Псалтирь, псалом 40

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 40
40:1	Въ конецъ, псаломъ Давиду.
40:2 См.: 🔗Прит. 14:21 🔗Дан. 4:24 🔗Лк. 14:13	Блаженъ разумѣваяй на нища и убога, въ день лютъ избавитъ его Господь.
40:3	Господь да сохранитъ его и живитъ его, и да ублажитъ его на земли и да не предастъ его въ руки враговъ его.
40:4 См.: 🔗Мф. 9:22 🔗Лк. 7:7	Господь да поможетъ ему на одрѣ болѣзни его: все ложе его обратилъ еси въ болѣзни его.
40:5 См.: 🔗Пс. 6:3	Азъ рѣхъ: Господи, помилуй мя, изцѣли душу мою, яко согрѣшихъ Ти.
40:6	Врази мо­и рѣша мнѣ злая: когда умретъ, и погибнетъ имя его?
40:7	И вхожда­ше видѣти, всуе глаголаше сердце его: собра беззаконiе себѣ, исхожда­ше вонъ и глаголаше вкупѣ.
40:8 См.: 🔗Мф. 22:15	На мя шептаху вси врази мо­и, на мя помышляху злая мнѣ.
40:9 См.: 🔗Мк. 12:13 🔗Мф. 27:66	Слово законопреступное воз­ложиша на мя: еда спяй не при­­ложитъ воскреснути?
40:10 См.: 🔗Ин. 13:18 🔗Деян. 1:16	Ибо человѣкъ мира мо­его, на негоже уповахъ, ядый хлѣбы моя, воз­величи на мя запинанiе.
40:11	Ты же, Господи, помилуй мя и воз­стави мя, и воз­дамъ имъ.
40:12	Въ семъ познахъ, яко восхотѣлъ мя еси, яко не воз­радует­ся врагъ мой о мнѣ.
40:13	Мене же за незлобiе прiялъ, и утвердилъ мя еси предъ Тобою въ вѣкъ.
40:14 См.: 🔗Пс. 39:17	Благословенъ Господь Богъ Израилевъ от­ вѣка и до вѣка: буди, буди.