Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 9 | |
9:1 См.: 🔗Аг. 1:1 🔗Дан. 5:31 | Въ первое лѣто дарiа сына Ассуирова, от племене мидска, иже царствова во царствѣ Халдейстѣмъ, |
9:2 | въ лѣто первое царства его, азъ данiилъ разумѣхъ въ книгахъ число лѣтъ, о немже бысть слово Господне ко иереміи пророку, на скончанiе опустѣнiя Иерусалимля седмьдесятъ лѣтъ. |
9:3 | И дахъ лице мое къ Господу Богу, еже взыскати молитвы и прошенiя въ постѣ и во вретищи и пепелѣ, |
9:4 | и молихся ко Господу Богу моему и исповѣдахся и рѣхъ: Господи, Боже великiй и чудный, храняй завѣтъ твой и милость твою любящымъ тя и хранящымъ заповѣди твоя: |
9:5 | согрѣшихомъ, беззаконновахомъ, нечествовахомъ и отступихомъ и уклонихомся от заповѣдiй твоихъ и от судовъ твоихъ |
9:6 См.: 🔗Иер. 44:16 | и не послушахомъ рабъ твоихъ пророковъ, иже глаголаша во имя твое ко царемъ нашымъ и княземъ нашымъ, и отцемъ нашымъ и всѣмъ людемъ земли. |
9:7 | Тебѣ, Господи, правда, намъ же стыдѣнiе лица, якоже день сей, мужу Иудину, и живущымъ во Иерусалимѣ, и всему Израилю, и ближнимъ и дальнимъ во всей земли, идѣже разсѣялъ еси я тамо, во отверженiи ихъ, имже отвергошася тебе, Господи. |
9:8 | Тебѣ, Господи, есть правда, намъ же стыдѣнiе лица, и царемъ нашымъ и княземъ нашымъ и отцемъ нашымъ, иже согрѣшихомъ тебѣ. |
9:9 См.: 🔗Пс. 129:4 🔗Лк. 1:72 | Господу же Богу нашему щедроты и очищенiя, яко отступихомъ от Господа |
9:10 См.: 🔗2Пар. 36:15 🔗Соф. 3:2 | и не послушахомъ гласа Господа Бога нашего, ходити въ законѣхъ его, ихже даде предъ лицемъ нашимъ рукою рабъ своихъ пророковъ. |
9:11 | И весь Израиль преступи законъ твой, и уклонишася еже не послушати гласа твоего: и прiиде на ны клятва и заклятiе вписаное въ законѣ Моисеа раба Божiя, яко согрѣшихомъ ему. |
9:12 См.: 🔗Вар. 2:1 | И устави словеса своя, яже глагола на ны и на судiи нашя, иже судиша намъ, навести на ны злая великая, яковыхъ не бысть подъ всѣмъ небесемъ, по [всѣмъ] бывшымъ во Иерусалимѣ, |
9:13 | якоже есть писано въ законѣ Моисеовѣ, вся злая сiя прiидоша на ны: и не помолихомся лицу Господа Бога нашего, отвратитися от неправдъ нашихъ, и еже смыслити во всей истинѣ твоей [Господи]. |
9:14 См.: 🔗Пс. 144:17 | И убудися Господь Богъ на злобу нашу и наведе сiя на ны, яко праведенъ Господь Богъ нашъ во всемъ дѣянiи своемъ, еже сотвори, и не послушахомъ гласа его. |
9:15 См.: 🔗Исх. 12:41 🔗Вар. 2:11 | И нынѣ, Господи, Боже нашъ, иже извелъ еси люди твоя от земли Египетскiя рукою крѣпкою и сотворилъ еси себѣ самому имя, якоже день сей, согрѣшихомъ, беззаконновахомъ. |
9:16 См.: 🔗Вар. 2:13 | Господи, всѣмъ помилованiемъ твоимъ да отвратится ярость твоя и гнѣвъ твой от града твоего Иерусалима, от горы святыя твоея: яко согрѣшихомъ неправдами нашими и беззаконiемъ отецъ нашихъ, Иерусалимъ и людiе твои во укоризну быша во всѣхъ окрестныхъ насъ. |
9:17 | И нынѣ, Господи, Боже нашъ, услыши молитву раба твоего и прошенiе его, и яви лице твое на святилище твое опустѣвшее, тебе ради, Господи. |
9:18 См.: 🔗Вар. 2:17 | Приклони, Господи, Боже мой, ухо твое и услыши, отверзи очи твои и виждь потребленiе наше и града твоего, въ немже призвася имя твое, яко не на нашя правды [уповающе] повергаемъ моленiе наше предъ тобою, но на щедроты твоя многiя, Господи. |
9:19 | Услыши, Господи, очисти, Господи, вонми, Господи, и сотвори, и не закосни тебе ради, Боже мой, яко имя твое призвася во градѣ твоемъ и въ людехъ твоихъ. |
9:20 | Еще же ми глаголющу и молящуся и исповѣдающу грѣхи моя и грѣхи людій моихъ Израиля, и припадающу съ моленiемъ моимъ предъ Господемъ Богомъ моимъ о горѣ святѣй его: |
9:21 См.: 🔗Дан. 8:16 | и еще глаголющу ми въ молитвѣ, и се, мужъ гаврiилъ, егоже видѣхъ въ видѣнiи моемъ въ началѣ, парящь, и прикоснуся мнѣ, аки въ часъ жертвы вечернiя, |
9:22 | и вразуми мя, и глагола ко мнѣ, и рече: данiиле, нынѣ изыдохъ устроити тебѣ разумъ: |
9:23 См.: 🔗1Езд. 6:14 🔗Дан. 10:12 | въ началѣ молитвы твоея изыде слово, и азъ прiидохъ возвѣстити тебѣ, яко мужъ желанiй еси ты, размысли о словеси и разумѣй во явленiи. |
9:24 См.: 🔗Иер. 23:5 🔗Иез. 37:25 | Седмьдесятъ седминъ сократишася о людехъ твоихъ и о градѣ твоемъ святѣмъ, яко да обетшаетъ согрѣшенiе, и скончается грѣхъ, и запечатаются грѣси, и загладятся неправды, и очистятся беззаконiя, и приведется правда вѣчная: и запечатается видѣнiе и пророкъ, и помажется святый святыхъ. |
9:25 См.: 🔗1Езд. 6:14 🔗Лк. 7:19 | И увѣси и уразумѣеши от исхода словесе, еже отвѣщати и еже соградити Иерусалимъ, даже до Христа старѣйшины седминъ седмь и седминъ шестьдесятъ двѣ: и возвратится, и соградится стогна и забрала, и истощатся лѣта. |
9:26 | И по седминахъ шестидесяти двухъ потребится помазанiе, и судъ не будетъ въ немъ: градъ же и святое разсыплется со старѣйшиною грядущимъ, и потребятся аки въ потопѣ, и до конца рати сокращенныя чиномъ, погибельми. |
9:27 | И утвердитъ завѣтъ мнозѣмъ седмина едина: въ полъ же седмины отъимется жертва и возлiянiе, и во святилищи мерзость запустѣнiя будетъ, и даже до скончанiя времене скончанiе дастся на опустѣнiе. |