр. 9:14	и от­ Иисуса Христа, Иже есть свидѣтель вѣрный, первенецъ изъ мертвыхъ и князь царей земныхъ: любящу ны и омыв­шу насъ от­ грѣхъ нашихъ Кровiю Сво­ею,
1:6 См.: 🔗Исх. 19:6 🔗1Пет. 2:9	и сотворилъ есть насъ цари и иереи Богу и Отцу Сво­ему, Тому слава и держава во вѣки вѣковъ. Аминь.
1:7 См.: 🔗Ис. 3:14 🔗Зах. 12:10 🔗Мф. 24:30 🔗Иуд. 1:14	Се, грядетъ со облаки, и узритъ Его всяко око и иже Его прободоша, и плачь сотворятъ о Немъ вся колѣна земная. Ей, аминь.
1:8 См.: 🔗Ис. 41:4 🔗Отк. 2:8	Азъ есмь Алфа и Омега, начатокъ и конецъ, глаголетъ Господь, сый, и Иже бѣ, и грядый, Вседержитель.
1:9 См.: 🔗Рим. 8:17	Азъ Иоан­нъ, иже и братъ вашъ и общникъ въ печали и во цар­ст­вiи и въ терпѣнiи Иисусъ Христовѣ, быхъ во островѣ нарицаемѣмъ Патмосъ за слово Божiе и за свидѣтел­ст­во Иисусъ Христово.
1:10 См.: 🔗Ис. 44:6 🔗Ис. 48:12	Быхъ въ дусѣ въ день недѣлный, и слышахъ за собою гласъ велiй яко трубы глаголющiя: Азъ есмь Алфа и Омега, Первый и Послѣднiй:
1:11	и: яже видиши, напиши въ книгу, и посли церквамъ, яже суть во Асіи: во Ефесъ и въ Смирну, въ Пергамъ и въ Ѳиатиръ, и въ Сардисъ и въ Филаделфію и въ Лаодикію.
1:12 См.: 🔗Исх. 25:37 🔗Зах. 4:2	И обратихся видѣти гласъ, иже глаголаше со мною: и обратився видѣхъ седмь свѣтилникъ златыхъ,
1:13 См.: 🔗Иез. 1:26 🔗Дан. 10:5 🔗Мф. 28:18	и посредѣ седми свѣтилниковъ подобна Сыну Человѣчу, облечена въ подиръ и препоясана при­­ сосцу поясомъ златымъ:
1:14 См.: 🔗Дан. 7:9	глава же Его и власи бѣлы аки ярина бѣлая, якоже снѣгъ: и очи Его яко пламень огненъ:
1:15 См.: 🔗Иез. 43:2 🔗Дан. 10:6	и нозѣ Его подобнѣ халколивану, якоже въ пещи разжжен­нѣ: и гласъ Его яко гласъ водъ многъ:
1:16 См.: 🔗Ис. 49:2 🔗Мф. 28:18 🔗Еф. 6:17 🔗Отк. 2:16	и держя въ руцѣ Сво­ей деснѣй седмь звѣздъ: и изъ устъ Его мечь обоюду остръ изостренъ исходяй: и лице Его якоже солнце сiяетъ въ силѣ сво­ей.
1:17 См.: 🔗Дан. 8:18	И егда видѣхъ Его, падохъ къ ногама Его яко мертвъ. И положи десницу Свою на мнѣ, глаголя ми: не бойся: Азъ есмь Первый и Послѣднiй
1:18 См.: 🔗Иов. 12:14 🔗Ис. 22:22 🔗Отк. 3:7	и живый: и быхъ мертвъ, и се, живъ есмь во вѣки вѣковъ, аминь: и имамъ ключи ада и смерти.
1:19	Напиши убо, яже видѣлъ еси, и яже суть, и имже подобаетъ быти по семъ.
1:20 См.: 🔗Мал. 2:7	Таин­ство седми звѣздъ, яже видѣлъ еси на десницѣ Мо­ей, и седмь свѣтилникъ златыхъ: седмь звѣздъ Ангели седми церквей суть: и седмь свѣтилниковъ, яже видѣлъ еси, седмь церквей суть.